ഒടുവില് കുറ്റസമ്മതം നടത്തി അല്ലേ? ഖുറാന് മറയാക്കി സ്വര്ണം കടത്തിട്ടുണ്ടാകുമെന്ന് മന്ത്രി കെ.ടി ജലീല്; ഇതു തന്നെയല്ലേ ഇത്രയും കാലവും പ്രതിപക്ഷ പാര്ട്ടികള് പറഞ്ഞത്? ചോദ്യം ചെയ്യാന് രാത്രി വരട്ടെയെന്ന് എന്.ഐ.എയോട് ചോദിച്ചത് തന്റെ സൗകര്യമെന്നും മന്ത്രി
പ്രതിപക്ഷ പാര്ട്ടികള് പറയുന്ന ആരോപണള് ശരിയാവാമെന്ന് അവസാനം മന്ത്രിയും സമ്മതിക്കുകയാണ്. സ്വര്ണക്കടത്തുമായി ബന്ധപ്പെട്ട് ഖുറാന് വിവാദമുണ്ടായതു മുതല് കോണ്ഗ്രസും ബി.ജെ.പിയും ഉള്പ്പെടുന്ന പ്രതിപക്ഷ പാര്ട്ടികള് പറഞ്ഞ കാര്യമാണ് ഖുറാന് മറയാക്കി സ്വര്ണം കടത്തിയെന്നുള്ളത്. അതുതന്നെയാണ് മന്ത്രി കെ.ടി ജലീലും ഇപ്പോള് സമ്മതിക്കുന്നത്. വിശുദ്ധ ഖുറാന് മറയാക്കി സ്വര്ണക്കടത്ത് നടന്നിട്ടുണ്ടാകാമെന്നും എന്ത് കൊണ്ട് കസ്റ്റംസ് ഇവ വിമാനത്താവളത്തില് പരിശോധിച്ചില്ലെന്നും മന്ത്രി കെ.ടി ജലീല് ഇപ്പോള് പറയുന്നത്. ഡിപ്ലോമാറ്റിക് ബാഗേജ് വഴി സ്വര്ണക്കടത്ത് നടന്നിട്ടുണ്ടാകാം. എന്നാല് തനിക്ക് അതില് അറിവോ പങ്കോ ഇല്ലെന്നും മന്ത്രി വ്യക്തമാക്കി. ഡിപ്ലോമാറ്റിക് ബാഗേജിലാണ് സ്വര്ണം വന്നതെന്നും ഖുറാന് വന്നത് ഡിപ്ലോമാറ്റിക് കാര്ഗോയിലാണെന്നും മന്ത്രി ഒരു ടി.വി ചാനലിന് നല്കിയ അഭിമുഖത്തില് പറയുന്നുണ്ട്.
ഖുര്ആന് കോപ്പികള് താന് ഏറ്റുവാങ്ങിയിട്ടില്ലെന്നും മന്ത്രി വ്യക്തമാക്കി. പള്ളികളിലോ മറ്റോ ഖുറാന് വിതരണം ചെയ്യാന് കഴിയുമോ എന്ന് ചോദിച്ചപ്പോള് സ്ഥലമുണ്ട് എന്ന് മാത്രമാണ് യുഎഇ കോണ്സുലേറ്റിനോട് താന് അറിയിച്ചതെന്നും ജലീല് പറഞ്ഞു. സര്ക്കാരിന് കൂടുതല് ചെലവുകള് വരാതെ എത്തിക്കാം എന്നാണ് ഞാന് പറഞ്ഞത്. അങ്ങനെയാണ് സിആപ്റ്റിന്റെ വാഹനത്തില് കൊണ്ടുപോയത്. അതെല്ലാം ഇവിടെ സാധാരണയായി നടക്കുന്ന കാര്യമാണെന്നും ജലീല് പറഞ്ഞു. ഞാന് വ്യക്തിപരമായി ആ ഖുറാന് സ്വീകരിച്ചിട്ടില്ലെന്നും തനിക്ക് തന്ന പാക്കറ്റുകള് സുരക്ഷിതമാണെന്നും 31 പാക്കറ്റുകള് പൊട്ടിച്ചിട്ടില്ലെന്നും ഒരു പാക്കറ്റ് മാത്രമാണ് പൊട്ടിച്ചതെന്നും ജലീല് വ്യക്തമാക്കി.
എന്ഫോഴ്സ്മെന്റ് ഡയറക്ടറേറ്റ് തന്നെ ചോദ്യം ചെയ്ത വിവരം പുറത്തുവിടരുതായിരുന്നെന്നാണ് മന്ത്രിയുടെ അഭിപ്രായം. വിവരം ശേഖരിച്ചത് രഹസ്യമാക്കി വെക്കേണ്ടതായിരുന്നു. ഇഡിയുടെ പവിത്രത കാത്തു സൂക്ഷിക്കണമായിരുന്നു. ആ ചിന്ത തനിക്കുണ്ടായിരുന്നതുകൊണ്ടാണ് താന് ചോദ്യം ചെയ്യല് വിവരം മറച്ചുവെച്ചതെന്നും മന്ത്രി പറഞ്ഞു. ഇഡി ആയാലും എന്ഐഎയും വിശ്വസ്തമായ ഏജന്സികളാണ്. അവര് പറയുന്നില്ലെങ്കില് ഞാന് പറയുന്നത് ശരിയല്ല. അവരുടെ പവിത്രത കാത്തുസൂക്ഷിക്കണം. ഇഡി ചോദ്യം ചെയ്ത ശേഷം ഞാന് നിഷേധിച്ചിട്ടില്ല. ഞാനായിട്ട് വെളിവാക്കുന്നത് ശരിയല്ല എന്ന് തോന്നി. മൂന്ന് മണിക്കാണ് മാധ്യമപ്രവര്ത്തകര് ചോദിക്കുന്നത്. ഇഡി സ്ഥിരീകരിച്ചു എന്ന വാര്ത്ത വന്നതിന് ശേഷം ഞാന് സംസാരിച്ചിട്ടുണ്ട്. വിവരം തേടിയ കാര്യം സമ്മതിച്ചിട്ടുണ്ട്. എന്ഐഎ പറഞ്ഞ സമയത്തിന് മണിക്കൂറുകള് നേരത്തേ എത്തിയെന്ന് പറഞ്ഞത് ശരിയല്ല. നോട്ടീസില് പത്തുമണിയാണെങ്കിലും നിങ്ങളുടെ സൗകര്യം അനുസരിച്ച് സമയം മാറ്റാമെന്ന് എന്ഐഎ പറഞ്ഞിരുന്നു. എന്ഐഎ ഓഫീസിലേക്ക് ചോദ്യം ചെയ്യലിനായി രാത്രി വരട്ടെയെന്ന് ചോദിച്ചോയെന്ന ചോദ്യത്തിന് തനിക്ക് സൗകര്യപ്രദമായ സമയം അതായിരുന്നു എന്നായിരുന്നു കെടി ജലീലിന്റെ മറുപടി. ആറുമണിയോടെ എന്ഐഎ ഓഫീസിലെത്തിയെന്നും ആറെകാലോടെ ചോദ്യം ചെയ്യാന് ആരംഭിച്ചുവെന്നും ജലീല് വ്യക്തമാക്കി.
https://www.facebook.com/Malayalivartha