ഡബ്ബിങ് ആര്ട്ടിസ്റ്റ് ഭാഗ്യലക്ഷ്മിക്കും കൂട്ടര്ക്കും പിന്തുണയുമായി ആരോഗ്യമന്ത്രി കെ.കെ. ശൈലജ ടീച്ചര്
സോഷ്യല് മീഡിയയിലൂടെ സ്ത്രീകളെ അപമാനിച്ച യൂട്യൂബര് വിജയ്.പി. നായര്ക്കെതിരെ ഡബ്ബിങ് ആര്ട്ടിസ്റ്റ് ഭാഗ്യലക്ഷ്മിക്കും കൂട്ടര്ക്കും പിന്തുണയുമായി ആരോഗ്യ മന്ത്രി കെ.കെ. ശൈലജ ടീച്ചര്. ശക്തമായി പ്രതികരിച്ചതില് സന്തോഷമുണ്ടെന്നും അഭിനന്ദിക്കുന്നുവെന്നും മന്ത്രി പറഞ്ഞു. അതിനായി അവര് സ്വീകരിച്ച മാര്ഗമെല്ലാം പിന്നീട് ചര്ച്ച ചെയ്യാം. അത്തരം വൃത്തികെട്ട ആളുകളെ മാറ്റി നിര്ത്താന് സ്ത്രീപുരുഷ വ്യത്യാസമില്ലാതെ സമൂഹം ഇടപെടണമെന്നും കെ.കെ. ശൈലജ വാര്ത്താസമ്മേളനത്തില് പറഞ്ഞു.അങ്ങേയറ്റം അശ്ലീലകരമായ പരാമര്ശങ്ങളാണ് വിജയ് പി. നായര് യൂ ട്യൂബ് ചാനലിലൂടെ നടത്തിയത്, അങ്ങേയറ്റം വൃത്തികെട്ട സമീപനമാണിത്. നിര്ബന്ധമായും അയാള്ക്കെതിരെ കേസെടുക്കണം. ഇത്തരം വിഷയങ്ങള്ക്കെതിരെ പ്രതികരിക്കുന്നത് തെറ്റല്ലെന്നും എന്നാല് പ്രതികരണം ഏതറ്റം വരെ എന്നത് നിയമപരമായി തീരുമാനിക്കേണ്ടതാണെന്നും മന്ത്രി കൂട്ടിച്ചേര്ത്തു.
https://www.facebook.com/Malayalivartha