സ്തീകളെ അപമാനിച്ച് പണം കണ്ടെത്താന് നടത്തുന്ന ശ്രമങ്ങളെ സര്ക്കാര് ഒരു തരത്തിലും അനുവദിക്കില്ല
സ്ത്രീകളെ അധിക്ഷേപിച്ച് യൂട്യൂബില് വീഡിയോ പോസ്റ്റ് ചെയ്ത സംഭവത്തില് കര്ശന നടപടി സ്വീകരിക്കുമെന്ന് മന്ത്രി കെ.കെ ശൈലജ വ്യക്തമാക്കി. സ്ത്രീകള്ക്കെതിരായി നടക്കുന്ന ഒരു തരത്തിലുള്ള അക്രമവും സര്ക്കാര് പ്രോത്സാഹിപ്പിക്കില്ല.
ഇത്തരത്തില് സ്ത്രീകളെ അപമാനിക്കുന്ന തരത്തില് പോസ്റ്റിടുന്നവരെ ഒരു തരത്തിലും പ്രോത്സാഹിപ്പിക്കാന് പാടില്ല. അവരുടെ യൂട്യൂബ് ചാനല് സബ്സ്ക്രൈബ് ചെയ്യുകയോ വീഡിയോ ഷെയര് ചെയ്യുകയോ ചെയ്യരുത്. നമ്മുടെ കുടുംബാംഗങ്ങളെ പറ്റി ആരെങ്കിലും പറഞ്ഞാലുണ്ടാകുന്ന അതേ വേദനയോടെ എല്ലാവരും ഇതിനെ കാണണം. ഇത്തരത്തില് സ്തീകളെ അപമാനിച്ച് പണം കണ്ടെത്താന് നടത്തുന്ന ശ്രമങ്ങളെ സര്ക്കാര് ഒരു തരത്തിലും അനുവദിക്കില്ല. ഇത്തരക്കാര്ക്കെതിരേ പൊതുസമൂഹമാകെ മുന്നോട്ടു വരണമെന്നും മന്ത്രി കൂട്ടിച്ചേര്ത്തു.
https://www.facebook.com/Malayalivartha