ലോകത്തിലെ ഏറ്റവും നീളം കൂടിയ ഹൈ ആള്ട്ടിറ്റിയൂഡ് ഹൈവേ തുരങ്കമായ അടല് രോതാംഗ് ടണലിന്റെ ഉദ്ഘാടനം ഒക്ടോബര് മൂന്നിന്
ലോകത്തിലെ ഏറ്റവും നീളം കൂടിയ ഹൈ ആള്ട്ടിറ്റിയൂഡ് ഹൈവേ തുരങ്കമായ അടല് രോതാംഗ് ടണലിന്റെ ഉദ്ഘാടനം ഒക്ടോബര് മൂന്നിന് ശനിയാഴ്ച പ്രധാനമന്ത്രി നരേന്ദ്ര മോദി നിര്വഹിക്കും. ബോര്ഡര് റോഡ് ഓര്ഗനൈസേഷനാണ് (ബി.ആര്.ഒ.) നിര്മിച്ചത്. ലോകത്തിലെ തന്നെ ഏറ്റവും നീളമേറിയ തുരങ്കപാതയായാണ് റോതാങ്കിനെ വിലയിരുത്തുന്നത്.
ഉദ്ഘാടന ചടങ്ങിന്റെ ഒരുക്കങ്ങളെക്കുറിച്ച് ടണലിന്റെ ചീഫ് എന്ജിനിയര് കെ.പി. പുരുഷോത്തനുമായി കഴിഞ്ഞദിവസം സ്ഥലം സന്ദര്ശിച്ച കേന്ദ്ര പ്രതിരോധ സെക്രട്ടറി അജയ് കുമാര് ചര്ച്ച നടത്തി.പ്രതിരോധ മന്ത്രി രാജ്നാഥ് സിങ്, കേന്ദ്ര ധനകാര്യ സഹമന്ത്രി അനുരാഗ് ഠാക്കൂര് എന്നിവരും ഉദ്ഘാടനച്ചടങ്ങില് നരേന്ദ്ര മോദിക്കൊപ്പം ഉണ്ടാകും.
ഉദ്ഘാടനച്ചടങ്ങിനൊപ്പം ടണലിന്റെ ഇരുഭാഗങ്ങളിലുമായി നടക്കുന്ന രണ്ട് റാലികളെയും നരേന്ദ്ര മോദി അഭിസംബോധന ചെയ്യും.മണാലിയില് നിന്ന് ലേയിലേക്കുള്ള യാത്ര ഏഴ് മണിക്കൂര് കുറയ്ക്കുന്നതാണ് റോതാങ് തുരങ്കപാത. 46 കിലോമീറ്റര് ദൂരമാണ് രണ്ട് സ്ഥലങ്ങള്ക്കിടയില് ഈ തുരങ്കം കുറയ്ക്കുക.
https://www.facebook.com/Malayalivartha
