തിരുവനന്തപുരം നഗരസഭയുടെ കീഴിലെ പൊതുശ്മശാനമായ ശാന്തികവാടത്തില് നടക്കുന്ന സംസ്കാരചടങ്ങുകള് ഇനി ലോകത്തെവിടെയിരുന്നും തത്സമയം കാണാം
തിരുവനന്തപുരം നഗരസഭയുടെ കീഴിലെ പൊതുശ്മശാനമായ ശാന്തികവാടത്തില് നടക്കുന്ന സംസ്കാരചടങ്ങുകള് ഇനി ലോകത്തെവിടെയിരുന്നും തത്സമയം വീക്ഷിക്കാം. ഇതിനായി സംസ്കാര ചടങ്ങുകളുടെ ലൈവ് സ്ട്രീമിങ്ങിന് സംവിധാനമൊരുക്കുകയാണ് നഗരസഭ. കോവിഡിന്റെ പശ്ചാത്തലത്തില് ചടങ്ങുകളില് പങ്കെടുക്കാന് കര്ശന നിയന്ത്രണങ്ങള് ഏര്പ്പെടുത്തിയ സാഹചര്യത്തില് ബന്ധുമിത്രാദികള്ക്കായാണ് ഓണ്ലൈന് സ്ട്രീമിങ് സംവിധാനം ഒരുക്കുന്നത്.
സ്മാര്ട്ട് ട്രിവാന്ഡ്രം വെബ് പേജിലും ശാന്തികവാടത്തിന്റെ യൂട്യൂബ് ചാനലിലും ഫേസ്ബുക്ക് പേജിലും ചടങ്ങുകള് തത്സമയം കാണാന് സംവിധാനമൊരുക്കാനാണ് നഗരസഭയുടെ തീരുമാനം. തിരക്ക് കൂടുന്ന അവസരങ്ങളില് അന്ത്യകര്മ്മങ്ങള് നടക്കുന്ന സ്ഥലത്തെ ദൃശ്യങ്ങളും സംസ്കരിക്കപ്പെടുന്നയാളിന്റെ പേരും ശാന്തികവാടത്തിന്റെ മുന്വശത്ത് പ്രദര്ശിപ്പിക്കും. ക്രിമേഷന് സര്ട്ടിഫിക്കറ്റും ഓണ്ലൈനായി ലഭ്യമാക്കും.
കൊവിഡ് പ്രോട്ടോകോള് പ്രകാരം സംസ്കരിക്കണമെന്ന് ആരോഗ്യ വകുപ്പ് നിര്ദേശിച്ചവരുടേതും കൊവിഡ് ബാധിച്ച് മരിച്ചവരുടേതുമായ 381 മൃതദേഹങ്ങളാണ് ശാന്തികവാടത്തില് ഇതുവരെ സംസ്കരിച്ചത്.
https://www.facebook.com/Malayalivartha
