മാന്യന്മാരെ അപമാനിക്കരുത്; ബിജു രമേശ് വലിയ കാശുകാരനാണ്, പ്രമാണിയാണ്, അധികാര കേന്ദ്രങ്ങളില് സ്വാധീനമുള്ള ആളുമാണ്; എന്നു കരുതി നട്ടാല് കുരുക്കാത്ത നുണ പറയരുത്; . കാരണം, മാണി സാറും മകനും പണം വാങ്ങുകയല്ലാതെ കൊടുത്ത ചരിത്രം കേട്ടിട്ടില്ല; പരിഹാസവുമായി അഡ്വ. എ ജയശങ്കര്
ബാര്കോഴ ആരോപണത്തിൽ പുതിയ വെളിപ്പെടുത്തലുകളുമായി രംഗത്ത് വന്നിരിക്കുകയാണ് ബിജു രമേശ്. ജോസ് കെ മാണിക്കെതിരെയാണ് ആരോപണം നടത്തിയിരിക്കുന്നത് . ബാര് കോഴ ആരോപണം ഉയര്ത്തിയ തന്നെ അതില് നിന്നും പിന്മാറാനായി പത്ത് കോടി മുന് ധനമന്ത്രി കെ എം മാണിയുടെ മകന് ജോസ് കെ മാണി വാഗ്ദാനം ചെയ്തു എന്നാണ് ബിജു രമേശ് പറഞ്ഞത്.
ഈ സംഭവത്തില് ഫേസ്ബുക്കിലൂടെ പ്രതികരണം നടത്തിയിരിക്കുകയാണ് രാഷ്ട്രീയ നിരീക്ഷകനായ അഡ്വ എ ജയശങ്കര്. ഫേസ്ബുക്ക് പോസ്റ്റിന്റെ പൂര്ണരൂപം ഇങ്ങനെ :
മാന്യന്മാരെ അപമാനിക്കരുത്. ബിജു രമേശ് വലിയ കാശുകാരനാണ്, പ്രമാണിയാണ്, അധികാര കേന്ദ്രങ്ങളില് സ്വാധീനമുള്ള ആളുമാണ്. എന്നു കരുതി നട്ടാല് കുരുക്കാത്ത നുണ പറയരുത്. കെഎം മാണി സാര് ബാറുകാരില് നിന്ന് ഒരു കോടി രൂപ വാങ്ങിയെന്ന് ബിജു പറഞ്ഞപ്പോള് ജനം വിശ്വസിച്ചു. കാരണം പുള്ളി അത്യാവശ്യം ടൂ,ത്രീ വാങ്ങുന്ന സ്വഭാവക്കാരനാണെന്നു പരക്കെ അറിയാമായിരുന്നു. ആരോപണം പിന്വലിക്കാന് ജോസ് മോന് പത്തു കോടി രൂപ വാഗ്ദാനം ചെയ്തെന്ന് ബിജു രമേശ് പറയുന്നു. അത് ഒരിക്കലും, ഒരു കാരണവശാലും സത്യമാകാനിടയില്ല. കാരണം, മാണി സാറും മകനും പണം വാങ്ങുകയല്ലാതെ കൊടുത്ത ചരിത്രം കേട്ടിട്ടില്ല.
https://www.facebook.com/Malayalivartha