ശിവശങ്കറിന് ജാഗ്രതക്കുറവുണ്ടായെന്ന് ഹൈക്കോടതി ... കേസില് ശിവശങ്കര് സമര്പ്പിച്ച മുന്കൂര് ജാമ്യാപേക്ഷ തള്ളിക്കൊണ്ടാണ് കോടതിയുടെ വിമര്ശനം
ശിവശങ്കറിന് ജാഗ്രതക്കുറവുണ്ടായെന്ന് ഹൈക്കോടതി .സ്വപ്ന സുരേഷ് അടക്കമുള്ളവരുമായി ബന്ധപ്പെട്ടപ്പോള് മുതിര്ന്ന ഐഎഎസ് ഉദ്യോഗസ്ഥന് എം.ശിവശങ്കറിന് ജാഗ്രതക്കുറവുണ്ടായെന്ന് ഹൈക്കോടതി വിമര്ശിച്ചു. കേസില് ശിവശങ്കര് സമര്പ്പിച്ച മുന്കൂര് ജാമ്യാപേക്ഷ തള്ളിക്കൊണ്ടാണ് കോടതിയുടെ വിമര്ശനമുണ്ടായത്. കള്ളപ്പണം വെളുപ്പിച്ചതില് ശിവശങ്കറിന് പങ്കുണ്ടെന്ന എന്ഫോഴ്സ്മെന്റ് ഡയറക്ടറേറ്റിന്റെ വാദം തള്ളിക്കളയാന് കഴിയില്ലെന്ന് കോടതി നിരീക്ഷിച്ചു.
ശിവശങ്കര് സാക്ഷിയാണോ പ്രതിയാണോ എന്ന കാര്യം അന്വേഷണ സംഘം സ്വീകരിച്ചിട്ടില്ല. ഈ സാഹചര്യത്തില് ജാമ്യത്തിന് അര്ഹതയില്ലെന്നും മുന്കൂര് ജാമ്യം അനുവദിച്ച് ചോദ്യം ചെയ്യല് തടസപ്പെടുത്താന് കഴിയില്ലെന്നും കോടതി വ്യക്തമാക്കി. നയതന്ത്ര ചാനല് വഴിയുള്ള സ്വര്ണക്കടത്തുമായി ബന്ധപ്പെട്ട് എന്ഫോഴ്സ്മെന്റ് ഡയറക്ടറേറ്റും കസ്റ്റംസും രജിസ്റ്റര് ചെയ്ത കേസുകളില് മുന്കൂര് ജാമ്യം തേടിയാണ് മുഖ്യമന്ത്രിയുടെ മുന് പ്രിന്സിപ്പല് സെക്രട്ടറി ശിവശങ്കര് ഹൈക്കോടതിയെ സമീപിച്ചത്.
സ്വര്ണക്കടത്തില് സ്വപ്ന വെറും മറയാണെന്നും ഇവരെ മുന്നിര്ത്തി ശിവശങ്കറാണോ ഇടപാടുകള് നിയന്ത്രിച്ചിരുന്നതെന്ന് അന്വേഷിക്കുകയാണെന്നും ഇഡി കോടതിയില് വ്യക്തമാക്കിയിരുന്നു.
"
https://www.facebook.com/Malayalivartha