റേഷന്‍ വ്യാപാരികള്‍ സമരം ചെയ്താലും പേടിക്കേണ്ട.... റേഷന്‍ മുടങ്ങാതിരിക്കാന്‍ ഭക്ഷ്യവകുപ്പ് ആരംഭിക്കുന്ന സപ്ലൈകോ റേഷന്‍ കടകളില്‍ ആദ്യത്തേത് ഇന്ന് തിരുവനന്തപുരത്ത് തുറക്കും.... പ്രതിഷേധവുമായി വ്യാപാരികള്‍
റേഷന്‍ വ്യാപാരികള്‍ സമരം ചെയ്താലും പേടിക്കേണ്ട. റേഷന്‍ മുടങ്ങാതിരിക്കാന്‍ ഭക്ഷ്യവകുപ്പ് ആരംഭിക്കുന്ന സപ്ലൈകോ റേഷന്‍ കടകളില്‍ ആദ്യത്തേത് ഇന്ന് തിരുവനന്തപുരത്ത് പുളിമൂട്ടില്‍ തുറക്കും. വൈകാതെ മറ്റ് ജില്ലകളിലും തുറക്കും. ഇതില്‍ പ്രതിഷേധിച്ച് ഒരു വിഭാഗം റേഷന്‍ വ്യാപാരികള്‍ ഹൈക്കോടതിയെ സമീക്കും. റേഷന്‍ വ്യാപാരികള്‍ അടിക്കടി കടയടപ്പ് സമരം പ്രഖ്യാപിക്കുന്നതിനെ നേരിടാനാണ് സപ്‌ളൈകോയ്ക്ക് ലൈസന്‍സ് നല്‍കി റേഷന്‍ കടകള്‍ തുറക്കുന്നത്.
സമീപകാലത്ത് വയനാട്ടിലും തിരുവനന്തപുരത്തും റേഷന്‍കടകളിലെ ധാന്യം കരിഞ്ചന്തയില്‍ എത്തുന്നതായും കണ്ടെത്തിയിരുന്നു.നിലവില്‍ റേഷന്‍ ലൈസന്‍സികള്‍ സ്വകാര്യ വ്യക്തികളാണ്. സര്‍ക്കാര്‍ റേഷന്‍ കടകള്‍ തുടങ്ങുന്നത് നിയമവിരുദ്ധമാണെന്നാണ് വ്യാപാരി സംഘടകളുടെ വാദം. ഇതില്‍ പ്രതിഷേധിച്ച് നാളെ വ്യാപാരികള്‍ കറുത്ത് ബാഡ്ജ് ധരിച്ച് പ്രതിഷേധിക്കുകയും വൈകിട്ട് മൂന്ന് മുതല്‍ രാത്രി 7വരെ കടകള്‍ അടച്ചിടുകയും ചെയ്യും. ഓള്‍ കേരള റീട്ടെയില്‍ റേഷന്‍ ഡീലേഴ്സ് അസോസിയേഷന്റേയും കേരള സ്റ്റേറ്റ് റീട്ടെയില്‍ റേഷന്‍ ഡീലേഴ്സ് അസോസിയേഷന്റെയും നേതൃത്വത്തിലാണ് സമരം.
https://www.facebook.com/Malayalivartha
