കൊല്ലം ദേശീയപാതയില് ഹരിപ്പാടിനു സമീപം തോട്ടപ്പള്ളിയില് കാര് ലോറിയുമായി കൂട്ടിയിടിച്ചുണ്ടായ അപകടത്തില് മകള്ക്കു പിന്നാലെ അമ്മയും യാത്രയായി, കണ്ണീരോടെ കുടുംബവും നാട്ടുകാരും
കൊല്ലം ദേശീയപാതയില് ഹരിപ്പാടിനു സമീപം തോട്ടപ്പള്ളിയില് കാര് ലോറിയുമായി കൂട്ടിയിടിച്ചുണ്ടായ അപകടത്തില് ഗുരുതരമായി പരുക്കേറ്റ വീട്ടമ്മയും യാത്രയായി .കൊല്ലം ശൂരനാട് വടക്ക് നടുവിലമുറി കണ്ണമം അരുണോദയത്തില് വാസുദേവന്പിള്ളയുടെ ഭാര്യ രേണുകാദേവി(56) ആണ് മരിച്ചത്.
ആലപ്പുഴ മെഡിക്കല് കോളജ് ആശുപത്രിയില് ചികിത്സയിലായിരുന്നു. ശനിയാഴ്ചയുണ്ടായ അപകടത്തില് ഇവരുടെ മകളും പെരുമ്പാവൂര് സ്വദേശി സുധീഷിന്റെ ഭാര്യയുമായ ഗവേഷണ വിദ്യാര്ഥിനി അഞ്ജു വി. ദേവ്(26) ആശുപത്രിയിലേക്കുള്ള യാത്രാമധ്യേ മരിച്ചിരുന്നു.
പരുക്കേറ്റ വാസുദേവന്പിള്ളയും മകന് അരുണും ചികിത്സയിലാണ്.ശനിയാഴ്ച രാവിലെ 10.45-ന് ഇവര് സഞ്ചരിച്ചിരുന്ന കാര് തോട്ടപ്പള്ളി കന്നാലി പാലത്തിനു സമീപം വച്ച് മീന്ലോറിയുമായി കൂട്ടിയിടിക്കുകയായിരുന്നു. കാര് ആലപ്പുഴ ഭാഗത്തേക്കും ലോറി കൊല്ലത്തേക്കും പോകുകയായിരുന്നു. മറ്റു വാഹനങ്ങളെ മറികടക്കുന്നതിനിടെയാണ് അപകടം.
ഇടിയുടെ ആഘാതത്തില് കാര് റോഡരികിലെ താഴ്ചയിലേക്കു തെറിച്ചു പോയി. അഞ്ജുവും രേണുകാദേവിയും കാറിന്റെ പിന്സീറ്റിലായിരുന്നു. ഭര്തൃപിതാവ് ക്വാറന്റൈനിലായതോടെ ശൂരനാട്ടെ വീട്ടിലെത്തിയ അഞ്ജു തിരികെ പെരുമ്പാവൂര് ഓടക്കാലി പനിച്ചയത്തെ ഭര്ത്താവിന്റെ വീട്ടിലേക്കു പോകുംവഴിയാണ് അപകടമുണ്ടായത്.
https://www.facebook.com/Malayalivartha