അടുത്തിടെയായി പുതുച്ചേരിയിലെ വിവിധ ഇടങ്ങളില്‍ നിന്ന് ഓരോ ദിവസവും വീട്ടുപകരണങ്ങള്‍ കാണാനില്ലെന്ന് പരാതി ഉയര്‍ന്നിരുന്നു.

ഇന്ന് പുലര്‍ച്ചെയോടെ കലപാട്ടിക്ക് സമീപമുള്ള റോഡരികില്‍ കിടന്നുറങ്ങുകയായിരുന്ന യുവാക്കളെ കണ്ടു സംശയം തോന്നിയ നാട്ടുകാര്‍ പരിശോധിച്ചപ്പോഴാണ് വീട്ടുപകരണങ്ങള്‍ കണ്ടെത്തിയത്.

അപ്പോഴാണ് ദിവസങ്ങളായി നടക്കുന്ന മോഷണത്തിന്റെ പിന്നില്‍ ഇവരാണെന്ന് അറിയുന്നത്. യുവാക്കളെ നാട്ടുകാര്‍ കൈയ്യോടെ പിടികൂടി പൊലീസിലേല്‍പ്പിച്ചു.

പുതപ്പ് വില്‍പ്പനക്ക് എത്തി ആളൊഴിഞ്ഞ തക്കം നോക്കി മോഷണം നടത്തുകയായിരുന്നു ഇവരുടെ രീതി. മധുര സ്വദേശികളായ സെല്‍വരാജ്, മുത്തു എന്നിവരെയാണ് പോലീസ് അറസ്റ്റ് ചെയ്തത്.

ഇന്നലെ മോഷണ ശേഷം ഇരുവരും മദ്യപിച്ച് ഉറങ്ങിപ്പോയി. അങ്ങനെയാണ് നാട്ടുകാരുടെ കൈയില്‍ പെട്ടത്.