സ്വര്‍ണക്കടത്തുമായി ബന്ധപ്പെട്ട കേസില്‍ റിമാന്‍ഡിലായ എം. ശിവശങ്കറിനെ കോവിഡ് ഫസ്റ്റ്ലൈന്‍ ട്രീറ്റ്‌മെന്റ് സെന്ററിലേക്കു മാറ്റി. ജയില്‍ ചട്ടം അനുസരിച്ചാണ് തീരുമാനം. കാക്കനാട് ജില്ലാ ജയിലിനു സമീപമുള്ള ബോര്‍സ്റ്റല്‍ സ്‌കൂളാണ് ജയില്‍ വകുപ്പിന്റെ ഫസ്റ്റ്ലൈന്‍ ട്രീറ്റ്‌മെന്റ് സെന്ററായി പ്രവര്‍ത്തിക്കുന്നത്.

എറണാകുളം ജില്ലാ കോടതിയില്‍ വൈകിട്ട് അഞ്ചേകാലോടെ നടപടിക്രമങ്ങള്‍ പൂര്‍ത്തിയാക്കിയശേഷം ഇഡിയുടെ വാഹനത്തിലാണ് ശിവശങ്കറെ കാക്കനാട്ടേക്ക് കൊണ്ടുപോയത്. കേന്ദ്ര പോലീസ് അകമ്പടി സേവിച്ചു. കോവിഡ് പരിശോധനയ്ക്കായി നേരത്തേതന്നെ സാംപിള്‍ ശേഖരിച്ചിരുന്നു. ഇതിന്റെ ഫലം വന്നശേഷമേ അദ്ദേഹത്തെ ജയിലിലേക്കു മാറ്റുന്നതു പരിഗണിക്കൂകയുള്ളൂ