മാസങ്ങള്‍ നീണ്ട അടച്ചിടലിന് ശേഷം നിലമ്പൂര്‍ തേക്ക് മ്യൂസിയവും ജൈവ വിഭവ ഉദ്യാനവും കൂടുതല്‍ പ്രൗഢിയോടെ ഒരുങ്ങി. മ്യൂസിയം സന്ദര്‍ശകര്‍ക്കായി ഇന്നലെ തുറന്നു.

രാവിലെ 10 മുതല്‍ വൈകിട്ട് 5 വരെയാണ് പ്രവേശനം. കലക്ടര്‍, കെഎഫ്ആര്‍ഐ ഡയറക്ടര്‍ എന്നിവര്‍ അനുമതി നല്‍കിയതിനെ തുടര്‍ന്നാണ് തുറന്നത്.

മാര്‍ച്ച് 15-നാണ് കോവിഡ് വ്യാപനത്തെ തുടര്‍ന്ന് മ്യൂസിയം അടച്ചത്. 8 മാസം സന്ദര്‍ശകരില്ലാത്തതിനാല്‍ ഭീമമായ നഷ്ടമാണ് വനഗവേഷണ കേന്ദ്രത്തിനുണ്ടായത്.

സന്ദര്‍ശകര്‍ കോവിഡ് നിയന്ത്രണങ്ങള്‍ കര്‍ശനമായി പാലിക്കണമെന്ന് സയന്റിസ്റ്റ് ഇന്‍ചാര്‍ജ് ഡോ. ജി.ഇ.മല്ലികാര്‍ജുന സ്വാമി പറഞ്ഞു.