നമ്മുടെ പൂന്തോട്ടത്തില്‍ അതിലെ പൂക്കള്‍ വരുമ്പോള്‍ നിറഞ്ഞ് നില്‍ക്കുന്നത് കാണാന്‍ വളരെ മനോഹരവുമായിരിക്കും. ചുവന്ന നിറത്തിലും വെളുത്ത നിറത്തിലും കൂടാത പിങ്ക് കളറിലുമുള്ള ആന്തൂറിയങ്ങള്‍എവിടെയും ഇപ്പോള്‍ കാണാന്‍ കഴിയും. ഇത് വളര്‍ത്തിയെടുക്കുന്നതെങ്ങനെയെന്നു നോക്കാം

ആന്തുറിയത്തിന് നല്ല സൂര്യപ്രകാശം ആവശ്യമാണ്. എന്നാല്‍ അമിതമായി പ്രകാശമടിച്ചാലോ ഇലകള്‍ കരിഞ്ഞുപോകുകയും ചെയ്യും. അതിനാല്‍ തന്നെ വെളിച്ചം കുറയുകയോ കൂടുകയോ ചെയ്യാന്‍ പാടില്ല. ദിവസവും ചെടിക്ക് കുറഞ്ഞത് 6 മണിക്കൂറെങ്കിലും സൂര്യപ്രകാശം കിട്ടണം. ചെടി നന്നായി വളരണമെങ്കില്‍ നല്ല നീര്‍വാര്‍ച്ചയുള്ള മണ്ണിലാണ് നടേണ്ടത്. വേരുകള്‍ക്ക് നന്നായി വളരാന്‍ സാധിക്കുന്ന വിധത്തില്‍ നട്ടുപിടിപ്പിക്കാവുന്നതാണ്.

മണ്ണ് ഉണങ്ങി പോകുന്ന സാഹചര്യം ഒഴിവാക്കണം. ഇടയ്ക്കിടെ ചെടിക്ക് വെള്ളമൊഴിക്കാന്‍ ശ്രദ്ധിക്കേണ്ടതാണ്. ഇന്‍ഡോര്‍ ആയി വളര്‍ത്തുകയാണെങ്കില്‍ ആഴ്ചയില്‍ ഒരിക്കല്‍ ചെടിക്ക് വെള്ളമൊഴിച്ച് കൊടുക്കാവുന്നതാണ്. അതേസമയം അമിതമായി വെള്ളമൊഴിക്കുന്നത് ഒഴിവാക്കണം. ഇത് ചെടി കേടുവരാന്‍ കാരണമാകുന്നു.
നല്ല ഈര്‍പ്പമുള്ള സ്ഥലങ്ങളിലാണ് ആന്തുറിയം വളരുന്നത്. അതിനാല്‍ തന്നെ വരണ്ട കാലാവസ്ഥകളില്‍ ഇത് വളര്‍ത്തുന്നത് ഒഴിവാക്കാവുന്നതാണ്. മണ്ണില്‍ എപ്പോഴും ഈര്‍പ്പമുണ്ടെന്ന് ഉറപ്പ് വരുത്തുകയും വേണം. ചെടിയുടെ വളര്‍ച്ച ഘട്ടത്തില്‍ വളമിട്ടുകൊടുക്കുന്നത് നല്ലതായിരിക്കും. ദ്രാവക വളമാണ് ആന്തുറിയത്തിന് ആവശ്യം. ആഴ്ചയില്‍ ഒരിക്കല്‍ വളമിടേണ്ടതാണ്. കേടുവന്ന ഇലകളും പൂക്കളും ചെടിയില്‍ നിന്നും മുറിച്ച് മാറ്റണം. ഇടയ്ക്കിടെ ചെടി പരിശോധിച്ച് ഇങ്ങനെ ചെയ്യുന്നത് നല്ലതായിരിക്കും. ഇത് ചെടിയില്‍ പുതിയ ഇലകള്‍ വരാന്‍ സഹായിക്കുകയും ചെയ്യും.