ബാണാസുരമലയിലെ പ്രധാന വെള്ളച്ചാട്ടങ്ങളിലൊന്നായ പുളിഞ്ഞാല്‍  കാത്തിരിക്കുന്നു. ജില്ലാപഞ്ചായത്തിന്റെയും ബ്ലോക്ക് പഞ്ചായത്തിന്റെയും നേതൃത്വത്തില്‍ വര്‍ഷങ്ങള്‍ക്ക് മുന്‍പേ മീന്‍മുട്ടി വിനോദസഞ്ചാരകേന്ദ്രമാക്കാനുള്ള പഠനങ്ങള്‍ നടത്തിയെങ്കിലും ലക്ഷ്യം നീണ്ടുപോവുകയായിരുന്നു.

സാധ്യതാപഠനം പൂര്‍ത്തിയായെങ്കിലും വെള്ളച്ചാട്ടത്തിനരികിലേക്ക് വഴിയില്ലെന്ന കാരണമായിരുന്നു അന്ന് ചൂണ്ടിക്കാണിച്ചിരുന്നത്.
സ്വകാര്യവ്യക്തി സ്ഥലത്തിന്റെ അതിരിലൂടെ വഴി വിട്ടുനല്‍കാന്‍ തയ്യാറാണെങ്കിലും പിന്നീട് ഈ പദ്ധതി മാഞ്ഞുപോവുകയായിരുന്നു. തൊട്ടടുത്ത കേന്ദ്രങ്ങളെല്ലാം വനംവകുപ്പ് ഇക്കോ ടൂറിസം കേന്ദ്രങ്ങളായി വികസിപ്പിച്ചപ്പോഴും പുളിഞ്ഞാല്‍ മീന്‍മുട്ടി അവഗണിക്കപ്പെടുകയായിരുന്നു.

ബാണാസുരമലയിലെ ചെങ്കുത്തായ പാറയിടുക്കുകള്‍ ചാടി മീന്‍മുട്ടിയുടെ മുകളില്‍ രണ്ട് തട്ടുകളിലായി അന്‍പതടിയോളം താഴേക്ക് പതിക്കുന്ന ജലപാതമാണിത്. പുളിഞ്ഞാലില്‍ നിന്ന് രണ്ട് കിലോമീറ്ററോളം മലകയറിയാല്‍ ഇവിടെയെത്താം. പരിസരത്തുവരെയും ടാറിട്ട റോഡ് സൗകര്യമുണ്ട്.

അപകടമുനമ്പുകള്‍ തീരെയില്ലാതെ സഞ്ചാരികള്‍ക്ക് സുരക്ഷിതമായി വന്നുപോകാന്‍ കഴിയുന്ന വിനോദകേന്ദ്രമായി മീന്‍മുട്ടിക്ക് മാറാന്‍ കഴിയും.