കിലോയ്ക്ക് 190ലേക്ക് വീണ ആര്‍.എസ്.എസ്.എസ് ഫോര്‍ റബര്‍ വില വീണ്ടും 200 ലേക്കായി. മഴ ശക്തമായതോടെ ഉത്പാദനം കുറഞ്ഞു. ഷീറ്റിനും ലാറ്റക്‌സിനും ക്ഷാമം നേരിടുന്നുണ്ട്.

ലാറ്റക്‌സ് വിലയും ഉയര്‍ന്നു നില്‍ക്കുന്നു. റബര്‍ബോര്‍ഡ് നിശ്ചയിച്ച 200ലും താഴെയാണ് ടയര്‍ കമ്പനികള്‍ വാങ്ങുന്നത്. വിപണിയില്‍ നിന്നു വിട്ടു നിന്ന് ഡിമാന്‍ഡ് ഇല്ലാതാക്കുകയാണ് വില കുറയ്ക്കാനായി കമ്പനികള്‍ സ്വീകരിക്കുന്ന അടവ്.

വടക്കു കിഴക്കന്‍ സംസ്ഥാനങ്ങളില്‍ ഉത്പാദനം വര്‍ദ്ധിച്ചതോടെ കുറഞ്ഞ വിലക്ക് ഷീറ്റ് ലഭ്യമാകുകയും കമ്പനികള്‍ കൂട്ടത്തോടെ അങ്ങോട്ട് പോയതുമാണ് കേരളത്തിന് തിരിച്ചടിയായി തീര്‍ന്നത്. ഉത്പാദന ചെലവ് കുറവായതിനാല്‍ പല കമ്പനികളും കൃഷിക്കായി അവിടെ വന്‍ മുതല്‍ മുടക്ക് നടത്തിയിട്ടുമുണ്ട്.