കെഎസ്ആര്ടിസി ഡ്രൈവര്‍മാരുടെ ജോലി ഭാരം കുറക്കുന്നതിനുള്ള നടപടികള്‍ ഉടന്‍ സ്വീകരിക്കും; മുന്‍പ് ഇത് കൃത്യമായി നടപ്പിലാക്കിയിരുന്നതാണ്; വൈറ്റില അപകടം കാരണം സംബന്ധിച്ച്‌ അന്വേഷണം നടക്കുമെന്ന് മന്ത്രി എ കെ ശശീന്ദ്രന്‍
ഇന്ന് രാവിലെ വൈറ്റിലയിൽ അപകടം സംഭവിച്ചത് വളരെയധികം നടുക്കുന്ന വിവരമായിരുന്നു. കൊച്ചി വൈറ്റിലക്ക് സമീപം ചക്കരപ്പറമ്ബില്‍ കെഎസ്ആര്ടിസി ബസ് മരത്തിലിടിച്ചുണ്ടായ അപകടത്തില്‍ ഡ്രൈവര്‍ മരിയ്ക്കുകയും 24 പേര്‍ക്ക് പരിക്കേല്‍ക്കുകയും ചെയ്തിരുന്നു. കെഎസ്ആര്ടിസി ഡ്രൈവര്‍മാരുടെ ജോലി ഭാരം കുറക്കുന്നതിനുള്ള നടപടികള്‍ ഉടന്‍ സ്വീകരിക്കുമെന്ന് മന്ത്രി എ കെ ശശീന്ദ്രന്‍ അറിയിച്ചു. മുന്‍പ് ഇത് കൃത്യമായി നടപ്പിലാക്കിയിരുന്നതാണ്.
എന്നാൽ കൊവിഡ് കാരണം സര്‍വീസുകള്‍ കുറച്ച്‌ മാത്രമാണ് തുടങ്ങിയത്. പൂര്‍ണ തോതില്‍ ആകുമ്ബോള്‍ ഇത് നടപ്പാക്കും എന്നദ്ദേഹം അറിയിച്ചു . വൈറ്റില അപകടം കാരണം സംബന്ധിച്ച്‌ അന്വേഷണം നടക്കുമെന്നും മന്ത്രി പറഞ്ഞു. കെഎസ്ആര്ടിസി ബസ് അപകടത്തില്‍പ്പെട്ട സ്ഥലം സന്ദര്‍ശിച്ചതിന് ശേഷമായിരുന്നു മന്ത്രിയുടെ പ്രതികരണം. ഡ്രൈവര്‍ തിരുവനന്തപുരം പഴയോട് സ്വദേശി അരുണ്‍ സുകുമാര്‍ (45) ആണ് മരിച്ചത്. കണ്ടക്ടര്‍ സുരേഷ് ഉള്‍പ്പെടെ രണ്ടു പേരുടെ നില ഗുരുതരമാണ്.
https://www.facebook.com/Malayalivartha
