ഒരു ബ്രാഞ്ചില് പോലും ഗൗരവകരമായ വീഴച് കണ്ടെത്തിയിട്ടില്ലെന്ന് കെഎസ്എഫ്ഇ ചെയര്മാന്
ചിട്ടിതട്ടിപ്പ് സംബന്ധിച്ച ആരോപണത്തെ തുടര്ന്ന് ബ്രാഞ്ചുകളില് കെ.എസ്.എഫ്.ഇ നടത്തിയ ആഭ്യന്തര ഓഡിറ്റില് ഗുരുതരമായ വീഴ്ച കണ്ടെത്താനായില്ലെന്നും ചെയര്മാന് വ്യക്തമാക്കി. വിജിലന്സ് സംഘം റെയ്ഡിനെത്തിയ 36 ബ്രാഞ്ചുകളിലെ ആഭ്യന്തര ഓഡിറ്റ് പൂര്ത്തിയായ ശേഷം മാധ്യമങ്ങളോട് സംസാരിക്കുകയായിരുന്നു കെ.എസ്.എഫ്.ഇ ചെയര്മാന് ഫിലിപ്പോസ് തോമസ്. ഒരു ബ്രാഞ്ചില് പോലും ഗൗരവകരമായ വീഴച് കണ്ടെത്തിയിട്ടില്ല. ദൈനംദിന ബിസിനസിലുണ്ടാകുന്ന നിസാരമായ ചില രജിസ്റ്ററുകള് പൂര്ത്തിയാക്കാത്തത് പോലുള്ള തെറ്റുകളല്ലാതെ ഗൗരവമായ മറ്റൊരു വീഴ്ചയും ഓഡിറ്റില് കണ്ടെത്താന് സാധിച്ചിട്ടില്ല. ഇതല്ലാത്ത എന്തെങ്കിലും വിജിലന്സ് അന്വേഷണത്തില് കണ്ടെത്തിയെങ്കില് അവരക്കാര്യം അറിയിക്കട്ടെയെന്നും ഫിലിപ്പോസ് തോമസ് പറഞ്ഞു.
ചിട്ടിയെക്കുറിച്ച് യാതൊരു ധാരണയില്ലാത്ത വിജിലന്സ് ഉദ്യോഗസ്ഥരാണ് റെയ്ഡിനെത്തിയതെന്ന് ചെയര്മാന് പറഞ്ഞു. മുന്കൂട്ടി തയ്യാറാക്കിയ ചോദ്യങ്ങളുമായിട്ടാണ് ഇവര് ബ്രാഞ്ചുകളില് പരിശോധന നടത്താനെത്തിയതെന്നും അദ്ദേഹം പറഞ്ഞു.
https://www.facebook.com/Malayalivartha
