ആഗോള താപനത്തിന്റെ ഫലമായി കൊച്ചി കടലിന്റെ ആഴങ്ങളിലെത്തുമെന്നാണ് പഠനങ്ങള്‍ വ്യക്തമാക്കുന്നത്. ഗോവയിലെ നാഷണല്‍ ഇന്‍സ്റ്റിറ്റിയൂട്ട് ഓഫ് ഓഷ്യനോഗ്രഫി(എന്‍ഐഒ)യുടെ നേതൃത്വത്തില്‍ നടത്തിയ പഠനത്തിലാണ് ഇക്കാര്യം ചൂണ്ടിക്കാണിക്കുന്നത്. ആഗോള താപനം ഉണ്ടാക്കുന്ന പ്രതിഭാസത്തില്‍ വര്‍ഷങ്ങള്‍ക്കകം കേരളത്തിന്റെ നല്ലൊരു ഭാഗം കടലെടുക്കുമെന്നും കൊച്ചിയെയാണ് ഇത് ഏറെ ബാധിക്കുന്നതെന്നും പഠന റിപ്പോര്‍ട്ടു വെളിപ്പെടുത്തുന്നു. അതായതുകൊച്ചി കടലിനടിയിലാകുമെന്നാണ് പഠനത്തില്‍ പറയുന്നത്.
ഇന്റര്‍നാഷണല്‍ ഹബ്, കോഴിക്കോട് എയര്‍പോര്‍ട്ട്: ജിസിസി കോര്‍ഡിനേഷന്‍ കമ്മറ്റി രൂപീകരിച്ചു
ആര്‍ മണി മുരളി, പി കെ ദിനേശ് കുമാര്‍ എന്നീ ഗവേഷകര്‍ ഇന്‍സ്റ്റിറ്റിയൂട്ടിനായി നടത്തിയ പഠനത്തിലാണ് കൊച്ചിയുടെ ഭാവിയെക്കുറിച്ചുള്ള പ്രവചനം. ആഗോള താപനത്തിന്റെ അതിപ്രസരം കടലിലും കൊച്ചിയുടെ തീര പ്രദേശങ്ങളിലുമുണ്ടാക്കാനിടയുള്ള വ്യതിയാനങ്ങളെ കുറിച്ചും റിപ്പോര്‍ട്ടില്‍ സൂചിപ്പിക്കുന്നു. ഉപഗ്രഹ ചിത്രങ്ങളുടെയും കൊച്ചിയുടെ ത്രിമാന രൂപങ്ങളുടെയും സഹായത്തോടെയാണ് വിശദമായ പഠനം ഗവേഷകര്‍ നടത്തിയത്.
നിലവിലെ സാഹചര്യത്തില്‍ തന്നെ ആഗോള താപനം തുടര്‍ന്നാല്‍ ഒരു നൂറ്റാണ്ടിനുള്ളില്‍ സമുദ്ര നിരപ്പ് ഒരു മീറ്റര്‍ മുതല്‍ രണ്ടു മീറ്റര്‍ വരെ ഉയരും. സമുദ്ര നിരപ്പ് ഒരു മീറ്റര്‍ വരെ ഉയര്‍ന്നാല്‍ കേരളത്തിലെ തീരപ്രദേശങ്ങളുടെ 169.11 ചതുരശ്ര കിലോമീറ്റര്‍ വരെ കടല്‍ വിഴുങ്ങും. രണ്ടു മീറ്റര്‍ വരെ ഉയര്‍ന്നാല്‍ 589.83 ചതുരശ്ര കിലോമീറ്റര്‍ വരെയാകും കടലെടുക്കുന്നത്. സമുദ്ര നിരപ്പ് ഉയരുന്നത് ഒരു മീറ്ററാണെങ്കില്‍ 43 ചതുരശ്ര കിലോമീറ്റര്‍ വരെ കൊച്ചി നഗരത്തിനു നഷ്ടമാകും. രണ്ടു മീറ്ററാണെങ്കില്‍ 187 ചതുരശ്ര കിലോമീറ്റര്‍ വരെയും നഷ്ടമാകും. അശാസ്ത്രീയ വികസനങ്ങള്‍ പരിസ്ഥിതിയിലുണ്ടാക്കുന്ന വ്യതിയാനങ്ങളും ഈ പ്രതിഭാസത്തിന് ഒരു കാരണമായി പഠനത്തില്‍ ചൂണ്ടിക്കാണിക്കുന്നു.
ഈ ദുരന്തം നേരിടാനായി ഉടന്‍ തന്നെ നടപടികള്‍ ആരംഭിക്കണമെന്നും പഠനത്തില്‍ മുന്നറിയിപ്പു നല്‍കുന്നുണ്ട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha