ഫ്‌ളാറ്റിന്റെ ആറാംനിലയിലെ ബാല്‍ക്കണിയില്‍ സാരികള്‍ കൂട്ടിക്കെട്ടി അതിലൂടെ താഴേക്കിറങ്ങാന്‍ ശ്രമിച്ച വേലക്കാരി പിടിവിട്ട് താഴേക്ക് പതിച്ചു.... സാഹസികമായി ഇറങ്ങാന്‍ ശ്രമിച്ച തമിഴ്‌നാട് സ്വദേശി വെന്റിലേറ്ററില്‍
ഫ്‌ളാറ്റിന്റെ ആറാംനിലയിലെ ബാല്‍ക്കണിയില്‍ സാരികള്‍ കൂട്ടിക്കെട്ടി അതിലൂടെ താഴേക്കിറങ്ങാന്‍ ശ്രമിച്ച വേലക്കാരി പിടിവിട്ട് താഴേക്ക് പതിച്ചു.... സാഹസികമായി ഇറങ്ങാന്‍ ശ്രമിച്ച തമിഴ്‌നാട് സ്വദേശി വെന്റിലേറ്ററില്‍. സാരികള്‍ കൂട്ടിക്കെട്ടി ഫ്‌ളാറ്റിന്റെ ആറാം നിലയിലെ ബാല്‍ക്കണിയില്‍ ബന്ധിച്ച് അതിലൂടെ താഴേക്കിറങ്ങാന്‍ ശ്രമിച്ച വേലക്കാരി പിടിവിട്ട് നിലത്തു വീണ് തലയ്ക്കും കൈകാലുകള്‍ക്കും ഗുരുതരമായി പരിക്കേറ്റു. തമിഴ്‌നാട് സ്വദേശി കുമാരിയാണ് (55) സാഹസികമായി താഴെയിറങ്ങാന്‍ ശ്രമിച്ചത്. ഇവര്‍ സ്വകാര്യ ആശുപത്രിയില്‍ വെന്റിലേറ്ററിലാണ്.
എറണാകുളം മറൈന്‍ ഡ്രൈവിലുള്ള ലിങ്ക് ഹൊറൈസണ്‍ ഫ്‌ളാറ്റില്‍ ഇന്നലെ രാവിലെ ഏഴോടെയാണ് സംഭവം.
ഫ്‌ളാറ്റ് അസോസിയേഷന്‍ സെക്രട്ടറി അഡ്വ. ഇംതിയാസ് അഹമ്മദിന്റെ ഫ്‌ളാറ്റിലെ ജോലിക്കാരിയാണിവര്‍. കുമാരിയുടെ മൊഴിയെടുത്താല്‍ മാത്രമേ എന്തിനാണ് സാഹസികമായി രക്ഷപെടാന്‍ ശ്രമിച്ചതെന്ന് വ്യക്തമാകുകയുള്ളൂവെന്ന് പൊലീസ് അറിയിച്ചു. അതിനാല്‍ കേസെടുത്തിട്ടില്ല. നേരത്തെ രണ്ടുമാസം കുമാരി വേലക്കാരിയായി ഫ്‌ളാറ്റിലുണ്ടായിരുന്നു. നാട്ടില്‍പോയി കഴിഞ്ഞ ശനിയാഴ്ചയാണ് തിരികെയെത്തിയത്. അടുക്കളയിലാണ് കുമാരി കിടന്നുറങ്ങിയിരുന്നത്.
പുലര്‍ച്ചെ അഞ്ചോടെ ഇംതിയാസിന്റെ ഭാര്യ വിളിച്ചുണര്‍ത്താന്‍ ശ്രമിച്ചെങ്കിലും അവര്‍ കാര്യമായി പ്രതികരിച്ചില്ല. ആറു മണിയോട ഇംതിയാസും ഭാര്യയും ഒരുമിച്ചെത്തി വിളിച്ചെങ്കിലും എഴുന്നേറ്റില്ല.ഏഴുമണിയോടെ ഇംതിയാസ് വീണ്ടും എത്തിയപ്പോള്‍ അടുക്കള വാതില്‍ അകത്തു നിന്ന് പൂട്ടിയ നിലയിലായിരുന്നു. മുറിയുടെ വശങ്ങളിലെ ജനലിലൂടെ അടുക്കളയിലെ ബാല്‍ക്കണി ഭാഗത്തേക്ക് നോക്കിയപ്പോള്‍ രണ്ടു സാരികള്‍ കൂട്ടിക്കെട്ടിയത് താഴേക്ക് തൂങ്ങിക്കിടക്കുന്നത് ശ്രദ്ധയില്‍പ്പെട്ടു. പോര്‍ച്ചിലേക്ക് നോക്കിയപ്പോള്‍ കുമാരി വീണുകിടക്കുന്നതാണ് കണ്ടതെന്നും ഇംതിയാസ് പൊലീസിന് മൊഴി നല്‍കി.
വീട്ടുകാര്‍ വിവരമറിയിച്ചതോടെ സ്ഥലത്തെത്തിയ പൊലീസ് ആദ്യം കുമാരിയെ എറണാകുളം ജനറല്‍ ആശുപത്രിയില്‍ എത്തിച്ചു. സാരി പൊട്ടിയിട്ടില്ല. പിടിവിട്ട് നിലംപതിച്ചതാണെന്ന് പൊലീസ് പറഞ്ഞു. പരിക്ക് ഗുരുതരമായതോടെ ലേക് ഷോര്‍ ആശുപത്രിയിലേക്ക് മാറ്റി. എറണാകുളം അസി.കമ്മിഷണര്‍ കെ. ലാല്‍ജി, സെന്‍ട്രല്‍ പൊലീസ് ഇന്‍സ്പെക്ടര്‍ എ. വിജയശങ്കര്‍ എന്നിവര്‍ എത്തിയാണ് കുമാരിയെ ആശുപത്രിയിലേക്ക് മാറ്റിയത്.
അടുക്കളയിലെ അഴികളില്ലാത്ത ജനലിലൂടെയാണ് കുമാരി ബാല്‍ക്കണിയിലിറങ്ങിയത്. എന്തിന് സാരിയില്‍ തൂങ്ങിയിറങ്ങിയെന്നതിലാണ് ദുരൂഹത.
"
https://www.facebook.com/Malayalivartha
