കൊല്ലത്ത് വോട്ട് ചെയ്യാൻ പോളിങ് ബൂത്തിലെത്തിയ സ്ത്രീ സാനിറ്റൈസര്‍ കുടിച്ചു; കരുനാഗപ്പള്ളിയിലെ പോളിങ് ബൂത്തിൽ സംഭവിച്ചത്
കൊല്ലം കരുനാഗപ്പള്ളിയിൽ വോട്ട് ചെയ്യുവാനായി പോളിംഗ് ബൂത്തിലെത്തിയ സ്ത്രീ ഉദ്യോഗസ്ഥര്‍ കൈയ്യില്‍ ഒഴിച്ച്‌ നല്‍കിയ സാനിറ്റൈസര്‍ അബദ്ധത്തില്‍ കുടിച്ചു. രാവിലെ 8.45 ഓടെയാണ് സംഭവം. കരുനാഗപ്പള്ളി നഗരസഭയിലെ രണ്ടാം ഡിവിഷനിലെ ബൂത്തായ ആലപ്പാട് എല്‍ പി സ്‌കൂളിലെ ബൂത്തിലാണ് വോട്ടര്‍ സാനിറ്റൈസര്‍ കുടിച്ചത്. സംഭവം ശ്രദ്ധയില്‍ പെട്ട ഉദ്യോഗസ്ഥര്‍ ഉടന്‍ ആരോഗ്യ പ്രവര്‍ത്തകരെ വിവരമറിയിക്കുകയും ആശുപത്രിയില്‍ പ്രവേശിപ്പിക്കുകയുമായിരുന്നു.
കൊവിഡ് പ്രോട്ടോക്കോള്‍ പാലിക്കുന്നതിന്റെ ഭാഗമായി ഇക്കുറി ഓരോ ബൂത്തിലും ഏഴര ലിറ്ററോളം സാനിറ്റൈസര്‍ അനുവദിച്ചിരുന്നു. പോളിങ് ബൂത്തിലേക്ക് കയറുേമ്ബാഴും തിരിച്ചിറങ്ങുേമ്ബാഴും സാനിറ്റൈസര്‍ നല്‍കാന്‍ ഉദ്യോഗസ്ഥരെയും ഏര്‍പ്പാടാക്കിയിട്ടുണ്ട്. എന്നാല്‍ സാനിറ്റൈസര്‍ ആണെന്ന് അറിയാതെ വോട്ട് ചെയ്യാനെത്തിയ സ്ത്രീ കൈയ്യില്‍ നല്‍കിയ സാനിറ്റൈസര്‍ കുടിക്കുകയായിരുന്നു.
https://www.facebook.com/Malayalivartha
