സംസ്ഥാനത്ത് പ്ലാസ്മോഡിയം ഓവേല് ജനുസില്പ്പെട്ട മലമ്പനി കണ്ടെത്തി; പുതിയ ജനുസില്പ്പെട്ട മലമ്പനി യഥാസമയം കണ്ടെത്തി പകരാതെ തടയാനായതായി ആരോഗ്യ മന്ത്രി കെ.കെ. ശൈലജ
പുതിയ ജനുസില്പ്പെട്ട മലമ്പനി യഥാസമയം കണ്ടെത്തി മറ്റുള്ളവരിലേക്ക് പകരാതെ തടയാനായതായി ആരോഗ്യ മന്ത്രി കെ.കെ. ശൈലജ അറിയിച്ചു. രോഗ ലക്ഷണങ്ങളുമായി കണ്ണൂര് ജില്ല ആശുപത്രിയില് ചികിത്സക്കെത്തിയ ജവാനിലാണ് പ്ലാസ്മോഡിയം ഓവേല് ജനുസില്പ്പെട്ട മലമ്ബനി കണ്ടെത്തിയത്.
ഉടന് തന്നെ മാര്ഗരേഖ പ്രകാരമുള്ള സമ്ബൂര്ണ ചികിത്സ ലഭ്യമാക്കുകയും പ്രതിരോധ പ്രവര്ത്തനങ്ങള് ഊര്ജിതമാക്കുകയും ചെയ്തതിനാല് രോഗം മറ്റുള്ളവരിലേക്ക് വ്യാപകമാകാതെ തടയാന് സാധിച്ചു.
സാധാരണയായി ആഫ്രിക്കയിലാണ് പ്ലാസ്മോഡിയം ഓവേല് രോഗാണു പരത്തുന്ന മലമ്ബനി റിപ്പോര്ട്ട് ചെയ്ത് വരുന്നത്. സുഡാനില്നിന്ന് കേരളത്തില് എത്തിയ ജവാനിലാണ് ഈ രോഗം സ്ഥിരീകരിച്ചത്.
ഫാല്സിപ്പാരം മലമ്ബനിയുടെ അത്ര മാരകമല്ല ഓവേല് കാരണമാകുന്ന മലമ്ബനി. മറ്റ് മലമ്ബനി രോഗങ്ങള്ക്ക് സമാനമായ ചികിത്സയാണ് ഓവേല് കാരണമാകുന്ന മലമ്ബനിക്കും നല്കുന്നത്. കേരളത്തില് അപൂര്വമാണ് ഇത്തരം ജനുസില്പ്പെട്ട മലമ്ബനി റിപ്പോര്ട്ട് ചെയ്യുന്നത്. സംസ്ഥാനത്ത് പൊതുവെ വെവാക്സ്, ഫാല്സിപ്പാറം എന്നീ രോഗാണുക്കളാണ് മലമ്ബനിക്ക് കാരണമായി കണ്ടുവരുന്നത്.
https://www.facebook.com/Malayalivartha
