ബാര്കോഴക്കേസില് അനുമതി നല്കാതെ ഗവര്ണര്; കൂടുതല് തെളിവുകള് ഹാജരാക്കാന് നിര്ദ്ദേശം; ഗവര്ണറുടെ നിലപാട് സര്ക്കാരിന് തിരിച്ചടി; രമേശ് ചെന്നിത്തലക്കെതിരായ അന്വേഷണത്തിന് സ്പീക്കര് തന്നെ അനുമതി നല്കിയിരുന്നു
ബാര്കോഴക്കേസില് സര്ക്കാരിന്റെ നീക്കങ്ങള്ക്ക് ഗവര്ണറുടെ താല്ക്കാലിക തട. വിജിലന്സ് അന്വേഷണത്തിന് അനുമതി വേണമെങ്കില് കൂടുതല് തെളിവുകള് ഹാജരാക്കമെന്ന് ഗവര്ണര് ആരിഫ് മുഹമ്മദ് ഖാന് ആവശ്യപ്പെട്ടു. മുന് മന്ത്രിമാരായ വി.എസ് ശിവകുമാര്, കെ.ബാബു എന്നിവര്ക്കെതിരെ വിജിലന്സ് അന്വേഷണം നടത്തുന്നതിനാണ് സര്ക്കാര് ഗവര്ണറോട് അനുമതി ചോദിച്ചത്. ഇവര്ക്കെതിരെയുളള കൂടുതല് രേഖകള് ഹാജരാക്കണമെന്നാണ് ഗവര്ണര് സര്ക്കാരിനോട് ആവശ്യപ്പെട്ടു.
നേരത്തെ ബാര് കോഴക്കേസില് അന്വേഷണ അനുമതി നല്കുന്നതുമായി ബന്ധപ്പെട്ട് വിജിലന്സ് ഡയറക്ടറോട് ഗവര്ണറുടെ ഓഫിസ് വിശദീകരണം തേടിയിരുന്നു. ഫയലിലെ ചില കാര്യങ്ങളില് വ്യക്തത തേടിയാണ് ഗവര്ണര് ആരിഫ് മുഹമ്മദ് ഖാന്റെ സെക്രട്ടറി വിശദീകരണം ആവശ്യപ്പെട്ടത്. വിജിലന്സ് ഡയറക്ടര് നേരിട്ട് ഹാജരായി വിശദീകരണം നല്കാനായിരുന്നു നിര്ദേശം. ഡയറക്ടര് അവധിയിലായതിന് ഗവര്ണര് അനുമതി നല്കുന്നതും വൈകിയിരുന്നു.
ബാര് ലൈസന്സ് ഫീസ് കുറയ്ക്കുന്നതിന് യു.ഡി.എഫ് സര്ക്കാരിന്റെ കാലത്ത് മന്ത്രിമാരായിരുന്ന വി.എസ് ശിവകുമാര്, കെ.ബാബു, കെ.പി.സി.സി പ്രസിഡന്റായിരുന്ന രമേശ് ചെന്നിത്തല എന്നിവര് കോഴ വാങ്ങി എന്നായിരുന്നു ബാര് ഉടമയായ ബിജു രമേശ് പറഞ്ഞിരുന്നത്. ഇവര്ക്കെതിരെ അന്വേഷണത്തിന് മുഖ്യമന്ത്രി അനുമതി നല്കി. തുടര്ന്ന് അന്ന് മന്ത്രിമാരായിരുന്നതിനാല് നിയമപ്രകാരം ആഭ്യന്തര വകുപ്പ് ഗവര്ണറുടെ അനുമതി തേടി. രമേശ് ചെന്നിത്തല മന്ത്രിയായിരുന്നില്ല എന്നതിനാല് ഗവര്ണറുടെ അനുമതി വേണ്ട എന്ന് ഇതിനിടെ നിയമോപദേശം ലഭിച്ചു. അതേസമയം ചെന്നിത്തലയ്ക്കെതിരെ വിജിലന്സ് അന്വേഷണത്തിന് സ്പീക്കര് അനുമതി നല്കി.
കഴിഞ്ഞ യുഡിഎഫ് സര്ക്കാരിന്റെ കാലത്ത് ബാര് ലൈസന്സ് ഫീസ് കുറയ്ക്കാന് ബാര് ഉടമകള് പിരിവിട്ട് ഒരു കോടി രൂപ രമേശ് ചെന്നിത്തലയ്ക്കും 50 ലക്ഷം രൂപ കെ.ബാബുവിനും 25 ലക്ഷം രൂപ ശിവകുമാറിനും നല്കിയെന്നാണ് ബിജു രമേശിന്റെ ആരോപണം.
https://www.facebook.com/Malayalivartha
