തട്ടിപ്പുക്കാരനെന്നു വിളിച്ചവര്ക്കുള്ള മറുപടി; അലി അക്ബറിന്റെ വാരിയംകുന്നത്ത് സെറ്റുയരുന്നു; ആദ്യം എത്തുക അലി അക്ബറിന്റെ വാരിയംകുന്നത്ത് കുഞ്ഞഹമ്മദ് ഹാജി? നാലു ചിത്രങ്ങള് അണിയറയില്; വാരിയംകുന്നത്ത് വില്ലനോ നായകനോ ജനം കാത്തിയിരിക്കുന്നു
ചിത്രത്തിന്റെ പേര് പ്രഖ്യാപിക്കുമ്പോള് തന്നെ വിവാദമാകുക, പിന്നിട് ഒന്നിലധികം ചലച്ചിത്ര സംവിധായകര് ഒരു വ്യക്തിയെ സംബന്ധിച്ച് വിവിധ തലത്തിലുള്ള തിരക്കഥ ഒരുക്കുക, അത് സിനിമയാക്കാന് മത്സരിക്കുക തുടങ്ങി നിരവധി പ്രത്യേകത വാരിയംകുന്നത്ത് കുഞ്ഞഹമ്മദ് ഹാജിയുമായി ബന്ധപ്പെട്ട് ഉയര്ന്നിയിരുന്നു. ചെറിയൊരു ഇടവേളക്ക് ശേഷം വാരിയംകുന്നത് വീണ്ടും ചര്ച്ചയാകുകയാണ്. ചരിത്രപുരുഷനായി വാരിയംകുന്നത്ത് കുഞ്ഞഹമ്മദ് ഹാജിയെ കുറിച്ചുള്ള ആഷിഖ് അബു പൃഥ്വിരാജ് ചിത്രം 'വാരിയംകുന്നന്' പ്രഖ്യാപിച്ചതിനു പിന്നാലെയാണ് വിവാദങ്ങള്ക്ക് തുടക്കമാകുന്നത്.
അതെ സമയം തന്നെ സംവിധായകന് അലി അക്ബറും ഇതേ കഥാപശ്ചാത്തലത്തിലുള്ള തന്റെ ചിത്രവും പ്രഖ്യാച്ചു. ചരിത്രത്തില് വാരിയംകുന്നത്ത് കുഞ്ഞഹമ്മദ് ഹാജിയെ തെറ്റായിട്ടാണ് രേഖപ്പെടുത്തിയിട്ടുള്ളതെന്നും അത് തുറന്ന് കാണിക്കുവാനാണ് തന്റെ ഉദ്യമമെന്നും അറിയിച്ച സംവിധായകന് പ്രോജക്ടിനായി പൊതു സമൂഹത്തിനോട് ധനാഭ്യര്ത്ഥനയും നടത്തിയിരുന്നു. ഇപ്പോള് ഏകദേശം ഒരു കോടിയ്ക്ക് മേല് തുക ഇത്തരത്തില് അദ്ദേഹം സമാഹരിച്ചിട്ടുണ്ട്. എന്നാല് അലി അക്ബര് സമൂഹത്തിലെ ഒരു വിഭാഗത്തെ കബളിപ്പിച്ച് പണം തട്ടാനുള്ള വിദ്യയാണ് സിനിമാ പ്രഖ്യാപനത്തിലൂടെ നടത്തുന്നതെന്ന ആരോപണവും ഉയരുന്നുണ്ട്. ഇത്തരക്കാര്ക്കുള്ള മറുപടി ചില ഫോട്ടോകളിലൂടെ നല്കിയിരിക്കുകയാണ് സംവിധായകന് ഇപ്പോള്.
അടുത്തിടെ മൂകാംബികാ ക്ഷേത്രത്തില് '1921' എന്ന തന്റെ സിനിമയുടെ തിരക്കഥ സമര്പ്പിച്ച് സംവിധായകന് അലി അക്ബര് പ്രാര്ത്ഥിച്ചിരുന്നു. മൂകാംബിക ദേവിയുടെ അനുഗ്രഹത്തിനായി താന് തിരക്കഥ സമര്പ്പിച്ച വിവരവും ഫേസ്ബുക്ക് വഴിയാണ് അദ്ദേഹം ആരാധകരെ അറിയിച്ചിരുന്നത്. 'മമധര്മ്മ' എന്ന പേരില് സിനിമാ നിര്മാണ കമ്പനി ആരംഭിച്ചാണ് സിനിമ നിര്മാണവുമായി മുന്നോട്ട് പോകുന്നത്. ഇപ്പോഴിതാ സിനിമാ ചിത്രീകരണത്തിനുള്ള പ്രാരംഭ പ്രവര്ത്തനങ്ങള് ആരംഭിച്ചു കഴിഞ്ഞ വിവരങ്ങളാണ് പുറത്ത് വരുന്നത്. ചിത്രീകരണത്തിനായി 6 കെ ക്യാമറ എത്തിയ വിവരം അദ്ദേഹം കഴിഞ്ഞ ദിവസം പുറത്തുവിട്ടിരുന്നു. ഇതിനൊപ്പം ചരിത്ര സിനിമയില് ഉപയോഗിക്കുന്ന തോക്കുകള്, ഖുക്രി കത്തികള് എന്നിവയുടെ ചിത്രങ്ങളും പുറത്തു വിട്ടു.
സിനിമയുടെ സെറ്റിടാന് 900 സ്ക്വയര് ഫീറ്റില് നടക്കുന്ന പ്രവര്ത്തികളുടെ ചിത്രങ്ങളും പുറത്തുവന്നു കഴിഞ്ഞു. ഇനിയും ഈ സിനിമയില് അഭിനയിക്കുന്ന നടീ നടന്മാരുടെ വിവരങ്ങള് പുറത്ത് വിട്ടിട്ടില്ല. ട്രോളുകളിലൂടെ എതിരാളികള് ഇപ്പോഴും അലിഅക്ബറിന്റെ സിനിമയെ ട്രോളാറുണ്ട്. എന്നാല് ഇതിനെയും പബ്ളിസിറ്റിക്കായി ഉപയോഗിച്ചാണ് സംവിധായകന് തന്റെ പദ്ധതി കൂടുതല് പേരില് എത്തിക്കുന്നത്.
അതെ സമയം ആരാണ് സിനിമയിലെ താരങ്ങള് എന്ന് അലി അക്ബര് ഇതുവരെ വെളിപ്പെടുത്തിയിട്ടില്ല. പാട്ടുകളുടെ ജോലികള് നടക്കുകയാണെന്ന് അദ്ദേഹം അറിയിച്ചിയിരുന്നു. ഏതൊക്കെ താരങ്ങളാണ് അഭിനയിക്കുന്നത് എന്ന് പറയാന് സാധിക്കാത്ത അവസ്ഥയാണ്. പേര് പറഞ്ഞാല് അധിക്ഷേപം തുടങ്ങുമെന്നും പണം സംഭാവന ചെയ്യാന് പോലും പലര്ക്കും പേടിയാണെന്നുമാണ് അലി അക്ബര് പറയുന്നത്. എന്നാല് വിമര്ശനങ്ങള് തനിക്ക് ഊര്ജം പകരുന്നു. ഷൂട്ടിങിന് വീട് കിട്ടില്ല എന്നാണ് കരുതിയത്. പക്ഷേ, ചിലര് ഇങ്ങോട്ട് വിളിച്ച് വീട് തന്നു. നമ്പൂതിരിമനകള് തരാന് തയ്യാറായി. സംഭാവനകള് എത്തുന്നുണ്ട്. പണം അല്ല സഹകരണമാണ് പ്രധാനമായും വേണ്ടതെന്നുമാണ് അലി അക്ബര് മുകാംബികയില് പറഞ്ഞിയിരുന്നു
വാരിയംകുന്നത്ത് സിനിമ വിവാദമുണ്ടായപ്പോള് നാലു സിനിമകളാണ് ചലച്ചിത്രങ്ങളാണ് പ്രഖ്യാപിക്കപ്പെട്ടത്. ഇതില് മൂന്ന് സിനിമകളിലും വാരിയംകുന്നത്ത് നായക പരിവേഷമാണ്. എന്നാല് അലി അക്ബറിന്റെ ചിത്രത്തില് വില്ലന് റോളാണ്. നാല് സിനിമകളും വരട്ടെ എന്നാണ് സിനിമാ പ്രേമികളുടെ അഭിപ്രായം. എന്നാല് സിനിമയ്ക്ക് പിന്നില് ചിലര്ക്ക് ഗൂഢലക്ഷ്യങ്ങളുണ്ടെന്ന ആക്ഷേപവും ഉയര്ന്നിട്ടുണ്ട്. ആഷിക് അബു ചിത്രത്തില് നിന്ന് പൃഥ്വിരാജ് പിന്മാറണമെന്ന് ഹിന്ദു ഐക്യവേദി ആവശ്യപ്പെട്ടിരുന്നു. ആഷിഭ് അബുവിന് പിന്നാലെ പിടി കുഞ്ഞുമുഹമ്മദ്, ഇബ്രാഹീം വേങ്ങര എന്നിവരാണ് വാരിയംകുന്നന്റെ കഥ പറയുന്ന സിനിമ എടുക്കുന്ന മറ്റു രണ്ടു പേര്. ഷഹീദ് വാരിയംകുന്നന്, ദി ഗ്രേറ്റ് വാരിയംകുന്നന് എന്നിങ്ങനെയാണ് സിനിമയുടെ പേരുകള്.
https://www.facebook.com/Malayalivartha