ഓടുന്ന കാറിനു പിന്നില് നായയെ കെട്ടിവലിച്ച സംഭവത്തില് കാര് ഡ്രൈവര് അറസ്റ്റില്
നായയുടെ കഴുത്തില് കുരുക്കിട്ട് ടാക്സി കാറിന്റെ പിന്നില് കെട്ടിയിട്ട ശേഷം വാഹനം ഓടിച്ചു പോയ സംഭവത്തില് കാര് ഡ്രൈവറെ ചെങ്ങമനാട് പോലീസ് അറസ്റ്റ് ചെയ്തു. എറണാകളും ചെങ്ങമനാട് അത്താണി ഭാഗത്താണ് മനുഷ്യമനസുകളെ ഏറെ നൊമ്ബരപ്പെടുത്തിയ സംഭവമുണ്ടായത്. കാറിനു പിന്നാലെ വന്ന അഖില് എന്നയാളാണ് ദൃശ്യങ്ങള് പകര്ത്തിയത്. ആശുപത്രിയില്നിന്ന് മടങ്ങിവരുന്ന വഴിയായാണ് സംഭവം ശ്രദ്ധയില്പ്പെട്ടത്. ദൂരെനിന്ന് നോക്കിയപ്പോള് നായ കാറിനു പിന്നാലെ ഓടുന്നതായാണ് ഇദ്ദേഹത്തിന് തോന്നിയത്.
എന്നാല് അടുത്തെത്തിയപ്പോഴാണ് നായയുടെ കഴുത്തില് കുരുക്കിട്ട് കാറിന്റെ പിന്നില് കെട്ടിവലിക്കുകയാണെന്ന് മനസ്സിലായത്. നായയെ കെട്ടിവലിക്കുന്ന ദൃശ്യങ്ങള് സാമൂഹിക മാധ്യമങ്ങളില് പ്രചരിച്ചത് ശ്രദ്ധയില്പ്പെട്ടതിനെത്തുടര്ന്നാണ് ചെങ്ങമനാട് പോലീസ് സ്വമേധയാ കേസ് രജിസ്റ്റര് ചെയ്തതത്. കാര് ഓടിച്ചിരുന്ന നെടുമ്ബാശേരി പുത്തന്വേലിക്കര ചാലാക്ക കോന്നംഹൗസില് യൂസഫിനെതിരെ ഐപിസി 428, 429 വകുപ്പുകള് പ്രകാരവും Prevention of Cruelty to Animals Act പ്രകാരവുമാണ് കേസ് എടുത്തത്.
https://www.facebook.com/Malayalivartha