ഏഴ് വര്‍ഷം മുന്‍പ് കിഡ്‌നി മാറ്റിവെക്കല്‍ ശസ്ത്രക്രിയ നടത്തി; രണ്ടാഴ്ച്ചയ്ക്ക് മുന്‍പ് അസഹനീയമായ തലവേദന അനുഭവപ്പെട്ടതിനെ തുടര്‍ന്ന് നടന്ന പരിശോധനയില്‍ മെനിഞ്ചസ് ഫംഗല്‍ ടൈപ്പ് കണ്ടെത്തി ;കനിവ് തേടി ജ്യോതിരാജ്
ഏഴ് വര്‍ഷം മുന്‍പ് കിഡ്‌നി മാറ്റിവെക്കല്‍ ശസ്ത്രക്രിയ നടത്തിയ ജ്യോതിരാജ് ഇപ്പോൾ സുമനസ്സുകളുടെ സഹായം തേടുകയാണ്. ചങ്ങനാശേരി പുഴവാത് ലക്ഷമി മംഗലത്ത് രവീന്ദ്രന്‍ന്റെ മകന്‍ ജ്യോതിരാജിന് പ്രായമായ അച്ഛനും അമ്മയും ഭാര്യയും രണ്ട് പെണ്‍മക്കളും അടങ്ങുന്ന കുടുംബമാണുള്ളത്. അവർക്ക് ഒരു താങ്ങായിരുന്നു ഈ ഗൃഹനാഥന്‍. ഇനി ജോലിക്ക് പോകണമെങ്കിൽ ആരോഗ്യത്തോടെ ജീവിതത്തിലേക്ക് തിരികെ വന്നേ പറ്റൂ. അതിനായി സുമനസുകളുടെ കരുണ തേടുകയാണ് അദ്ദേഹം.
ഏഴ് വര്‍ഷം മുന്‍പ് ആയിരുന്നു കിഡ്‌നി മാറ്റിവെക്കല്‍ ശസ്ത്രക്രിയ ജ്യോതിരാജ് നടത്തിയത് . എച്ച്‌.ഡി.എഫ്.സി ബാങ്കിലെ പ്യൂണ്‍ ആയിരുന്നു ജ്യോതിരാജ് . എന്നാൽ ചികിത്സയില്‍ കഴിഞ്ഞു വരുന്നതിനാൽ അസുഖത്തെ തുടര്‍ന്ന് പിന്നീട് ജോലിക്ക് പോകാന്‍ സാധിച്ചില്ല. പ്രായമായ അച്ഛനും അമ്മയും ഭാര്യയും രണ്ട് പെണ്‍മക്കളും അടങ്ങുന്ന കുടുംബത്തിന്റെ ഏക അത്താണിയായിരുന്നു അദ്ദേഹം . രണ്ടാഴ്ച്ചയ്ക്ക് മുന്‍പ് അസഹനീയമായ തലവേദന അനുഭവപ്പെട്ടതിനെ തുടര്‍ന്ന് എറണാകുളം അമൃത ആശുപത്രിയില്‍ ചികിത്സ തേടി. പരിശോധനയില്‍ മെനിഞ്ചസ് ഫംഗല്‍ ടൈപ്പ് ആണെന്നു കണ്ടെത്തുകയും കൂടെ ചെയ്തു . ഈ രോഗത്തിന്റെ തുടര്‍ ചികിത്സയ്ക്കായി പ്രതിദിനം പതിനായിരം രൂപയ്ക്ക് മേല്‍ ആവശ്യമായി വരുന്ന അവസ്ഥയാണ്. ഈ ചികിത്സ 42 ദിവസം തുടരണം. ഏകദേശം 18 ലക്ഷം രൂപ ചികിത്സയ്ക്കായി ആവശ്യമായി വരും. സ്വന്തമായി വീടോ ഭൂമിയോ ഇല്ലാത്തതിനാല്‍ നിലവില്‍ വാടക വീട്ടില്‍ താമസിക്കുന്ന ജ്യോതിരാജും കുടുംബവും സുഹൃത്തുക്കളുടെയും ബന്ധുക്കളുടെയും സഹായത്തിലാണ് ഇപ്പോൾ കഴിയുന്നത്. രണ്ട് പെണ്‍മക്കളില്‍ മൂത്തമകളുടെ വിവാഹം കഴിഞ്ഞ ദിവസം നാട്ടുകാരുടെയും സുമനസുകളുടെയും സഹായത്താല്‍ നടത്തി . ചികിത്സയ്ക്കായുള്ള ഭീമമായ തുക സംഘടിപ്പിക്കുവാന്‍ യാതൊരു മാര്‍ഗവുമില്ല എന്ന സ്ഥിതിയാണ് ഇപ്പോൾ . ഇവരെ സഹായിക്കാന്‍ പുഴവാത് പ്രദേശത്തെ നാട്ടുകാരെയും ജനപ്രതിനിധികളെും ഉള്‍ക്കൊള്ളിച്ചുകൊണ്ട് ജനറല്‍ കണ്‍വീനര്‍ കുമാര്‍ ശിബിരം, ജോയിന്റ് കണ്‍വീനര്‍ അജയ് ചേരിയില്‍, മൂന്ന് രക്ഷാധികാരികള്‍ എന്നിവരെ ചേര്‍ത്ത് ജ്യോതിരാജ് ചികിത്സാ സഹായനിധി എന്ന പേരില്‍ കമ്മറ്റി രൂപീകരിച്ചു. ജ്യോതിരാജ് ചികിത്സാസഹായ നിധി എന്ന പേരില്‍ ചങ്ങനാശേരി കേരള ഗ്രാമീണ്‍ ബാങ്കില്‍ അക്കൗണ്ടും തുറന്നിട്ടുണ്ട്.
അക്കൗണ്ട് ഡിറ്റെയ്ല്‍സ്
അക്കൗണ്ട് പേര് : ജ്യോതിരാജ് ചികിത്സാ സഹായനിധി
അക്കൗണ്ട് നമ്ബര്‍: 40568101047257.
ഐ എഫ് എസ് സി കോഡ്: KLGB0040568.
ബാങ്ക് പേര്: കേരള ഗ്രാമീണ്‍ ബാങ്ക്, ചങ്ങനാശേരി
ഫോണ്‍: 831050855, 9061616115.
https://www.facebook.com/Malayalivartha
