യൂത്ത് കോണ്ഗ്രസ് സംസ്ഥാന സമ്മേളനം ഉദ്ഘാടനം ചെയ്യാന് രാഹുല് ഗാന്ധി കോഴിക്കോട്ടെത്തി
യൂത്ത് കോണ്ഗ്രസുകാര്ക്ക് ആവേശമാകാനും സംസ്ഥാന സമ്മേളനം ഉദ്ഘാടനം ചെയ്യാനും കോണ്ഗ്രസ് ഉപാധ്യക്ഷന് രാഹുല് ഗാന്ധി കേരത്തിലെത്തി. യൂത്ത് കോണ്ഗ്രസ് സംസ്ഥാന സമ്മേളനത്തോടനുബന്ധിച്ചുള്ള റാലിയെ അഭിസംബോധന രാഹുല് ചെയ്യും. വൈകിട്ടു നാലിനാണ് റാലി.
ഉച്ചയ്ക്ക് കരിപ്പൂര് വിമാനത്താവളത്തിലെത്തിയ ശേഷം അദ്ദേഹം കോഴിക്കോട്ടേയ്ക്ക് പോയി. ആഭ്യന്തര മന്ത്രി രമേശ് ചെന്നിത്തലയുടെ നേതൃത്വത്തിലുള്ള നേതാക്കള് രാഹുലിനെ സ്വീകരിച്ചു. എഐസിസി ജനറല് സെക്രട്ടറി മുകുള് വാസ്നിക്, എ.കെ. ആന്റണി, വി എം. സുധീരന്, മുഖ്യമന്ത്രി ഉമ്മന് ചാണ്ടി തുടങ്ങി പ്രമുഖ നേതാക്കള് റാലിയില് പങ്കെടുക്കും. റാലിക്കുശേഷം രാഹുല് വൈകിട്ട് ഏഴിനു റോഡ് മാര്ഗം തൃശൂരിലേക്കു പോകും. രാത്രി രാമനിലയത്തില് തങ്ങും.
നാളെ രാവിലെ ആഴക്കടല് മത്സ്യബന്ധന നിരോധനത്തിനെതിരെ മത്സ്യത്തൊഴിലാളി കോണ്ഗ്രസ് നടത്തുന്ന പ്രതിഷേധ സംഗമം ചാവക്കാട് കടല്പ്പുറത്തു രാഹുല് ഗാന്ധി ഉദ്ഘാടനം ചെയ്യും. തിരഞ്ഞെടുക്കപ്പെട്ട മത്സ്യത്തൊഴിലാളികളുമായി അദ്ദേഹം ആശയവിനിമയം നടത്തും. മത്സ്യത്തൊഴിലാളി കോളനിയില് വച്ചാകും അദ്ദേഹം തൊഴിലാളികളുമായി സംവദിക്കുക. തുടര്ന്ന് ആലുവ പാലസിലെത്തി റബര് കര്ഷകരുമായി ചര്ച്ച നടത്തും. വൈകിട്ടു നെടുമ്പാശേരിവഴി ഡല്ഹിക്കു മടങ്ങും. കനത്ത സുരക്ഷയാണു രാഹുല്ഗാന്ധിക്കായി ഒരുക്കിയിരിക്കുന്നത്.
കോഴിക്കോട്ടെത്തുന്ന കോണ്ഗ്രസ് ഉപാദ്ധ്യക്ഷന് രാഹുല് ഗാന്ധിക്ക് സുരക്ഷയൊരുക്കാനുള്ള പെടാപാടിലാണ് മലബാര് ജില്ലകളെലെ പൊലീസുകാര്. നാല് ദിവസം മുമ്പ് ആരംഭിച്ച സുരക്ഷാ പരിശീലനങ്ങള് രാഹുല് ഗാന്ധി ഡല്ഹിയിലേക്ക് വിമാനം കയറുന്നത് വരെ തുടരും. കനത്ത പോലീസ് ബന്ധവസിലായിരിക്കും ചടങ്ങുകള് നടക്കുക.
രണ്ട് സെക്ഷനുകളായിട്ടാണ് കേരളാ പൊലീസ് സുരക്ഷയൊരുക്കിയിട്ടുള്ളത്. രാഹുല് ഗാന്ധി എത്തുന്ന യൂത്ത് കോണ്ഗ്രസ് സമ്മേളന നഗരിയും അനുബന്ധ സുരക്ഷയും കോഴിക്കോട് സിറ്റി പൊലീസ് കമ്മീഷണറുടെ നേതൃത്വത്തിലുള്ള ആയിരം പൊലീസുകാര്ക്കാണ് ചുമതല. സമ്മേളനം കഴിഞ്ഞ് വൈകിട്ട് ഏഴിന് കോഴിക്കോട്ട് നിന്നും മലപ്പുറം ജില്ലയിലൂടെ തൃശൂരിലേക്ക് റോഡ് മാര്ഗം രാഹുല് ഗാന്ധിപോകുന്ന ഇടങ്ങളിലും തിരിച്ച് ഡല്ഹിയിലേക്ക് വിമാനം കയറുന്നത് വരെയുള്ള സ്ഥലങ്ങളിലുമാണ് രണ്ടാമത്തെ സുരക്ഷാ ടീമിന്റെ ചുമതലയെന്ന് കോഴിക്കോട് പൊലീസ് കമ്മീഷണര് പറഞ്ഞു. രണ്ട് ടീമുകളിലായി രണ്ടായിരത്തിലധികം പൊലീസ് സേനയാണ് സുരക്ഷയൊരുക്കാന് എത്തേണ്ടി വരിക. ഇതിനു പുറമെ ബോംബ് സ്ക്വാഡ്, ഡോഗ് സ്ക്വാഡ്, ഡല്ഹിയില് നിന്നെത്തിയ എസ്പി റാങ്കിലുള്ള ഉദ്യോഗസ്ഥന്റെ നേതൃത്വത്തിലുള്ള പ്രത്യേക എസ്പി ജി സംഘവും കനത്ത സുരക്ഷയൊരുക്കി റോന്ത് ചുറ്റുകയാണ്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
