കുടുംബവഴക്കിനിടെ മകളുടെ ശരീരത്തില്‍ ചൂട് ചായ ഒഴിച്ച് പൊള്ളലേല്‍പ്പിച്ച പിതാവിനെതിരെ പൊലീസ് കേസെടുത്തു. ഇടുക്കി കൊന്നത്തടി സ്വദേശി റോയിക്കെതിരെയാണ് പോലീസ് കേസെടുത്തിരിക്കുന്നത്. കുടുംബ വഴക്കിനിടെയാണ് റോയി മകളുടെ ശരീരത്തിലേക്ക് തിളച്ച ചായ ഒഴിക്കുകയുണ്ടായത്. വിനൊന്നുകാരിയുടെ ഇടത് ചെവിയിലും തോളിലും കൈമുട്ടിലുമാണ് പൊള്ളലേറ്റിരിക്കുന്നത്. കൊന്നത്തടി പാറത്തോട്ടിലായിരുന്നു സംഭവം നടന്നിരിക്കുന്നത്. ക്രിസ്മസ് തലേന്ന് രാത്രി കുടുംബ വഴക്കിനിടെ മേശപ്പുറത്ത് പാത്രത്തിലിരുന്ന തിളച്ച ചായ പിതാവ് റോയ് പെണ്‍കുട്ടിയുടെ ശരീരത്തിലേക്ക് ഒഴിക്കുകയായിരുന്നു ഉണ്ടായത്. സംഭവം മറച്ചുവച്ച് അബദ്ധത്തില്‍ ചായ പെണ്‍കുട്ടിയുടെ ശരീരത്തിലേക്ക് വീണെന്ന് പറഞ്ഞാണ് ആദ്യം കുടുംബം ആശുപത്രിയില്‍ ചികിത്സ തേടുകയുണ്ടായി.

എന്നാല്‍ അതേസമയം ബന്ധുക്കളും നാട്ടുകാരും വിവരം അറിയിച്ചതോടെ അംഗന്‍വാടി പ്രവര്‍ത്തക കുട്ടിയില്‍ നിന്ന് വിവരം ശേഖരിക്കുകയുണ്ടായി. തുടര്‍ന്ന് ചൈല്‍ഡ്‌ലൈന്‍ പ്രവര്‍ത്തകരെ വിവരം അറിയിച്ചു. ചൈല്‍ഡ് ലൈനില്‍ നിന്നുള്ള നിര്‍ദ്ദശപ്രകാരം വീട്ടിലെത്തിയ പൊലീസ് പെണ്‍കുട്ടിയില്‍ നിന്ന് മൊഴിയെടുത്ത ശേഷം കേസെടുക്കുകയായിരുന്നു ഉണ്ടായത്.