അല്ലെങ്കിലും ഈ വയസന്‍മാരെ യൂത്തന്‍മാര്‍ക്ക് കണ്ട് കൂടാത്തത് ഇതാണ്. നോക്കണേ മുഴുപ്പട്ടിണിക്കാരായ യൂത്ത്‌കോണ്‍ഗ്രസിന് തലനരച്ച സജീവ കോണ്‍ഗ്രസ് പ്രവര്‍ത്തകയായ വസന്ത കാരണം 5 ലക്ഷം രൂപയാണ് ഒറ്റയടിക്ക് നഷ്ടമായത്. കേരളത്തിന്റെ നോവായി മാറിയ നെയ്യാറ്റിന്‍കരയിലെ രാഹുലിനും രഞ്ജിത്തിനും അഞ്ചുലക്ഷം രൂപയാണ് യൂത്ത് കോണ്‍ഗ്രസ് നേതാക്കള്‍ വീട്ടിലെത്തി കൈമാറിയത്. ഷാഫി പറമ്പിലും ശബരിനാഥനും വീട്ടിലെത്തിയാണ് ചെക്ക് കൈമാറി. ചിത്രം പങ്കുവച്ച് ഷാഫി കുറിച്ചതിങ്ങനെയാണ്.

അവര്‍ക്ക് നഷ്ടപെട്ടതിന് പകരമാവില്ല ആരും, ഒന്നും. ഞങ്ങളെ കൊണ്ട് ആവുന്ന ഒരു ചെറിയ ഉത്തരവാദിത്തം ഇന്ന് നിറവേറ്റി. കേരളത്തിന്റെ നോവായി മാറിയ രാഹുലിനും രഞ്ജിത്തിനും വീട് നിര്‍മ്മാണത്തിലേക്കായി യൂത്ത് കോണ്‍ഗ്രസ്സ് 5 ലക്ഷം രൂപ കൈമാറി'

കെപിസിസിയും ആദ്യഗഡുവായി 5 ലക്ഷം രൂപ നല്‍കി. അങ്ങനെ തെരഞ്ഞെടുപ്പ് അടുത്ത വേളയില്‍ തലനരച്ച കോണ്‍ഗ്രസുകാരി വസന്ത കാരണം കോണ്‍ഗ്രസിനും യൂത്ത് കോണ്‍ഗ്രസിനും കൂടി നഷ്ടമായത് 10 ലക്ഷം രൂപയാണ്. കെപിസിസി ഓഫീസില്‍ കറണ്ടടയ്ക്കാന്‍ പോലും മുല്ലപ്പള്ളി ക്ഷ, ണ്ണ വരയ്ക്കുന്ന സമയത്താണ് അമ്മച്ചി പണി നല്‍കിയത്.

നെയ്യാറ്റിന്‍കര അതിയന്നൂര്‍ വെണ്‍പകല്‍ നെട്ടത്തോളം ലക്ഷംവീട് കോളനിയില്‍ പൊള്ളലേറ്റു മരിച്ച രാജന്‍, ഭാര്യ അമ്പിളി എന്നിവരുടെ മക്കളായ രാഹുലിനും രഞ്ജിത്തിനും എല്ലാ സഹായങ്ങളും നല്‍കുമെന്ന് ആദ്യം പ്രഖ്യാപിച്ചതും യൂത്ത് കോണ്‍ഗ്രസാണ്. അതിന് പിന്നാലെയാണ് സര്‍ക്കാര്‍ സഹായങ്ങളെത്തിയത്.

നെയ്യാറ്റിന്‍കര പോങ്ങില്‍ കോളനിയില്‍ പോലീസിന്റെ കുടിയൊഴിപ്പിക്കലിന് കാരണമായ പരാതിക്കാരി വസന്തയെക്കുറിച്ച് നാട്ടുകാര്‍ക്ക് പരക്കെ ആക്ഷേപമാണുള്ളത്. പണത്തിന്റെയും അധികാരത്തിന്റെയും സ്വാധീനത്താന്‍ നെട്ടത്തോട്ടം ലക്ഷംവീട് കോളനിയില്‍ ആഡംബര വീട് പണിത് വിലസിയ വസന്ത കോണ്‍ഗ്രസിന്റെ സജീവ പ്രവര്‍ത്തകയാണെന്നും നാട്ടുകാര്‍ സാക്ഷ്യപ്പെടുത്തുന്നു. അവരുടെ കോണ്‍ഗ്രസ് ബന്ധമുപയോഗിച്ചാണ് നാട്ടുകാരെ വട്ടം ചുറ്റിക്കുന്നത്.

പോലീസ് സ്‌റ്റേഷനിലെത്തിയാല്‍ കസേരയിട്ട് സ്വീകരിക്കും. പ്രദേശത്ത് പട്രോളിംഗിനെത്തുന്ന പോലീസ് ഇവരുടെ വീട്ടില്‍ കയറിയിട്ടാണ് പോകാറുള്ളത്. കോളനിയില്‍ പോലീസ് എത്തണമെങ്കില്‍ വസന്ത വിളിക്കണമെന്ന്, കുടിയൊഴിപ്പിക്കലിനിടെ പൊള്ളലേറ്റ് മരിച്ച രാജന്റെയും അമ്പിളിയുടെയും മക്കള്‍ പറയുന്നു. ലക്ഷം വീട് കോളനിയിലെത്തുന്നവര്‍ വസന്തയുടെ വീട് കണ്ടാല്‍ നഗരത്തിലെ ഉന്നതന്റെ വീടാണോയെന്ന് സംശയിക്കും.

വീട്ടില്‍ ഒറ്റയ്ക്കാണ് താമസം. മക്കള്‍ വിദേശത്താണെന്നാണ് നാട്ടുകാരുടെ അറിവ്. കോളനിയില്‍ വീടും സ്ഥലവുമില്ലാത്തവര്‍ക്ക് നാല് സെന്റ് വീതമാണ് നല്‍കുന്നത്. വസന്ത വര്‍ഷങ്ങള്‍ക്ക് മുമ്പ് നാല് സെന്റില്‍ താമസമാക്കി. അയല്‍വാസിക്കെതിരെ നിരന്തരം പരാതി നല്‍കുന്നതും വിരട്ടുന്നതും പതിവായിരുന്നു. ഒടുവില്‍, അയല്‍ക്കാരന്‍ അയാളുടെ നാല് സെന്റ് വസന്തക്കു വിറ്റു. ഇതോടെ എട്ട് സെന്റ് ഒറ്റ കോമ്പൗണ്ടാക്കിയാണ് ആഡംബര വീടും ചുറ്റുമതിലും ഉള്‍പ്പെടെ പണിതത്.തുടര്‍ന്ന് അതിനടുത്ത വീട്ടുകാരനു നേരേ തിരിഞ്ഞു. നിരന്തരം പരാതി നല്‍കിയതോടെ അയാളും സ്ഥലം ഉപേക്ഷിച്ച് മടങ്ങി. ഈ സ്ഥലം വസന്തയ്ക്ക് വിറ്റോയെന്ന കാര്യത്തില്‍ നാട്ടുകാര്‍ക്ക് വ്യക്തയില്ല.

കോളനിയില്‍ അമ്മയ്‌ക്കൊപ്പം താമസിച്ചിരുന്ന രാജനും കുടുംബവും ഈ സ്ഥലത്താണ് ഒന്നര വര്‍ഷം മുമ്പ് ഷെഡ് കെട്ടി താമസം തുടങ്ങിയത്. ഇവര്‍ക്കെതിരെ ആരു പരാതി നല്‍കിയാലും പോലീസ് കേസെടുക്കാനോ അന്വേഷിക്കാനോ തയ്യാറാകില്ലെന്നും നാട്ടുകാര്‍ ആരോപിക്കുന്നു. ഭരിക്കുന്നത് കമ്മ്യൂണിസ്റ്റാണെങ്കിലും അവര് കോണ്‍ഗ്രസുകാരിയല്ലേ...