കര്‍ഷകന്‍ പ്രധാനമന്ത്രിയ്ക്ക് കത്തെഴുതിവച്ച ശേഷം ജീവനൊടുക്കി. വൈദ്യുതി വിതരണ കമ്പനി ഉപദ്രവിക്കുന്നുവെന്ന് ആരോപിച്ച് കര്‍ഷകന്‍ ആത്മഹത്യ ചെയ്തു. മദ്ധ്യപ്രദേശിലെ ഛത്തര്‍പുരിലാണ് സംഭവം നടന്നത്. മുപ്പത്തഞ്ചുകാരനായ മുനേന്ദ്ര രജപുത് ആണ് മരിച്ചത്. തന്റെ ശരീരത്തിലെ എല്ലാ അവയവങ്ങളും വിറ്റ് കുടിശ്ശിക തിരിച്ചടയ്ക്കണമെന്നാണ് പ്രധാനമന്ത്രിയ്ക്കെഴുതിയ കുറിപ്പില്‍ മുനേന്ദ്ര പറയുന്നത്. 87000 രൂപ വൈദ്യുതി കുടിശ്ശിക ഉണ്ടായതിനെ തുടര്‍ന്നാണ് മുനേന്ദ്ര ആത്മഹത്യ ചെയ്തതെന്ന് ബന്ധുക്കള്‍ പറഞ്ഞു.

'രാഷ്ട്രീയക്കാരും വ്യവസായികളും അഴിമതി നടത്തുമ്പോള്‍ ഉദ്യോഗസ്ഥര്‍ നടപടിയെടുക്കുന്നില്ല, അവര്‍ക്ക് എളുപ്പത്തില്‍ വായ്പ ലഭിക്കുന്നു. തിരിച്ചടച്ചില്ലെങ്കില്‍ എഴുതി തള്ളുന്നു. എന്നാല്‍ പാവപ്പെട്ടവന്‍ എടുത്ത വായ്പയുടെ തിരിച്ചടവ് മുടങ്ങിയാല്‍ അവനെ അപമാനിക്കുന്നു' എന്നാണ് മുനേന്ദ്രയുടെ ആത്മഹത്യ കുറിപ്പില്‍ പറയുന്നത്.