അരുവിക്കരയിലെ യു.ഡി.എഫ് സ്ഥാനാര്ഥിയെ ഉടന് പ്രഖ്യാപിക്കുമെന്ന് വി.എം. സുധീരന്
അരുവിക്കര ഉപതെരഞ്ഞെടുപ്പിലെ യു.ഡി.എഫ് സ്ഥാനാര്ഥിയെ ഉടന് പ്രഖ്യാപിക്കുമെന്ന് കെ.പി.സി.സി പ്രസിഡന്റ് വി.എം. സുധീരന്. ഏറ്റവും അനുയോജ്യനായ സ്ഥാനാര്ഥിയെ ഉടന് തന്നെ പ്രഖ്യാപിക്കും. നിലവിലെ രാഷ്ട്രീയ സാഹചര്യം അരുവിക്കര തെരഞ്ഞെടുപ്പിനെ ബാധിക്കില്ലെന്നും ഇക്കാര്യത്തില് യാതൊരു ആശങ്കയുമില്ലെന്നും സുധീരന് വ്യക്തമാക്കി
കോണ്ഗ്രസില് ജി കാര്ത്തികേയന്റെ ഭാര്യ ഡോ എം സുലേഖയെ സ്ഥാനാര്ഥിയാക്കണമെന്നാണ് ഭൂരിപക്ഷം പേരുടെയും അഭിപ്രായം. എന്നാല് സുലേഖ സ്ഥാനാര്ഥിയാവാനില്ലെന്ന് പ്രഖ്യാപിച്ചത് കോണ്ഗ്രസിന് തിരിച്ചടിയായി. കഴിഞ്ഞ ദിവസം മുതിര്ന്ന നേതാക്കള് കേരളത്തിലെത്തിയ രാഹുല് ഗാന്ധിയെ കൊണ്ട് സുലേഖയുമായി സംസാരിച്ചെങ്കിലും തീരുമാനത്തില് മാറ്റമില്ലന്നാണ് സുചന. അങ്ങനെയെങ്കില് മുതിര്ന്ന നേതാക്കളാരെങ്കിലും അരുവിക്കരയില് മത്സരിക്കും. സീറ്റിനുവേണ്ടി ചില യുവ നേതാക്കളും രംഗത്തുണ്ട്. നേരത്തെ തന്നെ മണ്ഡലത്തില് ഇത്തരത്തിലുള്ള നേതാക്കളുടെ പോസ്റ്റര് പതിച്ചിരുന്നു. മണക്കാട് സുരേഷ്, ജില്ലാപഞ്ചായത്ത് പ്രസിഡന്റ് അന്സജിത റസ്സല് തുടങ്ങിയവരുടെ പേരിലുള്ള പോസ്റ്ററുകളാണ് പതിച്ചിരുന്നത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
