രാജ്യത്ത് ഏറ്റവും ചികിത്സാ ചെലവേറിയ സംസ്ഥാനം കേരളമാണെന്ന് ആസൂത്രണ ബോര്‍ഡിന്റെ റിപ്പോര്‍ട്ട്. സംസ്ഥാന ആസൂത്രണ ബോര്‍ഡാണ് ഇതുസംബന്ധിച്ച പഠനം നടത്തിയത്. കേരളം കടക്കെണിയിലായതിന് പ്രധാനകാരണം വര്‍ധിച്ചുവരുന്ന ചികിത്സാ ചിലവെന്നാണ് പഠന റിപ്പോര്‍ട്ട്. സ്വകാര്യ ആശുപത്രികളില്‍ വാര്‍ഷം തോറും ചിതിത്സക്ക് 30,000 രൂപ വേണ്ടി വരുബോള്‍ സര്‍ക്കാര്‍ ആശുപത്രികളില്‍ 6,000രൂപയെ ആകുന്നുള്ളു.
പന്ത്രണ്ടാം പഞ്ചവല്‍സര പദ്ധതിക്കു മുന്നോടിയായി സംസ്ഥാന ആസൂത്രണബോര്‍ഡിലെ ആറ് അംഗ വിദഗ്ധര്‍ തയ്യാറാക്കിയ റിപ്പോര്‍ട്ടിലാണ് കേരളത്തിലെ ഉയര്‍ന്ന ചികിത്സാചെലവിനെ കുറിച്ച് വിശദമായ വിവരങ്ങളുളളത്. സംസ്ഥാനത്ത് രോഗങ്ങള്‍ മൂലമുളള മരണനിരക്ക് കുറഞ്ഞു. മഞ്ഞപിത്തം ഉള്‍പ്പെടയുളള സാംക്രമിക രോഗങ്ങളും കുറഞ്ഞു. എന്നാല്‍ ക്യാന്‍സര്‍, ഹൃദ്രോഗം, പ്രമേഹം ഉയര്‍ന്ന രക്തസമ്മര്‍ദ്ദം തുടങ്ങിയ ജീവിതശൈലീരോഗങ്ങള്‍ വര്‍ദ്ധിച്ചതായും റിപ്പോര്‍ട്ട് വ്യക്തമാക്കുന്നു.
ചികിത്സാ ചെലവിനാല്‍ സാധാരണക്കാരുടെ നടുവൊടിയുന്ന അവസ്ഥയാണ് സംസ്ഥാനത്തുളളത്. ചികിത്സ തുടങ്ങുമ്പോള്‍ ദാരിദ്ര്യരേഖയ്ക്കു മുകളിലുളളവര്‍ രോഗം മാറുമ്പോഴേക്കും ദരിദ്രരായി മാറുന്നു. ഗ്രാമങ്ങളില്‍ 12ശതമാനവും നഗരങ്ങളില്‍ എട്ട് ശതമാനവും ഇത്തരത്തില്‍ ചികിത്സക്കായി വന്‍ തോതില്‍ പണം ചെലവിട്ട് ദാരിദ്ര്യരേഖയ്!ക്കു താഴെയെത്തി.
സ്വകാര്യമേഖലയില്‍ പ്രതിവര്‍ഷം ഒരാള്‍ക്കു വേണ്ടി ശരാശരി 2663 രൂപയാണ് ചികിത്സയ്!ക്കു വേണ്ടി ചെലവാക്കുന്നത്. സര്‍ക്കാര്‍ മേഖലയിലാകട്ടെ 287 രൂപ. സ്വകാര്യമേഖലയില്‍ കിടത്തിചികിത്സക്ക് പ്രതിവര്‍ഷം ശരാശരി 30,800 രൂപയാണ് ചെലവ്. സര്‍ക്കാര്‍ മേഖലയില്‍ 6267 രൂപ. ഇത് മറ്റു സംസ്ഥാനങ്ങളെ അപേക്ഷിച്ച് പലമടങ്ങ് അധികമാണ്. ദേശീയ ശരാശരിയേക്കാല്‍ അധികമാണ് കേരളത്തിലെ ചികിത്സാചെലവെന്നും റിപ്പോര്‍ട്ട് ചൂണ്ടിക്കാട്ടുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha