സ്ത്രീകളുടെ ലഗ്ഗിങ്‌സ് \'ലിംഗചലന\'മുണ്ടാക്കിയെന്ന പ്രശസ്ത സാഹിത്യകാരന്‍ ബാബു കുഴിമറ്റത്തിന്റെ ഫേസ് ബുക്ക് പോസ്റ്റിനെ എതിര്‍ത്തും അനുകൂലിച്ചും നിരവധി പേര്‍  ഫേസ് ബുക്കില്‍. ലെഗ്ഗിംഗ്‌സ് ധരിച്ച സ്ത്രീകള്‍ പുരുഷന് ലിംഗ ചലനമുണ്ടാക്കുന്നവരാണെന്ന് പ്രശസ്ത എഴുത്തുകാരനും കേരള ബുക്ക് മാര്‍ക്കിന്റെ സെക്രട്ടറിയുമായ ബാബു കുഴിമറ്റം. \'പ്രായപൂര്‍ത്തിയായവര്‍ക്കു മാത്രം\' എന്ന മുന്നറിയിപ്പോടെ \'പുരുഷന്റെ പുല്ലിംഗ ദോഷം\' എന്ന തലക്കെട്ടില്‍ എഴുതിയ ഫേസ്ബുക്ക് പോസ്റ്റിലാണ് ബാബു കുഴിമറ്റം ഇത്തരത്തില്‍ പ്രസ്താവന നടത്തിയിരിക്കുന്നത്.
അമ്പലമുക്കില്‍ വച്ച് തന്റെ കാറൊന്നു പാളിയെന്നും അതിനു കാരണം യാതൊരു സ്വഭാവ ദോഷവുമില്ലാത്ത അവിവാഹിതനായ തന്റെ െ്രെഡവറുടെ ശ്രദ്ധ പതറാന്‍ കാരണം റോഡില്‍ ലെഗ്ഗിങ്‌സ് ധരിച്ചു നിന്ന യുവതിയാണെന്നും. ആ \'മാദക തിടമ്പ്\' ഇത്രയും പ്രായമായ തിനിക്കുപോലും ലിംഗചലനം ഉണ്ടാക്കിയെന്നും ബാബു കുഴിമറ്റം തന്റെ ഫേസ്ബുക്കില്‍ കുറിക്കുന്നു.
ഫേസ്ബുക്ക് കുറിപ്പിന്റെ ആദ്യഭാഗങ്ങളിങ്ങനെ
\'ഇന്നലെ അമ്പലമുക്കില്‍ വെച്ച് എന്റെ കാറൊന്നു പാളി .
കേരള സര്‍ക്കാര്‍ എനിക്ക് തന്ന ചെറുപ്പക്കാരനായ െ്രെഡവര്‍ അവിവാഹിതനാണു . എങ്കിലും ഒരുവിധ സ്വഭാവ ദോഷങ്ങളുമില്ലാത്തവന്‍ .
എന്നിട്ടും അവന്റെ ശ്രദ്ധ പതറി . കാറ് ഒരു വശത്തേക്ക് അല്പമൊന്നു പാളി . ഭാഗ്യത്തിനു അപകടമൊന്നു മുണ്ടായില്ല .
അവനെ എങ്ങനെ കുറ്റപ്പെടുത്താന്‍ പറ്റും;
ഇത്രയും പ്രായമുള്ള എനിക്ക് പോലും \'ലിംഗ ചലന\'മുണ്ടാക്കിയ ഒരു ദര്‍ശനോത്സവം റോഡരികില്‍ നില്‍ക്കുന്നു .
ലക്ഷണമൊത്ത , ആകാരവടിവുകള്‍ വെളിവാക്കുന്ന നാല്‍പ്പത്തഞ്ച്കാരിയായ ഒരു മാദകത്തിടമ്പ് തുണിയുടുക്കാതെ ..
ഒടുവില്‍ വിശാഖ് തന്നെ എന്നോടു പറഞ്ഞു ; \'അവള്‍ തുണിയുടുത്തിട്ടുണ്ട് സാറെ \' തൊലിയുടെ നിറമുള്ള പുതിയ വേഷം ലഗ്ഗിംഗ്‌സ് : \' ഈ വേഷത്തെയാ സാറെ യേശുദാസ് തെറ്റിദ്ധരിച്ച് ജീന്‍സെന്നു
വിളിച്ചത് .\'
ഇത്തരത്തില്‍ ലിംഗ ചലനമുണ്ടാകുന്നവരെ ചൊവ്വാദോഷമറിയാത്ത സ്ത്രീപക്ഷവാദികളും ചാന്തുപൊട്ടുകളുമായ എഴുത്തുകാരും ഞരമ്പുരോഗിയെന്നു വിളിച്ചാക്ഷേപിക്കുന്നതില്‍ യാതൊരു കാര്യവുമില്ലെന്നും. പെണ്ണായാല്‍ അടക്കവും ഒതുക്കവും ഉണ്ടാവണമെന്നും അദ്ദേഹം പറയുന്നു.
അതേസമയം ഒരു ഉത്തരവാദിത്വപ്പെട്ട സ്ഥാനത്തിരിക്കുന്ന ആള്‍ എന്ന നിലയിലും പ്രമുഖ സാഹിത്യകനെന്ന നിലയിലും ബാബു കുഴിമറ്റത്തിന്റെ ഭാഗത്തു നിന്നുമുണ്ടായ തീര്‍ത്തും സ്ത്രീവിരുദ്ധമായ പോസ്റ്റാണെന്നു കാണിച്ച് വിമര്‍ശിക്കുന്നവരും നിരവധി. ഈ പോസ്റ്റിനടിയില്‍ കമന്റ്് ചെയ്തിട്ടുള്ളതില്‍ ഭൂരിഭാഗവും അദ്ദേഹത്തിന്റെ അഭിപ്രായങ്ങളെ അഭിമാനത്തോടെ സ്വീകരിക്കുന്നവരാണ് എന്നുള്ളതാണ് ശ്രദ്ധേയം.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha