ബിഗ് ബോസ് 3 ഞെട്ടിക്കും, രശ്മി നായര് മുതല് ബോബി ചെമ്മണ്ണൂര് വരെ.... ലിസ്റ്റുമായി സോഷ്യല് മീഡിയ! ഇനിയാണ് വലിയ കളികൾ... സ്റ്റാര് സിങ്ങര് വേദിയില് ലോഗോ പ്രകാശനം നടത്തി ടൊവീനോ... ആവേശത്തോടെ ആരാധകര്!
മോഹന്ലാല് അവതാരകനായി എത്തുന്ന ബിഗ് ബോസ് മൂന്നാം സീസണ് ഉടനെത്തുമെന്ന സൂചനകളാണ് പുറത്ത് വരുന്നത്. സംഗീത റിയാലിറ്റി ഷോയായ സ്റ്റാര് സിംഗര് സീസണ് 8 വേദിയില് നടന് ടൊവിനോ തോമസാണ് ബിഗ് ബോസ് സീസണ് 3 ലോഗോ പുറത്തിറക്കിയത്. മൂന്നാം സീസണ് ഉടന് എത്തുമെന്ന് സ്റ്റാര് സിങ്ങറിനിടെ അവതാരിക ജുവല് മേരിയും വേദിയില് വെച്ച് പ്രഖ്യാപിച്ചിരുന്നു.
ലോഗോ ലോഞ്ച് ഇവന്റ് വീഡിയോ പങ്കുവെച്ചുകൊണ്ടാണ് മുന് ബിഗ് ബോസ് താരങ്ങളും രംഗത്ത് എത്തിയിട്ടുണ്ട് . ഇപ്പോൾ സോഷ്യല് മീഡിയ ചര്ച്ച ബിഗ് ബോസ് 3യിലെ മത്സരാര്ത്ഥികള് ആരെല്ലാമാകുമെന്നാണ്. രശ്മി നായര് മുതല് ബോബി ചെമ്മണ്ണൂരിന്റെ പേരുകള് വരെ ഇത്തവണത്തെ സീസണില് ഉയര്ന്നുകേള്ക്കുന്നുണ്ട്. സീമ വിനീത്, അര്ച്ചന കവി, ഗോവിന്ദ് പദ്മസൂര്യ, കനി കുസൃതി, അനാര്ക്കലി മരക്കാര് തുടങ്ങി നിരവധി പേരുകള് ആണ് ആരാധകര് ഉയര്ത്തുന്നത്
കഴിഞ്ഞ സീസണിലെ മത്സരാര്ത്ഥിയായ ആര്യയും ഇന്സ്റ്റഗ്രാമിലൂടെ ഇക്കാര്യം അറിയിച്ചിട്ടുണ്ട്. മൂന്നാം സീസണിന്റെ ലോഗോ പ്രകാശന വീഡിയോ പങ്കുവെച്ചുകൊണ്ടാണ് ആര്യ ഇന്സ്റ്റഗ്രാമില് പോസ്റ്റ് ചെയ്തിരിക്കുന്നത്. മൂന്നാം സീസണ് പ്രഖ്യാപിച്ചതോടെ ആരാധകരും വന് ആവേശത്തിലാണ്.
ആദ്യ രണ്ട് സീസണുകളും അവതരിപ്പിച്ച മോഹന്ലാല് തന്നെയായിരിക്കും മൂന്നാം സീസണിലും അവതാരകനെന്നാണ് സൂചന. ബിഗ് ബോസ് സീസണ് 2 കോവിഡ് വ്യാപനത്തിന്റെ പശ്ചാത്തലത്തില് ഇടയ്ക്ക് വെച്ച് അവസാനിപ്പിച്ചിരുന്നു. 75ാം ദിവസമാണ് ഷോ അവസാനിപ്പിക്കുന്നതായി മോഹന്ലാല് ബിഗ് ബോസ് ഹൗസിലെത്തി മല്സരാര്ത്ഥികളെ അറിയിച്ചത്. ബിഗ് ബോസ് രണ്ടാം സീസണില് ആര്യ, ഫുക്രു, എലീന പടിക്കല്, അലക്സാന്ഡ്ര, ആര്ജെ രഘു, സുജോ മാത്യൂ, അമൃത സുരേഷ്- അഭിരാമി സുരേഷ്, പാഷാണം ഷാജി തുടങ്ങിയവരാണ് അവസാനം വരെ ഉണ്ടായത്.
ആദ്യ സീസണില് സാബു മോന് അബ്ദുസമദാണ് ടൈറ്റില് വിന്നറായത്. പേളി മാണി രണ്ടാമതും ഷിയാസ് കരീം മൂന്നാം സ്ഥാനത്തും എത്തി. ബിഗ് ബോസ് മലയാളം ആദ്യ രണ്ട് സീസണുകള്ക്കും മികച്ച പ്രേക്ഷക സ്വീകാര്യതയാണ് ലഭിച്ചത്. മത്സരം മുറുകയിതോടെ മത്സരാര്ത്ഥികളുടെ പേരില് ഫാന്സ്, ആര്മി ഗ്രൂപ്പുകളെല്ലാം സമൂഹമാധ്യമങ്ങളില് സജീവമായിരുന്നു.
മറ്റ് ഭാഷകളില് വലിയ വിജയമായ ശേഷമാണ് ബിഗ് ബോസ് മലയാളത്തിലേക്കും എത്തിയത്. നിലവില് ഹിന്ദി, തെലുങ്ക് , കന്നട, തമിഴ് എന്നീ ഭാഷകളിലും ബിഗ് ബോസ് അവതരിപ്പിക്കുന്നുണ്ട്. യൂ.എസ്സില് ഗംഭീര വിജയമായിരുന്ന ബിഗ് ബ്രദര് എന്ന റിയാലിറ്റി ഷോയുടെ ഇന്ത്യന് പതിപ്പാണ് ബിഗ് ബോസ്. ആദ്യം ഹിന്ദിയില് ആരംഭിച്ച ഈ റിയാലിറ്റി ഷോ അവസാനം അവതരിപ്പിച്ചത് സല്മാന് ഖാന് ആണ്. തെലുങ്കില് ജൂനിയര് എന്.ടി.ആറും, തമിഴില് കമല്ഹാസനും പരിപാടി അവതരിപ്പിച്ചു.
വിവിധ മേഖലകളിലുള്ള പ്രശസ്തരായ പന്ത്രണ്ടോളം വ്യക്തികളെ ഒരു വീട്ടില് 3 മാസത്തോളം താമസിപ്പിക്കുന്നു. ഈ വീടിനെയാണ് ബിഗ് ബോസിന്റെ വീട് എന്ന് പറയുന്നത്. ഈ വീട്ടില് എല്ലായിടത്തും ക്യാമറകള് ഘടിപ്പിച്ചിട്ടുണ്ടാകും. മത്സരാര്ത്ഥികളുടെ ഓരോരോ ചലനങ്ങളും ഇതില് പകര്ത്തിയതിനു ശേഷം ഇത് ടി വിയില് പ്രദര്ശിപ്പിക്കുന്നു.
ബിഗ് ബോസ് എന്നത് ശബ്ദം മാത്രമുള്ള ഒരു സാങ്കല്പിക കഥാപാത്രമാണ്. ബിഗ് ബോസ് ആവശ്യപ്പെടുന്ന രീതിയിലും, ബിഗ് ബോസിന്റെ നിയമപരിധിക്കുള്ളിലുമാണ് മത്സരാര്ത്ഥികള് താമസിക്കേണത്. മത്സരാര്ത്ഥിക്ക് വേണ്ടുന്ന ഭക്ഷണം നിര്മ്മിക്കുന്നതിനുള്ള സാധനങ്ങളും മറ്റും ബിഗ് ബോസ് നല്കുന്നു. മത്സരാര്ത്ഥികള് ഓരോരുത്തരും അവരവര്ക്ക് വേണ്ടുന്ന ഭക്ഷണം സ്വയം പാകം ചെയ്ത് കഴിക്കുകയും, വസ്ത്രങ്ങള് സ്വയം കഴുകുകയും വേണം.
ബിഗ് ബോസ് ആഴ്ചതോറും വ്യത്യസ്തങ്ങളായ നിരവധി ജോലികള് മത്സരാര്ത്ഥികള്ക്ക് നല്കുകയും ഈ ജോലികള് വൃത്തിയായും, നിശ്ചിത സമയപരിധിക്കുള്ളിലും മത്സരാര്ത്ഥികള് ചെയ്ത് തീര്ക്കണം. ബിഗ് ബോസിന്റെ നിയമങ്ങള് ലംഘിക്കുന്നവര്ക്കുള്ള തക്കതായ ശിക്ഷയും ബിഗ് ബോസ് വിധിക്കുന്നതായിരുക്കും. ഓരോ ആഴ്ചയുടെയും അവസാനം ഒരു മത്സരാര്ത്ഥിയെ വോട്ടെടുപ്പിലൂടെ പുറത്താക്കുന്നു.
ഇതിനു വേണ്ടി മത്സരാര്ത്ഥികള് തന്നെ പുറത്താക്കേണ്ട വ്യക്തിയെ നാമനിര്ദ്ദേശം ചെയ്യുകയും നാമനിര്ദ്ദേശം ചെയ്യപ്പെട്ടവര്ക്ക് വേണ്ടി പ്രേക്ഷകര് മൊബൈല് സന്ദേശം വഴി വോട്ട് ചെയ്യുകയും വേണം. കൂടുതല് വോട്ട് ലഭിച്ച മത്സരാര്ത്ഥിയെ ബിഗ്ബോസ് വീട്ടില് നിലനിര്ത്തുകയും, കുറഞ്ഞ വോട്ട് ലഭിച്ച മത്സരാര്ത്ഥിയെ പുറത്താക്കുകയും ചെയ്യുന്നു. ഇങ്ങനെ അവസാനം വരെ പുറത്താവാതെ നില്ക്കുന്ന മത്സരാര്ത്ഥിയാണ് വിജയിയാവുന്നത്. വിജയിച്ച വ്യക്തിക്ക് വലിയ തുക സമ്മാനമയി നല്കുകയും ചെയ്യുന്നു.
https://www.facebook.com/Malayalivartha
