ചുമ്മാതല്ല വെളിപ്പെടുത്തിയത്... യുഡിഎഫ് ക്ഷണിച്ചാല് വരുന്ന നിയമസഭാ തെരഞ്ഞെടുപ്പില് സ്ഥാനാര്ഥിയാകാമെന്ന് കെമാല് പാഷ പറഞ്ഞത് എന്തിന്? കെമാല് പാഷയെ വരുന്ന നിയമസഭാ തെരഞ്ഞടുപ്പില് അദ്ദേഹം ആവശ്യപ്പെടുന്ന സീറ്റില് മത്സരിപ്പിക്കാമെന്ന് ചെന്നിത്തലയുടെ ഉറപ്പ്
കെ.എം. മാണിയെ കൊണ്ട് ധനമന്ത്രി സ്ഥാനം രാജിവയപ്പിച്ച് ഉമ്മന് ചാണ്ടി സര്ക്കാരിനെ മുള്മുനയില് നിര്ത്തിയ വിരമിച്ച ഹൈക്കോടതി ജഡ്ജി ബി. കെമാല് പാഷയെ വരുന്ന നിയമസഭാ തെരഞ്ഞടുപ്പില് അദ്ദേഹം ആവശ്യപ്പെടുന്ന സീറ്റില് മത്സരിപ്പിക്കാമെന്ന് ചെന്നിത്തലയുടെ ഉറപ്പ്
യുഡിഎഫ് ക്ഷണിച്ചാല് വരുന്ന നിയമസഭാ തെരഞ്ഞെടുപ്പില് സ്ഥാനാര്ഥിയാകാമെന്ന് കെമാല് പാഷ പറഞ്ഞത് ഈ സാഹചര്യത്തിലാണ്. എറണാകുളത്തെ ഏതെങ്കിലും മണ്ഡലത്തില് മല്സരിക്കാനാണ് താല്പര്യമെന്നും അദ്ദേഹം അറിയിച്ചു. വേറിട്ട് ശബ്ദമായി നിന്നിട്ട് കാര്യമില്ല എന്ന തിരിച്ചറിവിലാണ് ഈ ആലോചനയെന്ന് കെമാല് പാഷ പറഞ്ഞു. എല്ഡിഎഫിനോടും ബിജെപിയോടും തനിക്കും താല്പര്യമില്ല. എംഎല്എ ആയാല് തനിക്ക് ശമ്പളം വേണ്ടന്നും അദ്ദേഹം പറഞ്ഞു.
ഹൈകോടതി ജഡ്ജി സ്ഥാനത്ത് നിന്ന് വിരമിച്ച ശേഷം നിരവധി രാഷ്ട്രീയ പ്രസ്താവനകളിലൂടെ മാധ്യമശ്രദ്ധ നേടിയ ജഡ്ജിയാണ് കെമാല് പാഷ. വൈറ്റില മേല്പ്പാല ഉദ്ഘാടനവുമായി ബന്ധപ്പെട്ട് നടത്തിയ പരാമര്ശവും മുഖ്യമന്ത്രിയെ വരെ പ്രകോപിച്ചു. ആരുടെയും തറവാട്ടില് തേങ്ങാവെട്ടിയല്ല പാലം ഉണ്ടാക്കിയതെന്നും ജനങ്ങളുടെ നികുതിപ്പണം കൊണ്ടാണെന്നുമായിരുന്നു കെമാല് പാഷയുടെ പ്രതികരണം.
പുനലൂരില് മത്സരിക്കാന് യുഡിഎഫുമായി ബന്ധപ്പെട്ടവര് തന്നെ സമീപിച്ചെന്നും ജസ്റ്റിസ് കെമാല് പാഷ പറഞ്ഞു. യുഡിഎഫ് രാഷ്ട്രീയത്തോടാണ് തനിക്ക് താത്പര്യമെന്നും അദ്ദേഹം പറഞ്ഞു.
'പുനലൂരില് മത്സരിക്കാന് യുഡിഎഫുമായി ബന്ധപ്പെട്ടവര് സമീപിച്ചു. എന്നാല് എറണാകുളത്തെ മണ്ഡലങ്ങളാണെങ്കില് മത്സരിക്കാന് തയ്യാറാണെന്നറിയിച്ചു. അഴിമതി നടത്താന് ആരേയും സമ്മതിക്കില്ല' കെമാല് പാഷ പറഞ്ഞു.
കോണ്ഗ്രസാണ് പാര്ട്ടി. അഴിമതി തടയാന് പാഷ ചെന്നാല് വിവരമറിയും.
യുഡിഎഫിന്റെ ഭാഗമായിട്ടല്ലെങ്കില് സ്വതന്ത്രനായിട്ട് മത്സരിക്കാനും തനിക്ക് താത്പര്യമുണ്ടെന്ന് അദ്ദേഹം പറഞ്ഞു. തൃക്കാക്കരയിലോ അതിന് സമീപ മണ്ഡലങ്ങളിലോ ആണ് ശ്രമിക്കുന്നതെന്നും കെമാല് പാഷ കൂട്ടിച്ചേര്ത്തു. അതായത് പി ടി തോമസിനെ വെട്ടുകയാണ് ലക്ഷ്യം. കോണ്ഗ്രസില് ഗ്രൂപ്പിന്റെ അതിപ്രസരമായതിനാല് പിടിയെ വെട്ടിയാലും അതിശയിക്കാനാവില്ല.
എന്നാല് കമാല് പാഷക്ക് മുഖ്യമന്ത്രിയില് നിന്ന് കണക്കിന് കിട്ടി . ജമാ അത്തെ ഇസ്ലാമിയുടെ നാവായി ഒരു ന്യായാധിപന് മാറിയെന്നായിരുന്നു മുഖ്യമന്ത്രിയുടെ വിമര്ശനം. ജമാ അത്തെ ഇസ്ലാമിയെയും എസ്ഡിപിഐയെയും കുറിച്ച് പറയുമ്പോള് പഴയ ന്യായാധിപന് എന്തിനാണ് ഇത്ര പൊള്ളലെന്ന് മുഖ്യമന്ത്രി ചോദിച്ചു. ഇരുന്ന സ്ഥാനത്തിന്റെ വലിപ്പം അറിയാതെയാണ് ന്യായാധിപന്റെ പെരുമാറ്റം. ദേശീയ ജനസംഖ്യാ രജിസ്റ്ററുമായി ബന്ധപ്പെട്ട് സര്ക്കാര് നയത്തെകുറിച്ചു തെറ്റിധാരണ പരത്തി. താന് പറയാത്ത വാക്കുകള് തന്റെ നാവില് വയ്ക്കാന് ശ്രമിക്കുന്നുവെന്നും മുഖ്യമന്ത്രി വിമര്ശിച്ചു.
ഏറെ നാളായി ജസ്റ്റിസ് കമാല് പാഷ സി പി എമ്മിന്റെ നോട്ടപുള്ളിയായിട്ട്. എന്നാല് കഴിഞ്ഞ സര്ക്കാരിന്റെ കാലത്ത് സി പി എമ്മിനെ ഏറെ സഹായിച്ച ന്യായാധിപനാണ് പാഷ. ബാര്ക്കോഴ കേസില് കെ.എം മാണി രാജിവയ്ക്കാനിടയായത് കമാല്പാഷ കാരണമാണ്. അന്ന് പാഷ നടത്തിയ സീസര് പ്രയോഗം കെ.എം. മാണിയുടെ അടി തെറ്റിച്ചു. അദ്ദേഹം രാജീവയ്ക്കേണ്ടി വന്നത് രാജി വേണമെന്ന നിലപാട് കോണ്ഗ്രസ് കൂടി സ്വീകരിച്ചത് കൊണ്ടാണ്.
കമാല് പാഷക്ക് സിപിഎം നേതാക്കളെക്കാള് ബന്ധം കോണ്ഗ്രസ് നേതാക്കളുമായിട്ടാണ്. രമേശ് ചെന്നിത്തലയുടെ വിശ്വസ്തനാണ് പാഷ. ചെന്നിത്തലയും താനും ഒരുമിച്ച് പഠിച്ചതാണെന്ന് മലയാളം വാരികയില് പി എസ് റംഷാദിന് നല്കിയ അഭിമുഖത്തില് പാഷ വെളിപ്പെടുത്തിയിരുന്നു. ചെന്നിത്തല കോണ്ഗ്രസിലേക്ക് ക്ഷണിച്ചോ എന്ന ചോദ്യത്തിന് മറുപടിയായിട്ടാണ് തങ്ങള് തമ്മിലുള്ള ദൃഢബന്ധത്തിന്റെ കഥ പാഷ പറഞ്ഞത്. താന് പറഞ്ഞാല് ചെന്നിത്തലയും ചെന്നിത്തല പറഞ്ഞാല് താനും അതേപടി കേള്ക്കും എന്നും പാഷ പറഞ്ഞു. കെ.എം മാണിയെ കേസില് കുരുക്കാന് ചെന്നിത്തല പറഞ്ഞോ എന്ന് ലേഖകന് ചോദിച്ചതുമില്ല പാഷ പറഞ്ഞതുമില്ല. കാരണം കെഎം മാണിയെ കുരുക്കിയത് രമേശ് ചെന്നിത്തലയാണെന്ന് ഇന്നും കേരള കോണ്ഗ്രസുകാര് വിശ്വസിക്കുന്നു.
മാര് ജോര്ജ് ആലഞ്ചേരിക്കെതിരെ കമാല് പാഷ സ്വീകരിച്ച നിലപാട് വലിയ ചര്ച്ചയായി മാറിയിരുന്നു. കമാല് പാഷക്കെതിരെ അതി ശക്തമായ നിലപാടാണ് പിണറായിക്കുള്ളത്. കാസര്കോട് കൂട്ടകൊലയില് പാഷ ചെയ്ത ഉപദ്രവങ്ങള് സിപിഎം നേതാക്കള്ക്കെല്ലാം അറിയാം. അദ്ദേഹം സര്വീസില് നിന്ന് വിരമിക്കുമ്പോഴെങ്കിലും ശല്യം കുറയുമെന്നാണ് സി പി എം കരുതിയിരുന്നത്. എന്നാല് പ്രസംഗ വേദികളില് കൂടി സി പി എമ്മിനെതിരെ കമാല് പാഷ പ്രകമ്പനങ്ങള് നടത്തി. അതോടെയാണ് സി പി എമ്മും സര്ക്കാരും പാഷയെ ലക്ഷ്യമിട്ടത്.
തന്റെ പിതാവിനെ കൊന്ന സീസര് ഉപജ്ഞാതാവ് കോണ്ഗ്രസില് സ്ഥാനാര്ത്ഥിയാവാന് ഒരുങ്ങുമ്പോള് താന് മുന്നണി വിട്ടത് എത്ര നന്നായെന്നായിരിക്കും ജോസ് കെ മാണി ചിന്തിക്കുന്നത്. ജനങ്ങള് അനുഗ്രഹിച്ചാല് അടുത്ത കാബിനറ്റില് പാഷ മന്ത്രിയായാലും അതിശയിക്കാനില്ല.
https://www.facebook.com/Malayalivartha
