പി.എസ്.സി പരീക്ഷകള് നടത്തുന്നതിന് പുതിയ മാര്ഗനിര്ദേശം; പരീക്ഷ കേന്ദ്രങ്ങളാക്കാന് സ്ഥാപന മേധാവികള് അനുമതി നല്കണം
പി.എസ്.സി പരീക്ഷകള് സുഗമമായും കാര്യക്ഷമമായും നടത്തുന്നതിന് പുതിയ മാര്ഗനിര്ദേശങ്ങള്. പി.എസ്.സി ആവശ്യപ്പെട്ടാല് എയ്ഡഡ് ഉള്പ്പെടെ സ്കൂള്, കോളജുകള് പരീക്ഷ കേന്ദ്രങ്ങളാക്കാന് സ്ഥാപന മേധാവികള് അനുമതി നല്കണം.
ചീഫ് സൂപ്രണ്ട്, ഇന്വിജിലേറ്റര്മാര് ഉള്പ്പെടെ ജീവനക്കാര് പരീക്ഷ തുടങ്ങുന്നതിന് രണ്ടു മണിക്കൂര് മുമ്പ് പരീക്ഷാ കേന്ദ്രങ്ങളിലെത്തണം. പരീക്ഷ കേന്ദ്രങ്ങളില് ഇന്വിജിലേറ്റര്മാരായി അധ്യാപകരെ മാത്രമേ നിയോഗിക്കാവൂ. പി.എസ്.സി പരീക്ഷ ഡ്യൂട്ടി നിര്വഹണം അധ്യാപകരുടെ ഡ്യൂട്ടിയുടെ ഭാഗമാക്കി വ്യവസ്ഥ ചെയ്തു.
ചില വിദ്യാഭ്യാസ സ്ഥാപനങ്ങള് പരീക്ഷ കേന്ദ്രങ്ങള്ക്കായി വിട്ടു നല്കുന്നതിന് വിസ്സമ്മതം പ്രകടിപ്പിച്ചെന്ന് പി.എസ്.സി സര്ക്കാറിന് റിപ്പോര്ട്ട് ചെയ്തിരുന്നു. ഈ സാഹചര്യത്തിലാണ് പുതിയ മാര്ഗനിര്ദേശങ്ങള് പുറത്തിറക്കിയത്.
https://www.facebook.com/Malayalivartha