കാര്ഷിക നിയമങ്ങള്ക്കെതിരെ റിപ്പബ്ലിക് ദിനത്തില് ഡല്ഹിയില് ട്രാക്ടര് റാലി (കിസാന് പരേഡ്) നടത്താന് പൊലീസിന്റെ അനുമതി... ത്രിവര്ണപതാകയുമായി ഒരു ലക്ഷത്തോളം ട്രാക്ടറുകള് അണിനിരത്തുമെന്ന് കര്ഷകസംഘടനകള്
കാര്ഷിക നിയമങ്ങള്ക്കെതിരെ റിപ്പബ്ലിക് ദിനത്തില് ഡല്ഹിയില് ട്രാക്ടര് റാലി (കിസാന് പരേഡ്) നടത്താന് പൊലീസിന്റെ അനുമതി. എന്തുവന്നാലും റിപ്പബ്ലിക് ദിന പരേഡിന് സമാന്തരമായി കിസാന് പരേഡ് നടത്തുമെന്ന് കര്ഷക സംഘടനകള് നിലപാട് കടുപ്പിച്ചതോടെയാണ് സംഘര്ഷസാദ്ധ്യത ഒഴിവാക്കാന് കേന്ദ്രസര്ക്കാര് വിട്ടുവീഴ്ച ചെയ്തത്.
ത്രിവര്ണപതാകയുമായി ഒരു ലക്ഷത്തോളം ട്രാക്ടറുകള് അണിനിരത്തുമെന്നാണ് കര്ഷകസംഘടനകള് പറയുന്നത്. സമരകേന്ദ്രങ്ങളായ സിംഘു, തിക്രി, ഗാസിപ്പൂര് അതിര്ത്തികളില് നിന്ന് അഞ്ചു റൂട്ടുകളിലായി 60 കിലോമീറ്റര് ദൂരത്തില് കിസാന് പരേഡ് നടക്കുമെന്ന് കിസാന് മോര്ച്ച നേതാക്കള് പറഞ്ഞു.
ഔട്ടര് റിംഗ് റോഡില് ഡല്ഹിയെ വളയുന്ന തരത്തില് റാലി ഉണ്ടാകില്ല. കര്ഷകരെ തടയാന് സ്ഥാപിച്ച സിംഘുവിലെയും തിക്രിയിലെയും സിമന്ഡ് ബാരിക്കേഡുകളടക്കം ട്രാക്ടര് റാലിക്കായി പൊലീസ് നീക്കും. പുതിയ റൂട്ടും വിശദാംശങ്ങളും ഇന്ന് വ്യക്തമാക്കുമെന്ന് നേതാക്കള് അറിയിച്ചു.
തുടക്കം മുതല് ട്രാക്ടര് റാലിയെ കേന്ദ്രം എതിര്ത്തിരുന്നു. റാലി റിപ്പബ്ലിക് പരേഡിനെ അപമാനിക്കലാണെന്നും തടയണമെന്നും കാട്ടി കേന്ദ്രം സുപ്രീംകോടതിയെ സമീപിച്ചെങ്കിലും ഇടപെടാന് വിസമ്മതിച്ച കോടതി,തീരുമാനം പൊലീസിനെടുക്കാമെന്ന് വ്യക്തമാക്കി. തുടര്ന്ന് ഔട്ടര് റിംഗ് റോഡില് ട്രാക്ടര് റാലിക്ക് പൊലീസ് അനുമതി നിഷേധിച്ചു.
പകരം കുണ്ട്ലി മനേസര് പാത നിര്ദ്ദേശിച്ചെങ്കിലും കര്ഷക സംഘടനകള് അംഗീകരിച്ചില്ല. കഴിഞ്ഞദിവസം പതിനൊന്നാമത്തെ ചര്ച്ചയും പരാജയപ്പെട്ടതോടെ ട്രാക്ടര് റാലി നടത്തുമെന്ന കര്ശന നിലപാട് എടുക്കുകയായിരുന്നു. തുടര്ന്ന് ഇന്നലെ പൊലീസുമായി നടന്ന ചര്ച്ചയിലാണ് ഡല്ഹിയിലേക്ക് പ്രവേശിക്കാന് അനുമതിയായത്.
"
https://www.facebook.com/Malayalivartha