പൊട്ടിച്ചിരിച്ച് ചെന്നിത്തല... രമേശ് ചെന്നിത്തലയ്ക്ക് കുരുക്കായി ബാര് കേസ് വന്നതോടെ മനപ്പായസം കുടിച്ച് രംഗത്തെത്തിയ ഉമ്മന് ചാണ്ടിക്കും സംഘത്തിനും കുരുക്കായി സോളാര് കേസ്; സോളാര് പീഡന കേസുകള് സി.ബി.ഐക്കു വിടാന് സര്ക്കാര് ശുപാര്ശ ചെയ്തതോടെ ആഘോഷിച്ച് ഐ ഗ്രൂപ്പും; കളികള് വല്ലാത്ത ട്വിസ്റ്റിലേക്ക്
സിബിഐയെ പേടിച്ച് നിയമ നിര്മ്മാണം നടത്തിയ സംസ്ഥാന സര്ക്കാര് ആ സിബിഐയെ തന്നെ വിളിക്കുകയാണ്. മുഖ്യമന്ത്രി കുപ്പായവുമായി പുതുതായി അവതരിച്ച ഉമ്മന് ചാണ്ടിയെ പൂട്ടാനാണ് സിബിഐയെ വിളിക്കുന്നത്.
വിവിധ കേന്ദ്ര ഏജന്സികള് സംസ്ഥാന സര്ക്കാരിന് പുറകിലായപ്പോള് ചെന്നിത്തലയും കൂട്ടരും അതാഘോഷിച്ചപ്പോഴാണ് പഴയ ബാര് കോഴക്കേസ് പൊടിതട്ടിയെടുത്തത്. അതോടെ ചെന്നിത്തല കെട്ടടുങ്ങി. തദ്ദേശ തെരഞ്ഞെടുപ്പോടെ ചെന്നിത്തലയെ ഒന്നിനും കൊള്ളില്ലെന്ന് എ ഗ്രൂപ്പുകാര് പറഞ്ഞു പരത്തി. അതോടെ ഉമ്മന് ചാണ്ടിക്ക് വീണ്ടും മുഖ്യമന്ത്രി പദം വരികയായിരുന്നു.
എന്നാല് ഉമ്മന് ചാണ്ടിയേയും കൂട്ടരേയും പൂട്ടാനുള്ള പഴയ സോളാര് കേസ് പുതിയ രൂപത്തില് വരികയായിരുന്നു. അതോടെ ഐ ഗ്രൂപ്പുകാര് ആഘോഷിക്കുകയാണ്.
സംസ്ഥാനം നിയമസഭാ തിരഞ്ഞെടുപ്പിലേക്ക് അടുക്കവേ, സോളാര് കേസുമായി ബന്ധപ്പെട്ട പീഡന പരാതികളില് സി.ബി.ഐ അന്വേഷണത്തിന് ശുപാര്ശ ചെയ്ത് സര്ക്കാര് ഉത്തരവിറക്കിയതോടെ രാഷ്ട്രീയ ഭൂകമ്പങ്ങള്ക്ക് വഴിയൊരുക്കിയ കേസ് കോണ്ഗ്രസിനെതിരെ പ്രചാരണ രംഗത്ത് ഒരിക്കല്ക്കൂടി ആയുധമാക്കാന് ഇടതു കളമൊരുക്കം.
തദ്ദേശ തിരഞ്ഞെടുപ്പില് അടിപതറിയ യു.ഡി.എഫിനെ രക്ഷിക്കാന് ഉമ്മന്ചാണ്ടിയെ പ്രചാരണസമിതി അദ്ധ്യക്ഷനാക്കിയതിനു പിന്നാലെയാണ് അദ്ദേഹത്തിനും കെ.സി.വേണുഗോപാല്, എ.പി. അനില്കുമാര്, അടൂര് പ്രകാശ്, ഹൈബി ഈഡന് എന്നിവര്ക്കും എതിരായ കേസുകളില് സര്ക്കാരിന്റെ നീക്കം. ബി.ജെപി നേതാവ് എ.പി. അബ്ദുള്ളക്കുട്ടിക്കെതിരായ കേസും സി.ബി.ഐക്ക് ശുപാര്ശ ചെയ്തിട്ടുണ്ട്. സി.ബി.ഐ നിലപാട് നിര്ണായകമാകും.
സംസ്ഥാനത്തെ കേസുകളില് സി.ബി.ഐ അന്വേഷണത്തിന് മുന്കൂര് അനുമതി വേണമെന്ന് സക്കാര് നിലപാടെടുത്തതിനാല് ആഭ്യന്തരവകുപ്പ് അഡി. ചീഫ് സെക്രട്ടറി ടി.കെ.ജോസ് ഇറക്കിയ ഉത്തരവിനൊപ്പം ഡല്ഹി പൊലീസ് ആക്ട് അനുസരിച്ചുള്ള സംസ്ഥാനത്തിന്റെ പ്രത്യേക അനുമതിയും പുറത്തിറക്കി. ഇതിന്റെ തുടര്ച്ചയായി സി.ബി.ഐ അന്വേഷണം അഭ്യര്ത്ഥിച്ചുള്ള ഔദ്യോഗിക കത്തും ഉടന് ഡല്ഹിക്ക് അയയ്ക്കും.
സോളാറിലെ 12 കേസുകളില് ആറെണ്ണം അന്വേഷിക്കാന് സംസ്ഥാന പൊലീസിന് പരിമിതിയുള്ളതിനാല് സി.ബി.ഐക്ക് വിടണമെന്നാവശ്യപ്പെട്ട് ജനുവരി 12ന് പരാതിക്കാരി മുഖ്യമന്ത്രി പിണറായി വിജയന് കത്തു നല്കിയെന്നും അതു മാനിച്ചാണ് തീുമാനമെന്നുമാണ് സര്ക്കാര് വിശദീകരണം. ഇരയുടെ പരാതി അവഗണിച്ചാല് അവര് കോടതിയെ സമീപിച്ച് അനുകൂലവിധി നേടിക്കൂടെന്നില്ല. അപ്പോള് സര്ക്കാരിന് ക്ഷീണമാകില്ലേ എന്ന ചോദ്യവും ഉയരുന്നു.
യു.ഡി.എഫിനെ നയിക്കാന് ഉമ്മന് ചാണ്ടി നിയോഗിക്കപ്പെട്ടതിനു പിന്നാലെ അദ്ദേഹത്തെയും ഹൈക്കമാന്ഡിന്റെ ശക്തനായ പ്രതിനിധിയായി കേരളത്തിന്റെ കാര്യങ്ങളില് നിര്ണായകമായി ഇടപെടുന്ന എ.ഐ.സി.സി സംഘടനാ ജനറല് സെക്രട്ടറി കെ.സി. വേണുഗോപാലിനെയും എം.പിമാരായ അടൂര് പ്രകാശ്, ഹൈബി ഈഡന്, എ.പി. അനില്കുമാര് എം.എല്.എ എന്നിവരെയും ഒരുമിച്ചു പ്രഹരിച്ച് കോണ്ഗ്രസ് നേതൃത്വത്തെ പ്രതിരോധത്തിലാക്കാം.
കോണ്ഗ്രസ് വിട്ട് ബി.ജെ.പിയിലേക്കു ചേക്കേറി, ദേശീയ വൈസ് പ്രസിഡന്റായ എ.പി. അബ്ദുള്ളക്കുട്ടിയും കേസിലുള്ളതിനാല് ബി.ജെ.പിക്കെതിരെയും ഇത് ആയുധമാണ്. ബി.ജെ.പിയെ ബാധിക്കുന്നതിനാല് സി.ബി.ഐ ഇക്കാര്യത്തില് എന്തു നിലപാട് സ്വീകരിക്കുമെന്നതും പ്രധാനം. സ്വര്ണ്ണക്കടത്തിലും മറ്റും കേന്ദ്ര ഏജന്സികളെ തങ്ങള്ക്കെതിരെ രാഷ്ട്രീയമായി ദുരുപയോഗിക്കുന്നതായി ഇടതുമുന്നണി പ്രചാരണം അഴിച്ചുവിട്ടിരുന്നു. സോളാറില് സി.ബി.ഐ വിമുഖത കാട്ടിയാല് ആ ആരോപണം ഇടതുമുന്നണി കടുപ്പിക്കും. നിയമസഭാ തിരഞ്ഞെടുപ്പിനു മുമ്പേ ഇത് ചര്ച്ചയാക്കാം.
"
https://www.facebook.com/Malayalivartha
