പി സിയുടെ പോരാട്ടം ... പൂഞ്ഞാറിൽ പുണ്യ പുരാണ നൃത്തനാടകം തുടരുമോ ? ഏതു മുന്നണി പി സി ജോർജിന്റെ കൂടെപ്പോകും ? പൂഞ്ഞാറിൽ എതിരില്ലാതെ ?
2016ലെ നിയമസഭാ തെരഞ്ഞെടുപ്പിൽ കേരളത്തിൽ ഒരു എം എൽ - എ മാത്രമാണ് വിജയിച്ചത്. അത് അരുവിത്തറയിൽ പ്ളാന്തോട്ടത്തിൽ ചാക്കോ മകൻ ജോർജ്.
മണ്ഡലം പൂഞ്ഞാർ .ഇക്കുറിയും പി.സി.എല്ലാവരെയും ഞെട്ടിക്കും.കാരണം പിസിയെ ഒരു മുന്നണിക്കും വേണ്ട.പി.സി.യക്കും ഒരു മുന്നണിയെയും വേണ്ട. ഒരു മുന്നണിയിലും നിൽക്കാതെ ഒറ്റയ്ക്ക് നിന്ന് പൊരുതിയാണ് പി.സി. പൂഞ്ഞാറിൽ നിന്ന് നിയമസഭയിൽ എത്തിയത്. മനസ്സിലും മടിയിലും എന്താണെന്നന്ന് ആരും ചോദിക്കണ്ട - കാരണം പി.സി. തുറന്ന പുസ്തകമാണ്.
ഇനി ഒൻപതാം അങ്കത്തിനാണ് പി.സി.ഇറങ്ങാൻ പോകുന്നത്. എനിക്ക് ജയിക്കാൻ യു ഡി എഫും എൽ ഡി എഫും എൻ ഡി എ യും വേണ്ട എന്നാണ് പറയുന്നത് ' 2016ൽ 28000 ലധികം വോട്ടിൻ്റെ ഭൂരിപക്ഷമാണ് പി.സി.യക്ക് കിട്ടിയത്.പി.സി. ഇക്കുറി എല്ലാവരെയും വെല്ലുവിളിക്കുകയാണ്. പൂഞ്ഞാറിലും പാലായിലും താൻ മത്സരിക്കും എന്നാണ് പറയുന്നത്.
പാലാ, പൂഞ്ഞാർ, കാഞ്ഞിരപ്പള്ളി എന്നിവിടങ്ങളിൽ ആര് ജയിക്കണമെന്ന് ജനപക്ഷം ആയിരിക്കും തീർച്ചപ്പെടുത്തുക എന്നും പറയുന്നുണ്ട്. പി.സി.യക്ക് യു ഡി എഫ് വേണോ? അതോ യു ഡി എഫിന് പി.സിയെ വേണോ? ഇത് പോലെ തന്നെ എൽ ഡി എഫിനോടും NDA യോടും ചോദിക്കാൻ ഉള്ളത്.
എനിക്ക് ജയിക്കാൻ യുഡിഎഫും വേണ്ട എൽ ഡി എഫും വേണ്ട എൻ ഡി എ യും വേണ്ട എന്നാണ് പി.സി. പറയുന്നത്. ഇത്തരത്തിൽ ഒരു ആർജ്ജവം ആർക്കാണ് ഉള്ളത്.?അതാണ് ഞാൻ തുടക്കത്തിൽ പറഞ്ഞത് 2016ൽ ഒരു എം എൽ എ മാത്രമാണ് ഇവിടെ ജയിച്ചതെന്ന് .അപ്രിയ സത്യങ്ങൾ തുറന്ന് പറയുന്നു എന്നുള്ളതുകൊണ്ടാണ് എല്ലാ മുന്നണികളും പി.സി.യോട് അകലം പാലിക്കുന്നത്.
കോവിഡ് കാലത്തെ കിറ്റ് വിതരണത്തിൻ്റെ കാര്യത്തിൽ എൽ ഡി എഫ് ഞെളിഞ്ഞു നിൽക്കുമ്പോൾ അതിനെ പൊളിച്ചടുക്കുന്നത് പി.സി.മാത്രമാണ്. കേന്ദ്രത്തിൽ നിന്നുള്ള വിഹിതം വാങ്ങി ഇവിടുത്തെ സഞ്ചിയിൽ ഇട്ടു തരുന്നു. പിണറായിയുടെ സഞ്ചി മാത്രമാണ് സംസ്ഥാന വിഹിതം' - ഇത് പറഞ്ഞു കൊടുക്കാൻ ഇവിടുത്തെ ബി ജെ പി ക്കാർക്ക് പോലും കഴിഞ്ഞിട്ടില്ല. കോൺഗ്രസ്സുകാർ സോണിയേയും രാഹുലിനെയും പേടിച്ച് ഇരിക്കുന്നു.
1965-ലാണ് പൂഞ്ഞാർ മണ്ഡലം രൂപീകരിക്കുന്നത്.1980 ലാണ് പി.സി. മണ്ഡലത്തിൽ വിജയക്കൊടി നാട്ടുന്നത് ' 1996 ൽ ഇടതു് പക്ഷത്ത് എത്തിയ പിസി ജോയിയെ പരാജയപ്പെടുത്തി. 2001ലും 2006ലും ജോർജ്ജ് വിജയം ആവർത്തിച്ചു.2011-ൽ പി.സി കേരള കോൺഗ്രസ് മാണി വിഭാഗത്തിൻ്റെ മുൻ നേതാവ് മോഹൻ തോമസിനെ പരാജയപ്പെടുത്തി.
2016ൽ യു ഡി എഫിൻ്റെ ജോർജ്ജ് കുട്ടി അഗസ്തിയെയും എൽ ഡി എഫിൻ്റെ പി.സി.ജോസഫിനെയും പരാജയപ്പെടുത്തി പി.സി. തൻ്റെ കരുത്ത് തെളിയിച്ചു.ഇനി 2021 ലും ആ പുണ്യപുരാണ നൃത്തനാടകം തുടരും' - അത് കൊണ്ട് ഏത് മുന്നണിയാണ് പി സി യോട് ചേരുന്നത് എന്നാണ് പ്രധാനം.
'
"https://www.facebook.com/Malayalivartha