കേസില് ചോദ്യം ചെയ്ത മുഴുവന് പേരും പ്രതികളാകില്ല; എന്നാല് നിലവില് അറസ്റ്റിലാകാത്ത ചിലരെയും പ്രതി പട്ടികയില് ഉള്പ്പെടുത്തും ; സ്വര്ണക്കടത്തു കേസിൽ കസ്റ്റംസിന്റെ കുറ്റപത്രം ഈ മാസം
സ്വര്ണക്കടത്തു കേസിൽ കസ്റ്റംസിന്റെ കുറ്റപത്രം ഈ മാസം സമര്പ്പിക്കുവാൻ ഒരുങ്ങുകയാണ് .കുറ്റപത്രം തയ്യാറായിക്കഴിഞ്ഞെന്നും ഡിപ്പാര്ട്ട്മെന്റ് അനുമതി നല്കിയാലുടന് കോടതിയില് സമര്പ്പിക്കുമെന്നും കസ്റ്റംസ് വ്യക്തമാക്കി. നിലവില് തിരുവനന്തപുരത്തെ സ്വര്ണക്കടത്തു കേസും അനുബന്ധമായി റിപ്പോര്ട്ട് ചെയ്യപ്പെട്ട ഡോളര് കേസുമാണ് കസ്റ്റംസ് അന്വേഷിക്കുന്നത്.ഇതില് സ്വര്ണക്കടത്ത് കുറ്റപത്രമാണ് ഇപ്പോള് സമര്പ്പിക്കുക.
കേസില് ചോദ്യം ചെയ്ത മുഴുവന് പേരും പ്രതികളാകില്ല. എന്നാല് നിലവില് അറസ്റ്റിലാകാത്ത ചിലരെയും പ്രതി പട്ടികയില് ഉള്പ്പെടുത്തുമെന്ന് കസ്റ്റംസ് അന്വേഷണ സംഘം വെളിപ്പെടുത്തുകയുണ്ടായി. അതേസമയം ഡോളർ കടത്തിൽ മെയ് മാസത്തിനകം മാത്രമേ കുറ്റപത്രം നൽകൂ. അന്വേഷണം പുരോഗമിക്കുകയാണെന്നും കൂടുതൽ തെളിവുകൾ ആവശ്യമുണ്ടെന്നും കസ്റ്റംസ് അറിയിച്ചു. നിലവിലെ പ്രിവന്റീവ് കമ്മിഷണർ സുമിത് കുമാറിന് മെയ് മാസം സ്വാഭാവിക ട്രാൻസ്ഫർ വരേണ്ടതാണ്. ഇതിന് മുന്നോടിയായി കേസ് തീർക്കാനാണ് നീക്കമെന്നും കസ്റ്റംസ് സംഘം വ്യക്തമാക്കി.
https://www.facebook.com/Malayalivartha
