തിരഞ്ഞെടുപ്പ് പ്രചാരണത്തിന്റെ പേരിൽ ബിജെപി നേതൃത്വം നടത്തിയിട്ടുള്ള ഗുരുതരമായ സാമ്പത്തിക ക്രമക്കേടുകളെക്കുറിച്ചുള്ള വാർത്തകളാണ് ഇപ്പോൾ പുറത്തുവന്നുകൊണ്ടിരിക്കുന്നതെന്നും . മാധ്യമങ്ങൾ റിപ്പോർട്ട് ചെയ്തതുപ്രകാരം, തിരഞ്ഞെടുപ്പ് പ്രചാരണത്തിനായി വാടകയ്ക്ക് എടുത്ത ഹെലികോപ്റ്ററുകളുടെയും വാഹനങ്ങളുടെയും പേരിൽ വലിയ തോതിലുള്ള വെട്ടിപ്പാണ് നടന്നിരിക്കുന്നതെന്നും മുൻ മന്ത്രി വി ശിവൻകുട്ടി.

തിരഞ്ഞെടുപ്പ് പ്രചാരണത്തിനായി ഒരു കോടി കൊടികൾ നിർമ്മിക്കാനുള്ള മൂന്നരക്കോടി രൂപയുടെ കരാറിലും വൻ വെട്ടിപ്പാണ് നടന്നത് എന്ന് മാധ്യമങ്ങൾ റിപ്പോർട്ട് ചെയ്യുന്നു. ഇതൊരു ചെറിയ വിഷയമായി കാണാൻ കഴിയില്ല. ബിജെപി ഫണ്ടിൽ നടന്ന ഈ കൊള്ളയെക്കുറിച്ച് സമഗ്രമായ പോലീസ് അന്വേഷണം അടിയന്തരമായി നടക്കണം.

പൊതുജനങ്ങളുടെ പണവും പ്രവർത്തകരുടെ വിഹിതവും ഇത്തരത്തിൽ നേതാക്കൾ പോക്കറ്റിലാക്കുന്നത് ജനാധിപത്യത്തോടുള്ള വെല്ലുവിളിയാണ്. ഈ ആരോപണങ്ങളുടെ നിജസ്ഥിതി അറിയാനും, സത്യം ജനങ്ങൾക്ക് മുന്നിൽ തെളിയാനും കർശനമായ നിയമനടപടികൾ സ്വീകരിക്കാൻ പോലീസ് തയ്യാറാവണം. ജനങ്ങൾക്ക് ഇതിന്റെ പൂർണ്ണമായ സത്യസ്ഥിതി അറിയാൻ അവകാശമുണ്ട്.