പ്രതിപക്ഷനേതാവ് ഉന്നയിച്ച ആരോപണങ്ങള് അടിസ്ഥാന രഹിതം; തെറ്റിദ്ധാരണയുടെ കണികപോലും അവശേഷിക്കരുതെന്ന് നിര്ബന്ധമുള്ളതുകൊണ്ടാണ് ആഴക്കടല് മത്സ്യബന്ധന ധാരണാപത്രം റദ്ദാക്കിയതെന്ന് മുഖ്യമന്ത്രി പിണറായി വിജയന്
തെറ്റിദ്ധാരണയുടെ കണികപോലും അവശേഷിക്കരുതെന്ന് നിര്ബന്ധമുള്ളതുകൊണ്ടാണ് കെ.എസ്.ഐ.ഡി.സിയുടെ ആഴക്കടല് മത്സ്യബന്ധന ധാരണാപത്രം റദ്ദാക്കിയതെന്ന് മുഖ്യമന്ത്രി പിണറായി വിജയന്. സര്ക്കാര് ചെയ്ത എന്തെങ്കിലും തെറ്റായ കാര്യമല്ല റദ്ദാക്കുന്നത്.
ഇ.എം.സി.സിയുമായി കരാര് ഉണ്ടാക്കിയെന്നും മത്സ്യത്തൊഴിലാളികളുടെ ഉപജീവനത്തെ തകര്ക്കുമെന്നതുമടക്കം പ്രതിപക്ഷനേതാവ് ഉന്നയിച്ച ആരോപണങ്ങള് അടിസ്ഥാന രഹിതമാണെന്നും അദ്ദേഹം വാര്ത്തസമ്മേളനത്തില് പറഞ്ഞു. ആഴക്കടല് മത്സ്യബന്ധനത്തിന് വിദേശ കോര്പറേറ്റുകള് ഉള്പ്പെടെ അനുവദിക്കില്ലെന്നതാണ് സര്ക്കാറിെന്റ ഫിഷറീസ് നയം.
കെ.എസ്.ഐ.ഡി.സി ഒപ്പിട്ട ധാരണാപത്രം ആഴക്കടല് മത്സ്യബന്ധനത്തിന് പ്രോത്സാഹനം നല്കുന്നതല്ല. സര്ക്കാര് നയങ്ങള്ക്കനുസൃതമായ പിന്തുണയും സഹകരണവുമാണ് വാഗ്ദാനം ചെയ്യുന്നത്. സര്ക്കാര് നയങ്ങള്ക്ക് വിരുദ്ധമായ കാര്യത്തിന് ഈ പിന്തുണ ലഭ്യമാകില്ല.
ആഴക്കടല് മത്സ്യബന്ധനത്തിന് സര്ക്കാര് പിന്തുണയും സഹകരണവും നല്കുന്നുവെന്ന ആരോപണത്തിന് വസ്തുതകളുടെ പിന്ബലമില്ല. ഇടത് സര്ക്കാറിന് ലഭിക്കുന്ന സ്വീകാര്യത പ്രതിപക്ഷ നിരയില് ഉണ്ടാക്കിയ അസ്വസ്ഥതയാണ് പുറത്തുവരുന്നത്. സര്ക്കാര് മത്സ്യത്തൊഴിലാളികള്ക്കൊപ്പമാണ്. അവരുടെ ജീവിതം മെച്ചപ്പെടുത്താന് സാധ്യമായതെല്ലാം ചെയ്യുമെന്നും മുഖ്യമന്ത്രി പറഞ്ഞു.
https://www.facebook.com/Malayalivartha
