അമ്പരപ്പോടെ കോണ്ഗ്രസ്... കോണ്ഗ്രസുകാര് തള്ളിപ്പറഞ്ഞതോടെ പഴയ തട്ടകം തേടി പിസി ജോര്ജ്; തെരഞ്ഞെടുപ്പ് അടുത്തതോടെ യുഡിഎഫിനെതിരെ ആഞ്ഞടിക്കുന്നു; ഔദാര്യം ആവശ്യമില്ല; രാമക്ഷേത്രത്തിന് ആയിരമല്ല ഒരു ലക്ഷം രൂപ വരെ ആവശ്യമെങ്കില് നല്കും
സംസ്ഥാനത്ത് ഏത് നിമിഷവും തെരഞ്ഞെടുപ്പ് പ്രഖ്യാപിക്കുമെന്ന അവസ്ഥയാണുള്ളത്. അതേസമയം പിസി ജോര്ജിനെ ഒരു മുന്നണിക്കും വേണ്ടാത്ത അവസ്ഥയാണ്. അതോടെ പഴയ തട്ടകമായ എന്ഡിഎയില് തന്നെ പിസി ജോര്ജ് അഭയം തേടിയിരിക്കുകയാണ്. ഘടകകക്ഷിയാക്കണമെന്ന ആവശ്യത്തിന് മുന്നില് വാതിലടച്ച യുഡിഎഫിന് മറുപടിയുമായി പി സി ജോര്ജ്ജ് രംഗത്തെത്തി.
യുഡിഎഫിന്റെ ഔദാര്യം കേരള ജനപക്ഷത്തിന് ആവശ്യമില്ലെന്നായിരുന്നു പി സി ജോര്ജ്ജിന്റെ പ്രതികരണം. എന്ഡിഎ പ്രവേശന സാധ്യതയും പൂഞ്ഞാര് എംഎല്എ തള്ളുന്നില്ല. ഫെബ്രുവരി 28ന് പാര്ട്ടി തീരുമാനം പ്രഖ്യാപിക്കുമെന്ന് പി സി ജോര്ജ് പറഞ്ഞു. രാമക്ഷേത്രത്തിന് ആയിരമല്ല ഒരു ലക്ഷം രൂപ വരെ ആവശ്യമെങ്കില് നല്കുമെന്നാണ് പി സി ജോര്ജിന്റെ പ്രതികരണം.
അതേസമയം നിയമസഭാ തെരഞ്ഞെടുപ്പില് പൂഞ്ഞാറില് തന്നെ മത്സരിക്കുമെന്ന് പി.സി.ജോര്ജ് വ്യക്തമാക്കി. കോണ്ഗ്രസ് ഒറ്റക്കെട്ടായി നിന്നില്ലെങ്കില് നിയമസഭാ തെരഞ്ഞെടുപ്പില് പിണറായി വിജയനും സിപിഎമ്മിനുമായിരിക്കും ലാഭം. ഒറ്റക്കെട്ടായി മുന്നോട്ട് പോകാന് യുഡിഎഫിനായാല് നേരില് ഭൂരിപക്ഷത്തില് യുഡിഎഫ് അധികാരത്തില് തിരിച്ചെത്തുമെന്നും പി.സി.ജോര്ജ് പറഞ്ഞു.
നിയമസഭാ തെരഞ്ഞെടുപ്പില് താന് പൂഞ്ഞാറില് തന്നെ മത്സരിക്കും. 35,000 വോട്ടുകളുടെ ഭൂരിപക്ഷത്തിന് പൂഞ്ഞാറില് വിജയിക്കുകയും ചെയ്യും. പാലായില് മത്സരിച്ചാലും ജയിക്കാന് സാധിക്കുമെന്ന ആത്മവിശ്വാസമുണ്ട്. താന് മുന്നണിയില് ചേരുന്നതിനെ യുഡിഎഫിലെ ഏതെങ്കിലും ഘടകകക്ഷികള് എതിര്ക്കുമെന്ന് കരുതുന്നില്ലെന്നും പിസി ജോര്ജ് പറഞ്ഞു.
മുന്നണികളുടെ സഹായമില്ലെങ്കിലും പൂഞ്ഞാറില് ജയിക്കാനാവും എന്ന ആത്മവിശ്വാസമുണ്ട്. തെരഞ്ഞെടുപ്പില് ഷോണ് ജോര്ജിനെ മത്സരിപ്പിക്കുന്ന കാര്യത്തില് ഇതുവരെ തീരുമാനമെടുത്തിട്ടില്ല. കേരള കോണ്ഗ്രസ് അടക്കം ഒരു പാര്ട്ടിയിലും ചേരില്ലെന്നും ഒരു മുന്നണിയുടേയും സ്വതന്ത്രനായും മത്സരിക്കില്ലെന്നും കേരള ജനപക്ഷം (സെക്യുലര്) ആയി തന്നെ തെരഞ്ഞെടുപ്പിനെ നേരിടുമെന്നും പിസി ജോര്ജ് വ്യക്തമാക്കി.
മാണി സി കാപ്പന് പാലായില് വലിയ വേരൊന്നുമില്ലെന്ന് പിസി ജോര്ജ്ജ് പറഞ്ഞു. അല്പ്പം കാത്തിരുന്ന ശേഷം കാപ്പന് പാലാ സീറ്റിനെ ചൊല്ലി ബഹളം ഉണ്ടാക്കാമായിരുന്നുവെന്നും പിസി ജോര്ജ്ജ് പറഞ്ഞു. തന്റെ പാര്ട്ടിയില് നിന്നടക്കം കാപ്പനൊപ്പം പ്രവര്ത്തകര് പോയിട്ടുണ്ടെന്നും അവരെ അദ്ദേഹം സ്നേഹത്തില് പിടിച്ചെടുത്തതാണെന്നും പിസി ജോര്ജ്ജ് പറഞ്ഞു.
മാണി ഗ്രൂപ്പ് ഇടതു പക്ഷത്തേക്ക് പോകാന് തുടങ്ങിയപ്പോള് പാലാ സീറ്റ് തരണമെന്നായിരുന്നു അവരുടെ ഡിമാന്റ്. പാലാ സീറ്റ് സംബന്ധിച്ച് ചര്ച്ച നടത്തിയിട്ടില്ലെന്ന് എന്തിന് നുണ പറയണം. കാപ്പന് അല്പ്പം കാത്തിരുന്ന് ബഹളം വെക്കണമായിരുന്നു.
ദേശീയ തലത്തില് ശരദ് പവാറിനെയാണ് കാപ്പന് വിശ്വസിച്ചിരുന്നത്. എന്നാല് ശരദ് പവാര് സിപിഎം ഉള്പ്പെടെയുള്ള കക്ഷികളെ ഉള്പ്പെടുത്തി കോണ്ഗ്രസിനെ ഒഴിവാക്കി മൂന്നാം മുന്നണി രൂപീകരിക്കാന് ശ്രമം നടത്തിക്കൊണ്ടിരിക്കുകയാണ്. ആ സാഹചര്യത്തില് ശരദ് പവാറിന് കേരളത്തിലെ ഇടതുപക്ഷത്തിനെതിരായി നില്ക്കാന് കഴിയില്ല. അതുകൊണ്ട് ശരദ് പവാറിന് കാപ്പനെ ഉപേക്ഷിക്കേണ്ടി വന്നു. അങ്ങനെ വരുമ്പോള് കാപ്പന് യുഡിഎഫില് ചേരാതെ വഴിയില്ലെന്നും ജോര്ജ്ജ് പറഞ്ഞു.
എന്സിപിക്കുള്ളില് ഭിന്നതയുണ്ടാക്കിയെന്നു പറഞ്ഞ് കാപ്പന് ബഹളം വെയ്ക്കേണ്ട. പാലാ നിയോജക മണ്ഡലത്തില് എത്ര എന്സിപിക്കാര് ഉണ്ടെന്ന് നമുക്ക് അറിയാം. ജയിച്ചതിനു ശേഷം എന്റെ ആളുകളെ ഉള്പ്പെടെ അദ്ദേഹം സ്നേഹത്തില് പിടിച്ചെടുത്തു. അങ്ങനെ കുറേ ആളുകളെ മാത്രമാണ് കാപ്പന് ഉണ്ടാക്കിയിരിക്കുന്നത്. അതല്ലാതെ കാപ്പന് പാലായില് വലിയ വേരൊന്നുമില്ലെന്ന് പിസി ജോര്ജ്ജ് പറഞ്ഞു.
"
https://www.facebook.com/Malayalivartha