ട്വിസ്റ്റടിച്ച് രഞ്ജിത്ത്; മത്സരിക്കാനില്ലെന് പറഞ്ഞ സംവിധായകൻ കോഴിക്കോട് നോർത്തിൽ ഇടതിന് വേണ്ടി മത്സരിക്കും
നടനും സംവിധായകനുമായ രഞ്ജിത്ത് കോഴിക്കോട് നോർത്തിൽ എൽ.ഡി.എഫ് സ്ഥാനാർത്ഥിയായി മത്സരിക്കും. നേരത്തെ താൻ മത്സരിക്കാനില്ലെന്ന് പറഞ്ഞ രഞ്ജിത്ത് സിനിമാക്കഥ പോലെ ട്വിസ്റ്റ് നടത്തിയിരിക്കുകയാണ് രാഷ്ട്രീയത്തിലും.
മൂന്നു പ്രാവശ്യം പൂർത്തിയാക്കിയ എ പ്രദീപ് കുമാറിന് പകരമായാണ് രഞ്ജിത്തിനെ സി.പി .എം സ്ഥാനാർത്ഥിയായി നിർദ്ദേശിച്ചിരിക്കുന്നത്.
ഇടതുപക്ഷവുമായി നല്ല ബന്ധം പുലർത്തുന്ന രഞ്ജിത്ത് താൻ നിയമസഭാ തെരഞ്ഞെടുപ്പിൽ മത്സരിക്കാൻ തയ്യാറാണെന്ന് സി.പി.എം നേതാക്കളെ അറിയിക്കുകയായിരുന്നു. മൂന്ന് തവണ അവിടെ നിന്നും മത്സരിച്ച എ പ്രദീപാണ് നിലവിൽ സിറ്റിങ് എം.എൽ.എ.
നിരവധി പുരോഗമന പ്രവർത്തനങ്ങൾ നടത്തിയ പ്രദീപ് എം.എൽഎയ്ക്ക് നല്ല സ്വീകാര്യതയാണ് കോഴിക്കോട് നോർത്ത് മണ്ഡലത്തിൽ ജനങ്ങൾ നൽകിയിട്ടുള്ളത്.
ഏറെ വിവാദത്തിൽ നിന്ന പിണറായി സർക്കാരിന് പിന്തുണ പ്രഖ്യാപിച്ച് സംവിധായകൻ രഞ്ജിത്ത് നടത്തിയ പല പ്രസ്താവനകളും ജനശ്രദ്ധ ആകർഷിക്കുകയും സോഷ്യൽ മീഡിയയിലും മറ്റും ചർച്ചാവിഷയം ആകുകയും ചെയ്തിരുന്നു.
കോഴിക്കോട് നഗരത്തിൽ തന്നെയാണ് രണ്ടു പതിറ്റാണ്ടായി രഞ്ജിത്തിന്റെ താമസം. തിരക്കഥാകൃത്തായി സിനിമയിൽ വന്ന രഞ്ജിത്ത് പിന്നീട് മലയാള സിനിമാലോകത്ത് പല സൂപ്പർഹിറ്റ് ചിത്രങ്ങൾ സംവിധാനം ചെയ്യുകയും ഈയിടെ ആയി പല ചലച്ചിത്രങ്ങളിലും അഭിനയിക്കുകയും ചെയ്തിരുന്നു.
'എൽ.ഡി.എഫ് ഉറപ്പ്' എന്ന പരസ്യവാചകമൊക്കെ ഇറക്കിയ ശേഷം രഞ്ജിത്തിനെ പോലെയുള്ള സെലിബ്രിറ്റികളെ ഇറക്കുമ്പോൾ എന്ത് സംഭവിക്കും എന്ന് മെയ് രണ്ടിന് വിധിയറിയുമ്പോൾ കണ്ടറിയാം.
https://www.facebook.com/Malayalivartha