രണ്ട് ടേം തുടര്ച്ചയായി പൂര്ത്തിയാക്കിയവര് നിയമസഭാ തിരഞ്ഞെടുപ്പില് നിന്ന് മാറണമെന്ന വ്യവസ്ഥ കര്ക്കശമാക്കാന് സി.പി.എം സംസ്ഥാന സെക്രട്ടേറിയറ്റ് നിര്ദ്ദേശം... നിലവിലെ അഞ്ച് മന്ത്രിമാരും സ്പീക്കറുമടക്കം ഇരുപത്തിയഞ്ചോളം പേര് മത്സരക്കളത്തിനു പുറത്തേക്ക്, സ്ഥാനാര്ത്ഥിപ്പട്ടികയില് 50 ശതമാനവും പുതുമുഖങ്ങളാകും, ഇന്നു ചേരുന്ന സംസ്ഥാന കമ്മിറ്റി ഇതില് അന്തിമ തീരുമാനമെടുക്കും
രണ്ട് ടേം തുടര്ച്ചയായി പൂര്ത്തിയാക്കിയവര് നിയമസഭാ തിരഞ്ഞെടുപ്പില് നിന്ന് മാറണമെന്ന വ്യവസ്ഥ കര്ക്കശമാക്കാന് സി.പി.എം സംസ്ഥാന സെക്രട്ടേറിയറ്റ് നിര്ദ്ദേശിച്ചതോടെ നിലവിലെ അഞ്ച് മന്ത്രിമാരും സ്പീക്കറുമടക്കം ഇരുപത്തിയഞ്ചോളം പേര് മത്സരക്കളത്തിനു പുറത്തേക്ക്.
തോമസ് ഐസക് (ആലപ്പുഴ), ജി.സുധാകരന് (അമ്പലപ്പുഴ), പ്രൊഫ. സി.രവീന്ദ്രനാഥ് (പുതുക്കാട്) എ.കെ.ബാലന് (തരൂര്), ഇ.പി.ജയരാജന് (മട്ടന്നൂര്) എന്നിവരാണ് .
പൊളിറ്റ്ബ്യൂറോയില് നിന്ന് മുഖ്യമന്ത്രി പിണറായി വിജയന് മാത്രമാകും മത്സരരംഗത്ത്. സ്ഥാനാര്ത്ഥിപ്പട്ടികയില് 50 ശതമാനവും പുതുമുഖങ്ങളാകും. ഇന്നു ചേരുന്ന സംസ്ഥാന കമ്മിറ്റി ഇതില് അന്തിമ തീരുമാനമെടുക്കും. തുടര്ന്ന് ജില്ലാ കമ്മിറ്റികളുടെ അംഗീകാരം നേടി ഔദ്യോഗിക പ്രഖ്യാപനം നടത്തും. സ്പീക്കര് പി.ശ്രീരാമകൃഷ്ണനു പുറമേ മുതിര്ന്ന നേതാവ് വി.എസ്. അച്യുതാനന്ദന് (മലമ്പുഴ), മുന് മന്ത്രി എസ്. ശര്മ്മ (വൈപ്പിന്) എന്നിവരും 'എക്സിറ്റ്' പട്ടികയിലുണ്ട്.
പ്രായാധിക്യത്താല് വിശ്രമത്തിലുള്ള വി.എസ് ഇത്തവണ ഇതാദ്യമായി പ്രചാരണം നയിക്കാനുണ്ടാവില്ല. മുഖ്യമന്ത്രി തന്നെയാവും പ്രചാരണത്തിലും നായകസ്ഥാനത്ത്. കല്പറ്റ എല്.ജെ.ഡിക്ക് വിട്ടുനല്കേണ്ടി വരുമ്പോള് അവിടെ ഒരു ടേം മാത്രം എം.എല്.എയായ സി.കെ. ശശീന്ദ്രനും ബേപ്പൂരില് സാദ്ധ്യതാ പട്ടികയിലില്ലാത്ത വി.കെ.സി. മമ്മദ് കോയയും ഒഴിവായേക്കാം.
അന്തരിച്ച കെ.വി.വിജയദാസിനു പകരം കോങ്ങാട്ടും പുതിയ മുഖമെത്തും.പാര്ലമെന്റ് തിരഞ്ഞെടുപ്പില് മത്സരിച്ചവര്ക്കും ഇളവു വേണ്ടെന്ന വ്യവസ്ഥ കഴിഞ്ഞ സംസ്ഥാന കമ്മിറ്റി നിര്ദ്ദേശിച്ചിരുന്നു. ഇതില് അത്യാവശ്യം ഇളവു നല്കണോയെന്ന് ഇന്ന് സംസ്ഥാന കമ്മിറ്റി തീരുമാനമെടുക്കും. ഒന്നോ രണ്ടോ പേര്ക്ക് ഇളവുണ്ടാകുമെന്നാണ് സൂചന.
കേന്ദ്ര കമ്മിറ്റി അംഗങ്ങളായ എം.വി.ഗോവിന്ദന്, കെ.രാധാകൃഷ്ണന്, സംസ്ഥാന സെക്രട്ടേറിയറ്റ് അംഗങ്ങളായ ടി.പി.രാമകൃഷ്ണന്, കെ.എന്. ബാലഗോപാല് തുടങ്ങിയവര് പുതിയ സാദ്ധ്യതാപട്ടികയില് പ്രചരിക്കുന്ന പേരുകാരാണ്. ഒഴിവാകുന്ന മന്ത്രിമാര്ഇ.പി. ജയരാജന്, എ.കെ. ബാലന്, തോമസ് ഐസക്, ജി.സുധാകരന്, പ്രൊഫ.സി. രവീന്ദ്രനാഥ്.
വീണ്ടും മത്സരിക്കുന്ന മന്ത്രിമാര് കടകംപള്ളി സുരേന്ദ്രന്, കെ.കെ.ശൈലജ, ജെ. മേഴ്സിക്കുട്ടിഅമ്മ, എ.സി. മൊയ്തീന്, ടി.പി.രാമകൃഷ്ണന്, എം.എം.മണി, കെ.ടി.ജലീല്. സി.പി.എം സ്വതന്ത്രനായാണ് ജലീല് കഴിഞ്ഞ മൂന്നു തവണയും മത്സരിച്ചത്. അതുകൊണ്ട് ടേം നിബന്ധന ബാധകമാകില്ല.
"
https://www.facebook.com/Malayalivartha
