തെരഞ്ഞെടുപ്പ് അടുത്തിരിക്കെ ഓട്ടോറിക്ഷകളിൽ എൽഡിഎഫിന്റെ തെരഞ്ഞെടുപ്പ് പ്രചാരണം. മോട്ടോർ വാഹനവകുപ്പിന്റെ നിയമങ്ങൾ ലംഘിച്ചുകൊണ്ടാണ് പ്രചാരണം നടത്തുന്നത്. ഓട്ടോറിക്ഷകളുടെ മുകള്‍ഭാഗത്ത് ചുവപ്പ് നിറത്തിലെ ഫ്ലെക്സിൽ മുഖ്യമന്ത്രി പിണറായി വിജയന്റെ ചിത്രത്തോടൊപ്പം എല്‍ഡിഎഫ് ഉറപ്പ് എന്ന വാചകവും എഴുത്തിയിരിക്കുന്നു.

സംസ്ഥാനത്ത് രജിസ്റ്റർ ചെയ്തിട്ടുള്ള സര്‍വ്വീസ് ഓട്ടോറിക്ഷകള്‍ക്ക് താഴെ കറുപ്പും നടുവില്‍ മഞ്ഞവരയും മുകളില്‍ ബ്രൗണ്‍ നിറവുമാണ് അംഗീകരിച്ചിരിക്കുന്നത്. മോട്ടോർ വാഹന നിയമപ്രകാരം, രജിസ്റ്റർ ചെയ്തിരിക്കുന്ന വാഹനങ്ങളിൽ ഇതുമായി ബന്ധപ്പെട്ട ഓഫീസിന്റെ അനുമതി ഇല്ലാതെ മാറ്റങ്ങൾ വരുത്താൻ പാടില്ല. എല്‍ഡിഎഫിന്റെ പരസ്യവാചകത്തിനു വേണ്ടി മധ്യഭാഗത്തിനു മുകളില്‍ ബ്രൗണ്‍ കളര്‍ മാറ്റി പൂര്‍ണ്ണമായും ചുവപ്പ് ചായം ആക്കിയിരിക്കുകയാണ്.

കേരളം സർക്കാരിന്റെ തണലിൽ അനുമതി നേടാതെയാണ് ഓട്ടോറിക്ഷക്കാർ ഇങ്ങനെ ചെയ്യുന്നത്. വാഹനങ്ങളിൽ മാറ്റം വരുത്തണമെങ്കിൽ മോട്ടോര്‍ വെഹിക്കിള്‍ ഓഫീസില്‍ അപേക്ഷ നല്‍കി ഫീസും അടച്ചായിരിക്കണം അനുമതി നേടേണ്ടത്. എന്നാൽ ഭരണത്തിന് കീഴിലായതിനാലാണ് ഇവർക്കെതിരെ നടപടി സ്വീകരിക്കാത്തത്.

നിയമ ലംഘനം നടത്തിയ ഓട്ടോറിക്ഷകള്‍ മോട്ടോര്‍ വെഹിക്കിള്‍ പരിശോധനാ വിഭാഗത്തിന്റെയും പോലീസിന്റെയും മുന്നില്‍ കൂടി നിരന്തരം പോകുന്നുണ്ടെങ്കിലും ഇതുവരെയും നടപടി സ്വീകരിച്ചിട്ടില്ല.
മോട്ടോര്‍ വാഹന നിയമം കര്‍ശനമായി നടപ്പാക്കിയപ്പോള്‍ വാഹനങ്ങളില്‍ നിയമപ്രകാരമല്ലാത്തവ എല്ലാം നീക്കം ചെയ്ത് പിഴ ഈടാക്കിയതാണ്. മന്ത്രിമാരുടെ വാഹനങ്ങളിലെ കര്‍ട്ടന്‍ വരെ നീക്കം ചെയ്തിരുന്നു. എന്നാൽ ഇവർക്കെതിരെ മാത്രം നടപടി എടുക്കുന്നില്ല.