സംസ്ഥാനത്ത് ചൂട് ക്രമാതീതമായി ഉയരുന്ന സാഹചര്യത്തില് ജാഗ്രതാ നിര്ദേശം പുറപ്പെടുവിച്ച് ആരോഗ്യ വകുപ്പ്
സംസ്ഥാനത്ത് ചൂട് ക്രമാതീതമായി ഉയരുന്ന സാഹചര്യത്തില് ആരോഗ്യ വകുപ്പ് ജാഗ്രതാ നിര്ദേശം പുറപ്പെടുവിച്ചു. സംസ്ഥാനത്തെ വിവിധ ജില്ലകളില് അടുത്ത ദിവസങ്ങളില് താപനില ഉയരാന് സാധ്യതയുണ്ടെന്നാണ് ദുരന്ത നിവാരണ അതോറിറ്റിയുടെ മുന്നറിയിപ്പ്.
ആലപ്പുഴ , കോട്ടയം ജില്ലകളിലാണ് താപനിലയില് വ്യതിയാനം ഉണ്ടാവുക. ഈ ജില്ലകളില് സാധാരണ താപനിലയേക്കാള് 2 - 3 ഡിഗ്രി സെല്ഷ്യസ് വരെ ചൂട് ഉയരാന് സാധ്യതയുണ്ടെന്നാണ് മുന്നറിയിപ്പില് പറയുന്നത്.
താപനില വര്ധിക്കുന്ന സാഹചര്യത്തില് പൊതുജനങ്ങള്ക്കായി പ്രത്യേക സുരക്ഷാ മുന്നറിയിപ്പുകളും ദുരന്ത നിവാരണ അതോറിറ്റി പുറപ്പെടുവിച്ചു.
അതേസമയം രാവിലെ 11 മണി മുതല് വൈകുന്നേരം 3 മണി വരെ നേരിട്ടുള്ള വെയില് കൊള്ളുന്നത് ഒഴിവാക്കേണ്ടതാണ്. നേരിട്ടുള്ള സൂര്യ പ്രകാശം ഏല്ക്കാതിരിക്കാന് കുടയോ, തൊപ്പിയോ ഉപയോഗിക്കേണ്ടതാണ്. ചൂട് കാലമായതിനാല് ദാഹമില്ലെങ്കില് പോലും ധാരാളം വെള്ളം കുടിക്കണം. അല്ലെങ്കില് നിര്ജലീകരണം മൂലം വലിയ ആരോഗ്യ പ്രശ്നങ്ങള് ഉണ്ടാക്കും.
65 വയസിന് മുകളില് പ്രായമുള്ളവര്, കുട്ടികള്, ഹൃദ്രോഗം തുടങ്ങിയ രോഗമുള്ളവര്, കഠിന ജോലികള് ചെയ്യുന്നവര് എന്നിവര്ക്ക് പ്രത്യേക കരുതലും സംരക്ഷണവും ആവശ്യമാണ്. കുടിക്കുന്നത് ശുദ്ധജലമാണെന്ന് ഉറപ്പാക്കണം. എന്തെങ്കിലും ശാരീരിക ബുദ്ധിമുട്ട് തോന്നിയാല് ഉടന് ചികിത്സ തേടേണ്ടതാണ്. നിര്ജ്ജലീകരണമുണ്ടാക്കുന്ന മദ്യം, കാപ്പി, ചായ, കൂള് ഡ്രിങ്ക്സുകള് എന്നിവ പകല് സമയത്ത് ഒഴിവാക്കുക. ഒ ആര് എസ്, ലെസ്സി, ബട്ടര് മില്ക്ക്, നാരങ്ങാ വെള്ളം തുടങ്ങിയവ കുടിക്കുന്നത് നല്ലതാണ്.
അയഞ്ഞ, ഇളം നിറത്തിലുള്ള പരുത്തി വസ്ത്രങ്ങള് ധരിക്കുക. ലേബര് കമ്മീഷണര് തൊഴില് സമയം പുനഃക്രമീകരിച്ച് ഉത്തരവിടുന്നതാണ്. അതിനനുസരിച്ച് തൊഴില് ദാതാക്കളും തൊഴിലാളികളും സഹകരിക്കേണ്ടതാണ്. ഇരു ചക്ര വാഹനങ്ങളില് ഓണ്ലൈന് ഭക്ഷണ വിതരണം നടത്തുന്നവര് ഉച്ച സമയത്ത് സുരക്ഷിതരാണെന്ന് അതാത് സ്ഥാപനങ്ങള് ഉറപ്പുവരുത്തേണ്ടതാണ്.
അവര്ക്കു ചൂട് ഏല്ക്കാതിരിക്കാന് ഉതകുന്ന രീതിയിലുള്ള വസ്ത്രധാരണം നടത്താന് നിര്ദ്ദേശം നല്കുകയും അതുപോലെ ആവശ്യമെങ്കില് യാത്രക്കിടയില് അല്പസമയം വിശ്രമിക്കാനുള്ള അനുവാദം നല്കുകയും ചെയ്യേണ്ടതാണ്.
നിര്മ്മാണ തൊഴിലാളികള്, കര്ഷക തൊഴിലാളികള്, വഴിയോര കച്ചവടക്കാര് തുടങ്ങി പുറം വാതില് ജോലിയില് ഏര്പ്പെടുന്നവര് ജോലി സമയം ക്രമീകരിക്കുകയും ധാരാളമായി വെള്ളം കുടിക്കുകയും വിശ്രമിക്കുകയും ചെയ്യേണ്ടതാണ്. പി എസ് സി പരീക്ഷാ കേന്ദ്രങ്ങളില് കുടിവെള്ള ലഭ്യത ഉറപ്പാക്കണം.
വിദ്യാഭാസ സ്ഥാപനങ്ങളില് ശുദ്ധമായ കുടിവെള്ള ലഭ്യത ഉറപ്പാക്കേണ്ടതും ക്ലാസ് മുറികളില് വായുസഞ്ചാരം ഉറപ്പാക്കേണ്ടതുമാണ്. പരീക്ഷാക്കാലമായതിനാല് പരീക്ഷാഹാളുകളിലും ജലലഭ്യത ഉറപ്പാക്കണം.
നഗരങ്ങളില് തണലുള്ള പാര്ക്കുകള്, ഉദ്യാനങ്ങള് പോലെയുള്ള പൊതു ഇടങ്ങള് പൊതുജനങ്ങള്ക്കായി എന്നിവ പകല് സമയങ്ങളില് തുറന്ന് കൊടുക്കണം. യാത്രയില് ഏര്പ്പെടുന്നവരും മറ്റ് ആവശ്യങ്ങള്ക്കായി നഗരങ്ങളില് എത്തുന്നവരും കൃത്യമായ ഇടവേളകളില് ശരീരത്തിന് തണലും വെള്ളവും വിശ്രമവും നല്കാന് ശ്രമിക്കണം.
തദ്ദേശ സ്ഥാപനങ്ങള് വാട്ടര് കിയോസ്കുകളില് വെള്ളം ഉറപ്പു വരുത്തണം. ഉച്ചവെയിലില് കന്നുകാലികളെ മേയാന് വിടുന്നതും വെയിലത്തു കെട്ടിയിടുന്നതും ഒഴിവാക്കണം. മൃഗങ്ങള്ക്കും പക്ഷികള്ക്കും ശുദ്ധജല ലഭ്യത ഉറപ്പാക്കുക.
" frameborder="0" allow="autoplay; encrypted-media" allowfullscreen>
https://www.facebook.com/Malayalivartha
