മുഖ്യമന്ത്രി എത്ര സ്വരം മാറ്റിപ്പറഞ്ഞാലും കേരളത്തിലെ വിശ്വാസികള് മാപ്പ് തരില്ല; പിണറായി സര്ക്കാരിന് തുടര് ഭരണത്തിന് അവസരം കൊടുക്കുന്നത് സര്വനാശം വിതയ്ക്കുമെന്ന് എ.കെ.ആന്റണി
നിയമസഭാ തിരഞ്ഞെടുപ്പില് പിണറായി സര്ക്കാരിന് തുടര് ഭരണത്തിന് അവസരം കൊടുക്കുന്നത് അത്യാപത്താണെന്നും, അത് സംസ്ഥാനത്ത് സര്വനാശം വിതയ്ക്കുമെന്നും കോണ്ഗ്രസ് പ്രവര്ത്തക സമിതി അംഗം എ.കെ.ആന്റണി വാര്ത്താ സമ്മേളനത്തില് പറഞ്ഞു.
തിരഞ്ഞെടുപ്പ് അടുത്തപ്പോള് മുഖ്യമന്ത്രിയുടെ സ്വരത്തിന് സൗമ്യത വന്നിരിക്കുന്നു. വലിയ കാര്ക്കശ്യം കാണുന്നില്ല. മന്ത്രിമാരെല്ലാം മര്യാദരാമന്മാരായി മാറി. ചില മന്ത്രിമാര് തെറ്റ്
ഏറ്റുപറയാന് തുടങ്ങി. ഈ മുഖം മിനുക്കലിലും ഭാഷയില് വന്ന മാറ്റത്തിലും ആരും വഞ്ചിതരാകരുത്. ഇതെല്ലാം അക്കരെ കടക്കാനുള്ള അടവ് മാത്രമാണ്. അവര് അക്കരെ കടന്നാല് അതോടെ കേരളത്തിന്റെ കഥ കഴിഞ്ഞു. ഏപ്രില് ആറിന് വോട്ടു ചെയ്യാന് പോകുംമുമ്ബ് കഴിഞ്ഞ അഞ്ചുവര്ഷത്തെ ഭരണം ഓര്ക്കണം. അഹങ്കാരം, തലക്കനം, പിടിവാശി, ആഡംബരം, ധൂര്ത്ത്, സര്വത്ര അഴിമതി ഇതായിരുന്നു മുഖമുദ്ര. ശബരിമല വിഷയത്തില് കോടതിവിധി വന്നതിന് ശേഷം എല്ലാവരുമായി ചര്ച്ച ചെയ്തേ തീരുമാനമെടുക്കൂവെന്നും, എടുത്തുചാട്ടത്തിനില്ലെന്നുമാണ് മുഖ്യമന്ത്രി പറയുന്നത്. ദേവസ്വം മന്ത്രിയാകട്ടെ തെറ്റുപറ്റി, ക്ഷമിക്കണമെന്ന് പറയുന്നു. മുഖ്യമന്ത്രി ഈ നിലപാട് നേരത്തേ എടുത്തിരുന്നെങ്കില് ഇത്രയേറെ നാശമുണ്ടാകുമായിരുന്നില്ല. ശബരിമലയില് സംഭവിച്ചത് പോളിംഗ് ബൂത്തിലേക്ക് പോകുന്ന അയ്യപ്പഭക്തര് മറക്കുമോ?. മുഖ്യമന്ത്രി എത്ര സ്വരം മാറ്റിപ്പറഞ്ഞാലും കേരളത്തിലെ വിശ്വാസികള് മാപ്പ് തരില്ല. ശുഹൈബ്, കൃപേഷ്, ശരത് ലാല് എന്നീ ചെറുപ്പക്കാരെ ക്രൂരവും പൈശാചികവുമായി കൊലചെയ്ത സംഭവവും ജനങ്ങള് മറക്കില്ല. സി.ബി.ഐ അന്വേഷണം തടയാന് സര്ക്കാര് എത്ര കോടിയാണ് ചെലവഴിച്ചത്. ഇടതുമുന്നണിക്ക് ജനങ്ങള് വിധിക്കാന് പോകുന്നത് രാഷ്ട്രീയ വനവാസമായിരിക്കും.
. പബ്ലിക് സര്വീസ് കമ്മീഷനെ പാര്ട്ടി കമ്മീഷനാക്കി, അര്ഹതയുള്ളവര്ക്ക് ജോലി നിഷേധിച്ച്, പിന്വാതില് നിയമനം പതിവാക്കിയ ഈ സര്ക്കാരിനെതിരെ തൊഴില് നിഷേധിക്കപ്പെട്ട ചെറുപ്പക്കാരുടെ പ്രതികാരം ഉണ്ടാകാതിരിക്കുമോ?..സര്ക്കാരിനെ ശപിച്ചുകൊണ്ട് അവര് യു.ഡി.എഫിന് വോട്ടുചെയ്യും.കേരളത്തിന്റെ കടല്ത്തീരം മുഴുവന് ചൂഷണം ചെയ്യാന് അമേരിക്കന് കമ്ബനിക്ക് അനുമതി നല്കി ആഴക്കടല് മത്സ്യബന്ധന കരാര് ഒപ്പിട്ട സര്ക്കാരിന് മത്സ്യത്തൊഴിലാളികള് മാപ്പ് നല്കില്ല. പിണറായി ഭരണത്തെ തൂത്തെറിയണമെന്നത് യു.ഡി.എഫിന്റെയും കോണ്ഗ്രസിന്റെയും മാത്രമല്ല, നല്ല കമ്മ്യൂണിസ്റ്റുകാരുടെയും ആവശ്യമാണ്- ആന്റണി പറഞ്ഞു.
https://www.facebook.com/Malayalivartha
