മംഗളൂരുവിൽ ബസിൽ ഒരുമിച്ച് യാത്രചെയ്ത യുവാവിനും യുവതിയ്ക്കും സദാചാര പോലീസ് ആക്രമണം. അസ്വിദ് അന്‍സാര്‍ മുഹമ്മദ് എന്ന യുവാവിന് ബജ്റംഗ്ദള്‍ പ്രവര്‍ത്തകരുടെ വെട്ടേൽക്കുകയും ചെയ്തു.

23കാരിയായ യുവതിക്കും പരിക്കേറ്റിരുന്നു. സംഭവത്തില്‍ നാല് ബജ്റംഗ്ദള്‍ പ്രവര്‍ത്തകര്‍ അറസ്റ്റില്‍. വധശ്രമത്തിന് ഇവര്‍ക്കെതിരെ കേസ് എടുത്തു.

യുവാവ് സുഹൃത്തായ അശ്വിനി ഷാനുബാഗുവിനോടൊപ്പം ജോലി ആവശ്യാര്‍ത്ഥം ബെംഗളൂരുവിലേക്ക് പോകുകയായിരുന്നു.

രാത്രി ഒമ്ബതരയോടെ ബസ് തടഞ്ഞു നിര്‍ത്തിയ ബജ്റംഗ്ദള്‍ പ്രവര്‍ത്തകര്‍ ഇവർക്കെതിരെ ശക്തമായ രീതീയിൽ ഇവരെ ആക്രമിക്കുകയായിരുന്നു.

ബാലചന്ദ്ര(28), ധനുഷ് ഭണ്ഡാരി, ജയപ്രശാന്ത്(27), അനില്‍കുമാര്‍(38) എന്നിവരാണ് അറസ്റ്റിലായതെന്ന് മംഗളൂരു സിറ്റി പൊലീസ് കമീഷണര്‍ എന്‍ ശശികുമാര്‍ പറഞ്ഞു.

ഇതില്‍ ധനുഷിനെതിരെ 4 കൊലപാതക കേസും നിലവിലുണ്ട്. യുവതിയുടെ പരാതിയെ തുടര്‍ന്നാണ് പോലീസ് നടപടി എടുത്തത്.