മരം മുറിക്കുന്നതിനിടയിൽ തൊഴിലാളിയുടെ കഴുത്തിൽ കയർ കുരുങ്ങി ദാരുണാന്ത്യം
03 APRIL 2021 04:27 PM IST
മലയാളി വാര്‍ത്ത
കൊല്ലം ശാസ്താംകോട്ടയിൽ ശാസ്താംകോട്ടയില്‍ മരം മുറിക്കുന്നതിനിടെ കഴുത്തില്‍ കയര്‍ കുരുങ്ങി തൊഴിലാളിക്കു ദാരുണാന്ത്യം.
മുതുപിലാക്കാട് സ്വദേശി കൃഷ്ണന്‍കുട്ടിയാണു (കണ്ണന്‍ 48) മരണപ്പെട്ടത്. ഇന്നു രാവിലെ 11 മണിയോടെ ആഞ്ഞിലിമൂടാണു ദാരുണമായ സംഭവത്തെ നടക്കുന്നത്.
മരം മുറിക്കുന്ന യന്ത്രവുമായാണു കണ്ണന്‍ മരത്തിലേക്ക് കയറിയത്. യന്ത്രം താഴെ വീഴാതിരിക്കാനായി മരത്തില്‍ കയറുമായി ബന്ധിച്ചിരുന്നു.
ശിഖരങ്ങള്‍ മുറിക്കുന്നതിനിടെ യന്ത്രം കയ്യില്‍ നിന്നു വഴുതി താഴേക്കു പോയതോടെ അബദ്ധത്തില്‍ കഴുത്തില്‍ കയര്‍ കുരുങ്ങുകയായിരുന്നെന്നു ദൃക്‌സാക്ഷികള്‍ പറഞ്ഞു
നാട്ടുകാര്‍ വിവരം അറിയിച്ചതിനെ തുടര്‍ന്നു ഫയര്‍ ഫോഴ്‌സ് എത്തിയാണു മൃതദേഹം താഴെ എത്തിച്ചത്. മൃതദേഹം ശാസ്താംകോട്ട താലൂക്ക് ആശുപത്രി മോര്‍ച്ചറിയിലേക്കു മാറ്റുകയും ചെയ്തു.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
