കശ്മീരിലെ കഠ്​വയിലും കേരളത്തിലെ വാളയാറിലും കേള്‍ക്കുന്നത് ഒരേ നിലവിളിയാണെന്നും കുരുന്നുബാലികമാരുടെ സുരക്ഷ ഉറപ്പാക്കാന്‍ കഴിയാത്ത ഏത് സര്‍ക്കാറായാലും ജനം തൂത്തെറിയണമെന്നും കഠ്​വ കേസിലെ അഭിഭാഷക ദീപിക സിങ്​ രജാവത്. താനൂരില്‍ യു.ഡി.എഫ് സ്ഥാനാര്‍ഥി പി.കെ. ഫിറോസി​െന്‍റ പ്രചാരണാര്‍ഥം യു.ഡി.വൈ.എഫ് സംഘടിപ്പിച്ച യുവജന റാലിയെ അഭിസംബോധന ചെയ്യുകയായിരുന്നു അവര്‍.

കഠ്​​വയിലെ പിഞ്ചുബാലികയുടെ ദാരുണ മരണത്തെക്കുറിച്ച്‌ കേട്ടപ്പോള്‍ അനുഭവിച്ച അതേ മാനസിക സംഘര്‍ഷമാണ് വാളയാറിലെ സഹോദരിമാരെക്കുറിച്ച്‌ കേട്ടപ്പോഴും അനുഭവിച്ചത്. വാളയാര്‍ പെണ്‍കുട്ടികളുടെ അമ്മ നടത്തുന്ന നീതിക്കായുള്ള പോരാട്ടത്തെ പിന്തുണക്കും. പാലത്തായി പെണ്‍കുട്ടിക്ക് നേരിടേണ്ടി വന്ന ദുരനുഭവവും കേരളത്തെ നാണം കെടുത്തി. മുസ്​ലിം യൂത്ത് ലീഗും താനുമായുള്ള ബന്ധം കഠ്​​വ കേസി​െന്‍റ തുടക്കം മുതല്‍ ഉള്ളതാണ്. അത് തകര്‍ക്കാനാവില്ല. ആ കേസി​െന്‍റ പേരില്‍ വേട്ടയാടപ്പെട്ടപ്പോള്‍ കൂടെ നിന്നത് യൂത്ത് ലീഗാ​െണന്നും അവര്‍ പറഞ്ഞു.